ന്യൂയോർക്ക്:മൂന്ന് തവണ ഗ്രാൻഡ് സ്ലാം ചാമ്പ്യനായ കാർലോസ് അൽകാരാസ് യുഎസ് ഓപ്പണിൽ നിന്നും പുറത്തായി.ലോക 74-ാം നമ്പർ താരം ബോട്ടിക് വാൻ ഡി സാൻസ്‌ചല്‍പ് രണ്ടാം റൗണ്ടില്‍ അൽകാരാസിനെ നേരിട്ടുള്ള മൂന്ന് സെറ്റുകൾക്ക് പരാജയപ്പെടുത്തി. 2021 വിംബിൾഡണിന് ശേഷം ഡാനിൽ മെദ്‌വദേവിനോട് തോറ്റ അൽകാരസിന്‍റെ ആദ്യ ഗ്രാൻഡ് സ്ലാമിൽ നിന്നുള്ള പുറത്താകലാണിത്.
6-1, 7-5, 6-4 എന്ന സ്‌കോറിന് സാൻസ്‌ചൽപിന് കളി അവസാനിപ്പിക്കാൻ ഒരു മണിക്കൂറും 19 മിനിറ്റും വേണ്ടി വന്നു. ഈ മത്സരത്തിന് മുമ്പ് അൽകാരസിനെതിരെ രണ്ട് മത്സരങ്ങൾ കളിച്ച താരം രണ്ടിലും പരാജയപ്പെട്ടു. രണ്ട് മത്സരങ്ങളിലും ഒരു സെറ്റ് പോലും ജയിക്കാനായില്ല, എന്നാൽ വിജയത്തിലേക്ക് സാൻസ്‌ചല്‍പ് ശക്തമായി പ്രകടനം നടത്തി.