തൃശൂർ: മാധ്യമ പ്രവര്‍ത്തകരെ കയ്യേറ്റം ചെയ്‌ത സംഭവത്തില്‍ കേന്ദ്രമന്ത്രി സുരേഷ് ഗോപിക്കെതിരെ അന്വേഷണത്തിന് ഉത്തരവിട്ട് കമ്മിഷണര്‍. അനിൽ അക്കര എംഎൽഎ നൽകിയ പരാതിയിലാണ് നടപടി. തൃശൂർ സിറ്റി എസിപിക്കാണ് അന്വേഷണ ചുമതല.
പരാതിക്കാരനിൽ നിന്നും മാധ്യമപ്രവർത്തകരിൽ നിന്നും വേണ്ടി വന്നാൽ മൊഴിയെടുക്കുമെന്ന് എസിപി അറിയിച്ചു. ഇന്നലെയാണ് (ഓഗസ്റ്റ് 27) കേസിനാസ്‌പദമായ സംഭവം. ഹേമ കമ്മിറ്റി റിപ്പോര്‍ട്ട് പുറത്ത് വിട്ടതിന് പിന്നാലെ നടന്‍ മുകേഷിനെതിരെ ഉയര്‍ന്ന ലൈംഗിക ആരോപണങ്ങളെ കുറിച്ച് ആരാഞ്ഞപ്പോഴാണ് മന്ത്രി മാധ്യമ പ്രവര്‍ത്തകരെ കയ്യേറ്റം ചെയ്‌തത്.