പത്തനംതിട്ട: യുവതിയെ ഓട്ടോറിക്ഷയിൽ തട്ടിക്കൊണ്ട് പോകാൻ ശ്രമിച്ച കേസിൽ ഓട്ടോറിക്ഷ ഡ്രൈവർ അറസ്‌റ്റിൽ. പള്ളിക്കൽ സ്വദേശി ആദർശ് സുകുമാരനെയാണ് (38) അടൂർ പൊലീസ് അറസ്‌റ്റ് ചെയ്‌തത്. പള്ളിക്കൽ ഗ്രാമപ്പഞ്ചായത്ത് താത്ക്കാലിക ജീവനക്കാരിയായ യുവതിയുടെ പരാതിയുടെ അടിസ്ഥാനത്തിലാണ് അറസ്‌റ്റ്.
നവംബർ 4ന് രാവിലെ 10.15നാണ് കേസിനാസ്‌പദമായ സംഭവം നടന്നത്. പള്ളിക്കൽ ഗ്രാമപ്പഞ്ചായത്ത് താത്ക്കാലിക ജീവനക്കാരിയായ യുവതി ആദർശ് സുകുമാരൻ ഓടിച്ച ഓട്ടോറിക്ഷ പഞ്ചായത്ത് ഭാഗത്തേക്ക് പോകാൻ സവാരിക്കായി വിളിച്ചിരുന്നു. ഓട്ടോറിക്ഷയിൽ കയറിയ യുവതി പഞ്ചായത്തിന് മുമ്പിൽ എത്തിയപ്പോൾ വാഹനം നിർത്താൻ ആവശ്യപ്പെട്ടെങ്കിലും ആദർശ് സുകുമാരൻ വാഹനം നിർത്താതെ ഓടിച്ചുപോകുകയായിരുന്നു. ഇതിൽ ഭയന്ന് രക്ഷപെടാൻ വേണ്ടി യുവതി ഓട്ടോറിക്ഷയിൽ നിന്നും പുറത്തേക്ക് ചാടി. തുടർന്ന് ആദർശ് സുകുമാരൻ ഓട്ടോറിക്ഷ നിർത്താതെ ഓടിച്ചു പോകുകയായിരുന്നുവെന്ന് പൊലീസ് പറഞ്ഞു.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക.
ജില്ലാ പൊലീസ് മേധാവി വിജി വിനോദിന്‍റെ നിർദ്ദേശപ്രകാരം അടൂർ ഡിവൈഎസ്‌പി സന്തോഷിന്‍റെ മേൽനോട്ടത്തിൽ അടൂർ എസ്എച്ച്ഒ ശ്യാം മുരളി, എസ്‌ഐ എ അനീഷ്, എസ്‌സിപിഒമാരായ മുഹമ്മദ് റാഫി, രാജീവ്, ഹരികൃഷ്‌ണൻ, സിപിഒമാരായ രാജ ഗോപാൽ, ശ്യാംകുമാർ എന്നിവരുടെ നേതൃത്വത്തിലായിരുന്നു അറസ്‌റ്റ്.
