ഇടുക്കി: ഇടുക്കി ജില്ല കലക്‌ടർ ഷീബ ജോർജിനെ മാറ്റാനുള്ള സർക്കാർ തീരുമാനത്തിന് ഹൈക്കോടതിയുടെ അനുമതി. 3 വ‍ർഷം ഇടുക്കി കലക്‌ടറായി പദവി വഹിച്ച സാഹചര്യത്തില്‍, ഷീബ ജോർജിനെ മാറ്റാൻ അനുവദിക്കണം എന്നായിരുന്നു സർക്കാരിന്‍റെ ആവശ്യം.
ലോക്‌സഭ തെരഞ്ഞെ‍ടുപ്പിനു മുമ്പു തന്നെ ജില്ല കലക്‌ടറെ മാറ്റാൻ തീരുമാനം എടുത്തിരുന്നുവെങ്കിലും മൂന്നാർ കയ്യേറ്റം ഒഴിപ്പിക്കൽ നടക്കുന്നതിനാല്‍ കലക്‌ടറെ മാറ്റരുതെന്ന് കോടതി നിർദേശം നൽകിയിരുന്നു. ഈ സാഹചര്യത്തിലാണ് ഇടക്കാല ഉത്തരവിൽ മാറ്റം വരുത്തി കലക്‌ടറെ മാറ്റാനുള്ള ആവശ്യവുമായി സർക്കാർ ഹൈക്കോടതിയെ സമീപിച്ചത്.