തിരുവനന്തപുരം: സംസ്ഥാനത്ത് മദ്യ വില വര്‍ധിപ്പിച്ച സര്‍ക്കാര്‍ തീരുമാനം ദുരൂഹമെന്ന് പ്രതിപക്ഷം. മദ്യ കമ്പനികളുടെ ആവശ്യത്തിന് വഴങ്ങിയാണ് വില വര്‍ധിപ്പിക്കാനുള്ള സര്‍ക്കാര്‍ തീരുമാനമെന്ന് പ്രതിപക്ഷ നേതാവ് വിഡി സതീശൻ. കേരള സ്റ്റേറ്റ് ബിവറേജസ് കോർപ്പറേഷൻ ലിമിറ്റഡ് (ബെവ്‌കോ) അടുത്തിടെ വിവിധ മദ്യ ബ്രാൻഡുകളുടെ പുതുക്കിയ വിലപ്പട്ടിക പ്രസിദ്ധീകരിച്ചിരുന്നു.
അതിനാൽ തന്നെ സർക്കാരിൻ്റെ ഇപ്പോഴത്തെ തീരുമാനം ദുരൂഹമാണ്. അമിത ലാഭം നേടാനുള്ള മദ്യക്കമ്പനികളുടെ സമ്മർദത്തിന് വഴങ്ങുകയാണ് സംസ്ഥാന സർക്കാർ ചെയ്യുന്നതെന്നും പ്രതിപക്ഷ നേതാവ് ആരോപിച്ചു. എല്ലാ ജനപ്രിയ ബ്രാൻഡുകളുടെയും വില വർധിപ്പിച്ചു.
കമ്പനികൾക്ക് ലാഭമുണ്ടാക്കാൻ 341 ബ്രാൻഡുകളുടെ വില 10 രൂപ മുതൽ 50 രൂപ വരെ വർധിപ്പിച്ചിട്ടുണ്ട്. പാലക്കാട്ടിൽ ഒരു ബ്രൂവറി യൂണിറ്റ് ആരംഭിക്കുന്നതിന് അടുത്തിടെ അനുമതി ലഭിച്ച ഒയാസിസ് കമ്പനിയുടെ വിവിധ ഉൽപ്പന്നങ്ങളുടെ വിലയും വർധിപ്പിച്ചിട്ടുണ്ട്. അതിനാൽ ഇപ്പോഴത്തെ തീരുമാനം സംശയാസ്‌പദമാണെന്നും വിഡി സതീശന്‍ പറഞ്ഞു.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
മദ്യവില വർധിപ്പിക്കുന്നത് ഇതിന്‍റെ ഉപഭോഗം കുറയ്ക്കില്ലെന്നും ഉപഭോക്താക്കളെ ചൂഷണം ചെയ്യാൻ മദ്യ കമ്പനികളെ സഹായിക്കുക മാത്രമാണ് ചെയ്യുന്നതെന്നും അദ്ദേഹം ചൂണ്ടിക്കാട്ടി. നേരത്തെ മദ്യ കമ്പനികള്‍ ആവശ്യപ്പെട്ടത് അനുസരിച്ച് വിറ്റുവരവ് നികുതി സര്‍ക്കാര്‍ ഒഴിവാക്കിക്കൊടുത്തിരുന്നു.
അന്നും നഷ്‌ടം നികത്തിയത് വില കൂട്ടിയാണ്. എലപ്പുള്ളിയില്‍ മദ്യ നിര്‍മ്മാണ കമ്പനിക്ക് അനുമതി നല്‍കിയതു പോലെ ഇപ്പോഴത്തെ തീരുമാനത്തിലും സുതാര്യതയില്ല. മദ്യവില കൂട്ടിയതുകൊണ്ട് ഉപഭോഗം കുറയില്ലെന്നതാണ് യാഥാർഥ്യം.
മദ്യ കമ്പനികളെ സഹായിക്കുക മാത്രമാണ് സർക്കാർ ചെയ്യുന്നത്. സർക്കാർ നടപടി സ്വീകാര്യമല്ല. വില വര്‍ധനവ് പിൻവലിക്കണമെന്നും പ്രതിപക്ഷ നേതാവ് പറഞ്ഞു. കുടുംബ ബജറ്റിലേക്കുള്ള വിഹിതത്തില്‍ കുറവ് വരുന്നതിനാല്‍ സ്‌ത്രീകളും കുട്ടികളുമാകും ഇതിൻ്റെ ഇരകളായി മാറുന്നതെന്നും വിഡി സതീശന്‍ കൂട്ടിച്ചേര്‍ത്തു.
