കോഴിക്കോട്: ഉപതെരഞ്ഞെടുപ്പ് നടക്കുന്ന പാലക്കാടും ചേലക്കരയിലും വയനാട്ടിലും സ്ഥാനാര്ഥി ചിത്രം തെളിയുന്നു. പാലക്കാടും ചേലക്കരയിലും സ്വതന്ത്ര സ്ഥാനാര്ഥികളെ നിര്ത്താൻ പിവി അന്വർ തീരുമാനിച്ചു. പാലക്കാട് ജീവകാരുണ്യ പ്രവര്ത്തകന് മിന്ഹാജും ചേലക്കരയില് മുന് കെപിസിസി സെക്രട്ടറി എന്കെ സുധീറും അൻവറിന്റെ ഡെമോക്രാറ്റിക് മൂവ്മെന്റ് ഓഫ് കേരള (ഡിഎംകെ) സ്ഥാനാര്ഥികളാകും. ഇന്ന് (ഒക്ടോബര് 17) പാലക്കാട് അന്വര് വാര്ത്ത സമ്മേളനത്തില് സ്ഥാനാര്ഥികളെ പ്രഖ്യാപിക്കും.
കോൺഗ്രസിനോട് ഇടഞ്ഞ പി.സരിൻ സ്വതന്ത്രനായി രംഗത്തിറങ്ങും. 11.45ന് നടക്കുന്ന വാർത്ത സമ്മേളനത്തിൽ പ്രഖ്യാപനമുണ്ടായേക്കും. കോൺഗ്രസിനെ സരിൻ തള്ളിപ്പറയുമോ എന്നാണ് സിപിഎം ക്യാമ്പ് ഉറ്റുനോക്കുന്നത്. അങ്ങിനെയെങ്കിൽ സരിനെ എൽഡിഎഫ് പിന്തുണച്ചേക്കും.
ഇടിവി ഭാരത് കേരള വാട്സ്ആപ്പ് ചാനലില് ജോയിന് ചെയ്യാന് ഈ ലിങ്കില് ക്ലിക്ക് ചെയ്യുക