പ്രതിയുമായി തെളിവെടുപ്പ് നടത്തുന്ന ദൃശ്യങ്ങൾ (ETV Bharat) കോട്ടയം:തിരുവാർപ്പ് ശ്രീകൃഷ്‌ണ സ്വാമി ക്ഷേത്രത്തിൽ മോഷണം നടത്തിയ പ്രതി പിടിയിൽ. ആലപ്പുഴ സ്വദേശിയായ ആശാകുമാറിനെയാണ് കുമരകം പൊലീസ് പിടികൂടിയത്. ക്ഷേത്രത്തിലെ കാണിക്കവഞ്ചികൾ തകർത്ത് പണം മോഷ്‌ടിക്കുകയായിരുന്നു.
ജൂൺ അഞ്ചിന് രാത്രിയാണ് ക്ഷേത്രത്തിൽ മോഷണം നടന്നത്. സംഭവ സ്ഥലത്ത് നിന്ന് ലഭിച്ച സിസിടിവി ദൃശ്യങ്ങളും വിരലടയാളവും കേന്ദ്രീകരിച്ച് നടത്തിയ അന്വേഷണത്തിലാണ് പ്രതിയെ തിരിച്ചറിഞ്ഞത്. തുടർന്ന് അമ്പലപ്പുഴയിൽ നിന്നാണ് പ്രതിയെ കസ്റ്റഡിയിൽ എടുത്തത്. പ്രതിയെ ക്ഷേത്രത്തിൽ എത്തിച്ച് തെളിവെടുപ്പ് നടത്തി.
Also Read: നീലേശ്വരത്തെ സ്‌കൂളിൽ പൂട്ട് തകര്‍ത്ത് കവര്‍ച്ച; പണവും ഡിഎസ്‌എല്‍ആര്‍ ക്യാമറയും മോഷണം പോയി
