മലപ്പുറം: സൂപ്പര്‍ ലീഗ് കേരളയില്‍ ഇന്നലെ നടന്ന മലപ്പുറം എഫ്.സി -തൃശൂര്‍ മാജിക് എഫ്.സി മത്സരം സമനിലയില്‍ കലാശിച്ചു. മൂന്ന് കളിയില്‍ നിന്നായി തൃശൂര്‍ മാജിക് എഫ്‌സിക്ക് ഒരു പോയിന്‍റ് ലഭിച്ചു. ഹോം ഗ്രൗണ്ടിലെ ആദ്യമത്സരത്തില്‍ കാലിക്കറ്റ് എഫ്.സി.യോട് മൂന്ന് ഗോളിന്‍റെ ദയനീയ തോല്‍വി മലപ്പുറം എഫ്.സി ഏറ്റുവാങ്ങിയിരുന്നു. എന്നാല്‍ സ്വന്തം കാണികള്‍ക്ക് മുന്നില്‍ ഒരു ജയം നേടാനാകാത്തതിന്‍റെ സങ്കടം ടീമിനും മലപ്പുറത്തിനുമുണ്ട്. അവര്‍ക്ക് മുന്നില്‍ വിജയാഘോഷം നടത്താന്‍ ഇനിയും മലപ്പുറം എഫ്.സി കാത്തിരിക്കണം.
തിങ്ങിനിറഞ്ഞ പയ്യനാട്ടെ സ്റ്റേഡിയത്തില്‍ ആദ്യപകുതി മലപ്പുറത്തിന്‍റെ മുന്നേറ്റമായിരുന്നു കാണാനായത്. ചില അവസരങ്ങള്‍ തൃശ്ശൂര്‍ എഫ്.സി.യുടെ മികച്ച പ്രതിരോധത്തില്‍ തട്ടി നിഷ്‌ഫലമായി. പോയിന്‍റ് നിലയില്‍ അഞ്ച് പോയിന്‍റുമായി കാലിക്കറ്റ് എഫ്.സിയാണ് മുന്നിലുള്ളത്. തിരുവനന്തപുരം, കണ്ണൂര്‍, മലപ്പുറം ടീമുകള്‍ക്ക് നാലുപോയിന്‍റ് വീതമുണ്ട്. കൊച്ചി അഞ്ചാമതും തൃശൂര്‍ ആറാം സ്ഥാനത്തുമാണ് നില്‍ക്കുന്നത്.