ലാഹോർ: ചാമ്പ്യൻസ് ട്രോഫിയില്‍ ഇന്ന് ലാഹോറിലെ ഗദ്ദാഫി സ്റ്റേഡിയത്തിൽ ഇംഗ്ലണ്ട് അഫ്‌ഗാനിസ്ഥാനെ നേരിടും. ജോസ് ബട്‌ലർ നയിക്കുന്ന ഇംഗ്ലണ്ടിനും ഹഷ്‌മത്തുള്ള ഷാഹിദി നയിക്കുന്ന അഫ്‌ഗാനിനും ഇന്നത്തെ മത്സരം എന്തുവിലകൊടുത്തും ജയിക്കേണ്ട സാഹചര്യമാണ്. സെമിഫൈനലില്‍ പ്രവേശിക്കുന്നതില്‍ ഇരു ടീമുകൾക്കും മത്സരം നിര്‍ണായകമാണ്.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
ഇന്നലെ നടക്കേണ്ടിയിരുന്ന ഓസ്ട്രേലിയ-ദക്ഷിണാഫ്രിക്ക മത്സരം മഴ മൂലം ഉപേക്ഷിച്ചതോടെ ഇരു ടീമുകൾക്കും ഓരോ പോയിന്‍റ് വീതം ലഭിച്ചു. ഇന്നത്തെ മത്സരത്തിൽ ഏത് ടീം തോറ്റാലും സെമി കാണാതെ പുറത്താകും. ഇരുടീമുകളും അവരുടെ ആദ്യ മത്സരത്തിൽ തോറ്റിരുന്നു.
ഹെഡ്-ടു-ഹെഡ് റെക്കോർഡ്
അഫ്‌ഗാനിസ്ഥാനും ഇംഗ്ലണ്ടും ഏകദിന ഫോർമാറ്റിൽ പരസ്പരം ഏറ്റുമുട്ടിയത് 3 തവണ മാത്രമാണ്. രണ്ടു തവണയും ഇംഗ്ലണ്ട് വിജയിച്ചു. അതേസമയം, അഫ്‌ഗാൻ ഒരു മത്സരത്തിലാണ് ജയിച്ചത്. ഏകദിന ഫോർമാറ്റിൽ ഇരു ടീമുകളും തമ്മിൽ എപ്പോഴും ആവേശകരമായ മത്സരം നടക്കുക. 2023 ലെ ഏകദിന ലോകകപ്പിലാണ് ഇംഗ്ലണ്ടും അഫ്‌ഗാനിസ്ഥാനും അവസാനമായി ഏറ്റുമുട്ടിയത്.
മത്സരത്തിൽ ഇംഗ്ലണ്ടിനെ പരാജയപ്പെടുത്തി വലിയൊരു അട്ടിമറി സൃഷ്ടിച്ചുകൊണ്ട് അഫ്‌ഗാന്‍ ചരിത്രം സൃഷ്ടിച്ചു. മത്സരത്തിൽ ആദ്യം ബാറ്റ് ചെയ്ത അഫ്‌ഗാന്‍ 284 റൺസ് നേടി. മറുപടി ബാറ്റിംഗിനിറങ്ങിയ ഇംഗ്ലണ്ട് ടീം 215 റൺസിന് എല്ലാവരും പുറത്തായി.
മത്സരം ഇന്ത്യൻ സമയം ഉച്ചയ്ക്ക് 2:30 ന് ആരംഭിക്കും. 2 മണിക്ക് ടോസ് നടക്കും. സ്റ്റാർ സ്പോർട്‌സ് നെറ്റ്‌വർക്കിലും സ്പോർട്‌സ് 18 ചാനലുകളിലും തത്സമയം സംപ്രേഷണം ചെയ്യും. തത്സമയ സ്ട്രീമിംഗ് ജിയോഹോട്ട്സ്റ്റാർ ആപ്പിലും വെബ്‌സൈറ്റിലും ലഭ്യമാകും. ആരാധകർക്ക് കുറഞ്ഞ നിരക്കിൽ മത്സരങ്ങൾ ആസ്വദിക്കാം.
