തിരുവനന്തപുരം തുമ്പയില്‍ ബോംബേറ് (ETV Bharat)
തിരുവനന്തപുരം : തുമ്പയില്‍ ബോംബേറ്. ഗുണ്ടാ സംഘത്തിന്‍റെ കുടിപ്പകയെ തുടര്‍ന്നാണ് നാടന്‍ ബോംബാക്രമണം ഉണ്ടായത് എന്നാണ് വിവരം. ബൈക്കിലെത്തിയ രണ്ടംഗ സംഘമാണ് ബോംബെറിഞ്ഞത്. തുമ്പ നെഹ്റു ജങ്ഷന് സമീപം ഷമീര്‍ എന്നയാളുടെ വീടിന് നേരെയാണ് ആക്രമണമുണ്ടായത്.
ആക്രമണത്തില്‍ അഖില്‍, വിവേക് എന്നിവര്‍ക്കാണ് പരിക്കേറ്റത്. ഇതില്‍ അഖിലിന്‍റെ കൈക്ക് ഗുരുതരമായി പരിക്കുണ്ട്. ഗുണ്ടാ സംഘങ്ങള്‍ തമ്മിലുള്ള കുടിപ്പകയാണ് ആക്രമണ കാരണമെന്നാണ് പൊലീസിന്‍റെ പ്രാഥമിക നിഗമനം.