അവിശ്വസനീയം..! അന്താരാഷ്ട്ര ക്രിക്കറ്റിൽ ഒരു വൈഡ് ബോൾ പോലും എറിയാത്ത സൂപ്പര്‍ ബൗളർമാർ

പാകിസ്ഥാന്‍റെ ഇമ്രാൻ ഖാൻ അടക്കമുള്ള സ്റ്റാർ വെറ്ററൻ ക്രിക്കറ്റ് താരങ്ങളും പട്ടികയിൽ.

ഹൈദരാബാദ്:അന്താരാഷ്ട്ര ക്രിക്കറ്റിൽ എക്സ്ട്രാകളുടെ രൂപത്തിൽ റൺസ് ചോരാതിരിക്കാൻ ബൗളർമാർ അച്ചടക്കം പാലിക്കണം. വളരെ കുറച്ച് പേർക്ക് മാത്രമേ കൃത്യമായി പന്തെറിയാനും വൈഡുകളോ നോ ബോളുകളോ എറിയാനും കഴിയൂ. ബൗളിങ്ങിലെ പിഴവുകൾ ടീമിന്‍റെ ജയപരാജയങ്ങളെ തീരുമാനിക്കും. അന്താരാഷ്ട്ര കരിയറിൽ ഒരു വൈഡ് ബോൾ പോലും എറിയാത്ത ബൗളർമാരുണ്ട്. പാകിസ്ഥാന്‍റെ ഇമ്രാൻ ഖാൻ പോലുള്ള സ്റ്റാർ വെറ്ററൻ ക്രിക്കറ്റ് താരങ്ങളും പട്ടികയിൽ ഇടം നേടിയിട്ടുണ്ട്.

ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക

ഇയാൻ ബോതം: ക്രിക്കറ്റ് ചരിത്രത്തിലെ ഏറ്റവും മികച്ച ഓൾറൗണ്ടർമാരിൽ ഒരാളായി അറിയപ്പെടുന്ന താരം 218 അന്താരാഷ്ട്ര മത്സരങ്ങളിൽ ഒരു വൈഡ് ബോൾ പോലും എറിഞ്ഞിട്ടില്ല. ടെസ്റ്റിലും ഏകദിനത്തിലും ഇംഗ്ലണ്ടിനായി ബാറ്റുകൊണ്ടും ബോളുകൊണ്ടും ബോതം ഒരു മാച്ച് വിന്നറായിരുന്നു. ഒരു ടെസ്റ്റ് മത്സരത്തിൽ സെഞ്ച്വറി നേടുകയും പത്ത് വിക്കറ്റുകൾ നേടുകയും ചെയ്ത ആദ്യ കളിക്കാരനായി താരം മാറി.

റിച്ചാർഡ് ഹാഡ്‌ലി:മുൻ ന്യൂസിലൻഡ് ക്രിക്കറ്റ് താരം അന്താരാഷ്ട്ര ക്രിക്കറ്റിൽ ഒരു വൈഡ് പോലും എറിയാതിരിക്കാൻ കൃത്യത പാലിച്ചു. 17 വർഷത്തിലേറെയായി ന്യൂസിലൻഡിന്‍റെ മികച്ച ബൗളറായിരുന്നു. 86 ടെസ്റ്റുകളിൽ നിന്ന് 431 വിക്കറ്റുകൾ നേടിയാണ് ഹാഡ്‌ലി മഹത്തായ കരിയർ അവസാനിപ്പിച്ചത്.

ലാൻസ് ഗിബ്‌സ്: മുൻ കരീബിയൻ കളിക്കാരനും ക്രിക്കറ്റിലെ എലൈറ്റ് സ്പിന്നർമാരിൽ ഒരാളുമാണ് ഗിബ്‌സ് . വെസ്റ്റ് ഇൻഡീസിന് വേണ്ടി 79 ടെസ്റ്റുകളിലും മൂന്ന് ഏകദിനങ്ങളിലും കളിച്ച ഓഫ് സ്പിന്നർ 311 വിക്കറ്റുകൾ വീഴ്ത്തിയിട്ടുണ്ട്. തന്‍റെ കരിയറിൽ ഉടനീളം ഒരു വൈഡ് ബോൾ പോലും താരം എറിഞ്ഞിട്ടില്ല.

