ചെന്നൈ : വന്‍ ഉരുള്‍ പൊട്ടലിനിരയായ വയനാടിന് സാന്ത്വനമായി ചലച്ചിത്രതാരം ധനുഷും രംഗത്ത്. 25 ലക്ഷം രൂപയാണ് മുഖ്യമന്ത്രിയുടെ ദുരിതാശ്വാസ നിധിയിലേക്ക് ധനുഷ് സംഭാവന ചെയ്‌തത്. കഴിഞ്ഞ മാസം മുപ്പതിനാണ് രാജ്യത്തെ മൊത്തം നടുക്കി വയനാട്ടിലെ മുണ്ടക്കൈ, ചൂരല്‍മല മേഖലകളിലേക്ക് ദുരന്തം പെയ്‌തിറങ്ങിയത്.
നിരവധി വീടുകള്‍ ഒലിച്ച് പോയി. 400 ജീവനുകള്‍ നഷ്‌ടമായി. സൈന്യം, പൊലീസ്, അഗ്നിശമന സേന, സന്നദ്ധപ്രവര്‍ത്തകര്‍ തുടങ്ങിയവരുടെ സംയുക്ത രക്ഷാപ്രവര്‍ത്തനങ്ങളിലൂടെ നിരവധി ജീവനുകള്‍ ചെളിയില്‍ നിന്ന് കോരിയെടുത്തു. നിരവധി പേര്‍ സാമ്പത്തിക ആശ്വാസങ്ങളുമായി രംഗത്ത് എത്തി.