ന്യൂഡൽഹി: നിതി ആയോഗിന്‍റെ സുസ്ഥിര വികസന ലക്ഷ്യ സൂചികയിൽ കേരളം വീണ്ടും ഒന്നാമത്. 2020-21 കാലയളവിലും പട്ടികയിൽ കേരളമായിരുന്നു ഒന്നാമത്. ഉത്തരാഖണ്ഡും കേരളത്തോടൊപ്പം ഒന്നാം സ്ഥാനം പങ്കിടുന്നുണ്ട്.
79 പോയിന്‍റാണ് ഇരു സംസ്ഥാനങ്ങള്‍ക്കും ലഭിച്ചത്. പട്ടികയിൽ ഏറ്റവും പിന്നിൽ ബിഹാറാണ്. 57 ആണ് ബിഹാറിന്‍റെ പോയിന്‍റ്.
രണ്ടാം സ്ഥാനത്ത് തമിഴ്‌നാടാണ്. 78 പോയിന്‍റാണ് തമിഴ്‌നാട്ടിനുള്ളത്. 77 പോയിന്‍റുമായി ഗോവയും തൊട്ടുപിന്നിലുണ്ട്. റിപ്പോർട്ട് അനുസരിച്ച്, 2018 മുതല്‍ 2023-24 കാലയളവ് വരെ ഏറ്റവും വേഗത്തിൽ മുന്നേറിയ സംസ്ഥാനങ്ങൾ ഉത്തർപ്രദേശ് (25 സ്‌കോറിന്‍റെ വർധനവ്), ജമ്മു & കാശ്‌മീർ (21), ഉത്തരാഖണ്ഡ് (19), സിക്കിം (18), ഹരിയാന (17), അസം, ത്രിപുര, പഞ്ചാബ് (16 വീതം), മധ്യപ്രദേശ്, ഒഡീഷ (15 വീതം) എന്നിവയാണ്.