തിരുവനന്തപുരം:കഴക്കൂട്ടത്ത് ഉത്സവത്തിനിടെയുണ്ടായ സംഘര്‍ഷത്തില്‍ പൊലീസ് ഉദ്യോഗസ്ഥന് പരിക്ക്. എആർ ക്യാമ്പിലെ സിവില്‍ പൊലീസ് ഓഫിസര്‍ റിയാസിനാണ് കമ്പിവടി കൊണ്ട് മര്‍ദനമേറ്റത്. കഴക്കൂട്ടം മഹാദേവര്‍ ക്ഷേത്രത്തിലെ ഉത്സവത്തിനിടെ ഇന്നലെ (മെയ്‌ 12) രാത്രിയാണ് സംഭവം.
ഉത്സവത്തിന്‍റെ അവസാന ദിനമായിരുന്നു ഇന്നലെ. ഉത്സവത്തിന് അനുവദിച്ച സമയത്തിന് ശേഷവും പരിപാടി നടത്തിയതിനെ തുടർന്ന് രാത്രി 11 മണിയോടെ പൊലീസ് സ്ഥലത്തെത്തി പരിപാടി അവസാനിപ്പിക്കാൻ നിർദേശം നൽകി. പൊലീസ് സ്ഥലം വിട്ടതിന് പിന്നാലെ വീണ്ടും പരിപാടികള്‍ തുടര്‍ന്നു. ഇതോടെ വീണ്ടും സ്ഥലത്തെത്തിയ പൊലീസ് പരിപാടി നിര്‍ത്തിവയ്‌ക്കാന്‍ ആവശ്യപ്പെട്ടു.