ന്യൂഡല്‍ഹി: കര്‍ഷക സമരവേദിയില്‍ പ്രതിഷേധക്കാര്‍ക്ക് പിന്തുണയുമായി ഇന്ത്യൻ ഗുസ്‌തി താരം വിനേഷ് ഫോഗട്ട്. കര്‍ഷകരുടെ സമരത്തിന്‍റെ 200 ദിവസമായ ഇന്ന് ശംഭു അതിര്‍ത്തിയിലെ സമരവേദിയിലേക്കാണ് വിനേഷ് എത്തിയത്. വിവിധ ആവശ്യങ്ങള്‍ ഉന്നയിച്ചുകൊണ്ട് കഴിഞ്ഞ ഫെബ്രുവരി 13നായിരുന്നു ശംഭു അതിര്‍ത്തിയില്‍ കര്‍ഷക സമരം ആരംഭിച്ചത്.
ഇത്രയും ദിവസമായി രാജ്യത്തെ കര്‍ഷകര്‍ തെരുവില്‍ സമരമിരിക്കുന്നത് വേദനിപ്പിക്കുന്ന കാഴ്‌ചയാണെന്ന് വിനേഷ് പറഞ്ഞു. 'കഴിഞ്ഞ 200 ദിവസമായി ഈ തെരുവിലാണ് കര്‍ഷകര്‍. വല്ലാതെ വേദനയുണ്ടാക്കുന്ന ഒരു കാഴ്‌ചയാണിത്.