ഗാരി സോബേഴ്‌സ്: സർ ഗാർഫീൽഡ് സോബേഴ്‌സ് ഒരു മുൻ വെസ്റ്റ് ഇൻഡീസ് ക്രിക്കറ്റ് കളിക്കാരനാണ്, രണ്ട് പതിറ്റാണ്ടിലേറെ വെസ്റ്റ് ഇൻഡീസ് ടീമിനായി കളിച്ചു. അന്താരാഷ്ട്ര ക്രിക്കറ്റിൽ അദ്ദേഹം എറിഞ്ഞ 20,660 പന്തുകളിൽ ഒരു വൈഡ് പോലുള്ള അധിക റൺ പോലും എതിർ ടീമിനായി താരം നൽകിയില്ല. വെസ്റ്റ് ഇൻഡീസിനായി 93 ടെസ്റ്റുകളിലും ഒരു ഏകദിനത്തിലും കളിച്ച സോബേഴ്‌സ് 236 വിക്കറ്റുകളും 57.78 ശരാശരിയിൽ 8032 റൺസും നേടി.

ഇമ്രാൻ ഖാൻ:ലോക ക്രിക്കറ്റിൽ ബാറ്റുകൊണ്ടും പന്തുകൊണ്ടും ഒരുപോലെ സംഭാവന നൽകിയ എലൈറ്റ് ക്രിക്കറ്റ് കളിക്കാരിൽ ഒരാളായിരുന്നു പാകിസ്ഥാൻ ഓൾറൗണ്ടർ. 1982 ൽ ഇമ്രാൻ ദേശീയ ടീമിന്‍റെ നായക സ്ഥാനം ഏറ്റെടുത്തു, 1987 ൽ ഇന്ത്യയെ അവരുടെ സ്വന്തം നാട്ടിൽ തോൽപ്പിക്കുന്ന ആദ്യ പാകിസ്ഥാൻ നായകനായി. 1992 ൽ പാകിസ്ഥാന്‍റെ ഏക ഏകദിന ലോകകപ്പ് വിജയവും താരത്തിന്‍റെ നേതൃത്വത്തിലായിരുന്നു. പാകിസ്ഥാനു വേണ്ടി 88 ടെസ്റ്റുകളിലും 175 ഏകദിനങ്ങളിലും കളിച്ച താരം ഒരിക്കൽ പോലും വൈഡ് എറിഞ്ഞിട്ടില്ല.

ഡെന്നിസ് ലില്ലി:1970 കളിലും 1980 കളുടെ തുടക്കത്തിലും ഓസ്ട്രേലിയൻ ടീമിന്‍റെ ഒരു പ്രധാന കളിക്കാരനായിരുന്നു ലില്ലി. നിരവധി സ്ട്രെസ് ഫ്രാക്ചറുകൾ ലില്ലിക്ക് ഉണ്ടായെങ്കിലും അവയിൽ നിന്ന് അന്താരാഷ്ട്ര ക്രിക്കറ്റിലേക്ക് തിരിച്ചുവന്നു. 70 ടെസ്റ്റുകളും 63 ഏകദിനങ്ങളും കളിച്ച താരം കരിയറിൽ ഒരു വൈഡ് പോലും ബൗൾ ചെയ്തിട്ടില്ല. ടെസ്റ്റ് ക്രിക്കറ്റിൽ 23 തവണ അഞ്ച് വിക്കറ്റ് നേട്ടവും ഏഴ് തവണ പത്ത് വിക്കറ്റ് നേട്ടവും താരത്തിന്‍റെ പേരിലുണ്ട്.

ഫ്രെഡ് ട്രൂമാൻ:രണ്ട് പതിറ്റാണ്ടിലേറെയായി ടെസ്റ്റ് ക്രിക്കറ്റിൽ ഇംഗ്ലീഷ് ടീമിനെ പ്രതിനിധീകരിച്ചു. 67 ടെസ്റ്റ് മത്സരങ്ങളിൽ നിന്ന് 307 വിക്കറ്റുകൾ താരം വീഴ്ത്തി. കൂടാതെ, വലംകൈയ്യൻ പേസ് ബൗളർ 603 ഫസ്റ്റ് ക്ലാസ് മത്സരങ്ങളിൽ നിന്ന് 2304 വിക്കറ്റുകൾ വീഴ്ത്തിയിട്ടുണ്ട്.