പാരിസ്:പാരിസ് ഒളിമ്പിക്‌സ് ഹോക്കിയില്‍ ബ്രിട്ടനെ മറികടന്ന് സെമി ഫൈനലിൽ പ്രവേശിച്ച ഇന്ത്യൻ പുരുഷ ടീമിനെ അഭിനന്ദിച്ച് രവി ശാസ്ത്രിയും മുഹമ്മദ് ഷമിയും. മത്സരത്തിന്‍റെ നിശ്ചിത സമയം അവസാനിക്കുമ്പോൾ സ്‌കോർ 1-1 എന്ന നിലയിലിരുന്നു. നീണ്ട പോരാട്ടത്തിൽ ഷൂട്ട് ഔട്ടിലൂടെ 4-2 എന്ന സ്കോറിനാണ് ഇന്ത്യ ക്വാർട്ടർ ഫൈനൽ കടന്നത്.
"വൗ... ദുർബലമായ മനസുള്ളവർക്കുള്ള കളിയല്ലയിത്. ബ്രിട്ടനെതിരെ ഏറെ നേരവും 10 പേരുമായാണ് ഇന്ത്യ കളിച്ചത്. ശ്രീജേഷ്, നിങ്ങള്‍ മികച്ച പ്രകടനം നടത്തി. ഹോക്കിയില്‍ നിങ്ങള്‍ മികച്ച താരമാണ്"- ശാസ്ത്രി എക്‌സിൽ കുറിച്ചു.