വാക്കുതർക്കം കലാശിച്ചത്‌ സംഘര്‍ഷത്തില്‍ (Source: Etv Bharat Reporter)
കൊല്ലം: അഞ്ചല്‍, ഇടമുളയ്ക്കല്‍, തുമ്പിക്കുന്ന് ഭാഗത്ത് കഴിഞ്ഞ ഞായറാഴ്‌ച നടന്ന മര്‍ദന ദൃശ്യങ്ങളാണ് സോഷ്യല്‍ മീഡിയ വഴി പ്രചരിക്കുന്നത്. പാതയില്‍ നിര്‍മ്മാണ ആവശ്യങ്ങള്‍ക്കായി വെള്ളവുമായി എത്തിയ പിക്കപ്പ് മറ്റു വാഹനങ്ങള്‍ക്ക് കടന്നുപോകാന്‍ കഴിയാത്ത വിധം കിടന്നത് ഇതുവഴിയെത്തിയ ഇരുചക്രവാഹന യാത്രികര്‍ ചോദ്യം ചെയ്‌തതോടെയാണ് സംഘര്‍ഷം ഉണ്ടായത്.
കൈപ്പള്ളിമുക്ക് സ്വാദേശികളായ ഷാനവാസും റിയാസും പിക്കപ്പിന്‍റെ ഡ്രൈവറായ ആഷിക് ഹുസൈനുമായി വാക്കുതർക്കത്തിലേർപ്പെടുകയും ഇത് പിന്നീട് സംഘര്‍ഷത്തിലേക്ക് നീങ്ങുകയുമാണ്‌ ചെയ്‌തത്. മർദ്ദനത്തിൽ പരിക്കേറ്റ രണ്ടു യുവാക്കളെ പാരിപ്പള്ളി മെഡിക്കൽ കോളജിൽ പ്രേവേശിപ്പിച്ചു. ആഷിക് ഹുസൈനും സഹായിയായ പനച്ചവിള സ്വദേശി അനിയും ചേർന്ന് പട്ടിക കൊണ്ട് യുവാക്കളുടെ തലക്കടിക്കുകയായിരുന്നു.