തിരുവനന്തപുരം : ബാർ കോഴ വിവാദത്തിൽ പ്രതിപക്ഷം സമരമുഖം തുറന്നപ്പോൾ എക്‌സൈസ് മന്ത്രി എംബി രാജേഷ് ഒരാഴ്‌ചത്തെ സ്വകാര്യ സന്ദർശനത്തിന് വിദേശത്തേക്ക് പോയി. ഇന്ന് പുലർച്ചെ 4-ന് നെടുമ്പാശ്ശേരിയിൽ നിന്നായിരുന്നു മന്ത്രി കുടുംബസമേതം ഓസ്ട്രിയയുടെ തലസ്ഥാനമായ വിയന്നയിലേക്ക് തിരിച്ചത്.
അടുത്ത മാസം 2-ന് മന്ത്രി തിരിച്ചെത്തും. ഒരാഴ്‌ചത്തേക്ക് മന്ത്രിയുടെ ഔദ്യോഗിക പരിപാടികളും ഒഴിവാക്കിയിട്ടുണ്ട്. ധനകാര്യ മന്ത്രി കെഎൻ ബാലഗോപാലും ഈ ആഴ്‌ച വിദേശ സന്ദർശനം തീരുമാനിച്ചിരുന്നതാണ്. എന്നാൽ ദിവസങ്ങൾക്കു മുൻപ് പെട്ടെന്നുണ്ടായ ആരോഗ്യ പ്രശ്‌നങ്ങൾ കാരണം അദ്ദേഹത്തിന്‍റെ യാത്ര ഒഴിവാക്കുകയായിരുന്നു.