പാലക്കാട്ടെ ഇരട്ട വോട്ട് വിവാദം കളക്‌ടർ അന്വേഷിക്കും; ബിഎൽഒമാരോട് വിശദീകരണം തേടി

സിപിഎം ജില്ലാ സെക്രട്ടറി ഇ എൻ സുരേഷ് ബാബുവിന്‍റെ പരാതിയിലാണ് അന്വേഷണം ആരംഭിച്ചത്.

പാലക്കാട്:ഇരട്ട വോട്ട് വിവാദം ജില്ലാ കളക്‌ടര്‍ അന്വേഷിക്കും. വ്യാപകമായി വ്യാജ വോട്ട് ചേർക്കപ്പെട്ടിട്ടുണ്ടെന്ന് രാഷ്ട്രീയപ്പാർട്ടികൾ പരാതി ഉന്നയിച്ച സാഹചര്യത്തില്‍ കളക്‌ടര്‍ ബന്ധപ്പെട്ട ബിഎൽഒമാരോട് വിശദീകരണം തേടി. യുഡിഎഫും ബിജെപിയും വ്യാജമായി വോട്ടർ പട്ടികയിൽ പേര് ചേർത്തിട്ടുണ്ടെന്ന് കാണിച്ച് സിപിഎം ജില്ലാ സെക്രട്ടറി ഇ എൻ സുരേഷ് ബാബുവാണ് ആദ്യം തെരഞ്ഞെടുപ്പ് കമ്മീഷന് പരാതി നൽകിയത്.

ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാം

സമാനമായ ആരോപണവുമായി പിന്നീട് മറ്റ് കക്ഷികളും രംഗത്തെത്തി. ഈ സാഹചര്യത്തിലാണ് പാലക്കാട് ജില്ലാ കളക്‌ടര്‍ വോട്ടർ പട്ടികയിൽ ആളെ ചേർക്കുന്ന ബൂത്ത് ലെവൽ ഓഫീസർമാരോട് വിശദീകരണം തേടിയിരിക്കുന്നത്.