ഇത്തിരിക്കുഞ്ഞന്‍റെ ഒത്തിരി കരുതല്‍; കാന്‍സര്‍ രോഗികള്‍ക്ക് നീട്ടി വളര്‍ത്തിയ കേശം മുറിച്ച് നല്‍കി കൊച്ചു കാശി
മലപ്പുറം:കൊവിഡിന് ശേഷമാണ് കൊച്ചു കാശിനാഥന് മുടി വളര്‍ത്തി തുടങ്ങിയത്. പലരുടെയും കളിയാക്കലുകള്‍ക്കിടയിലും കാശിക്കുട്ടന്‍ തന്‍റെ മുടി മുറിക്കാതെ കാത്തു വെക്കുകയായിരുന്നു. അമ്മയുടെ കരുതല്‍ കൂടിയാണ് ഈ മുടിയഴകിന് പിന്നില്‍ (kashinadhan donate his hair to cancer patients).
കൊവിഡിന് ശേഷം സ്കൂള് തുറന്നപ്പോള്‍ രണ്ടാം ക്ലാസില്‍ ആയിരുന്നു കാശി. മുടി നീട്ടി വളര്‍ത്തുന്നതിന്‍റെ കാര്യം തിരക്കിയ സ്കൂള് അധികൃതരോട് പിതാവ് പ്രവീണ്‍ കുമാറാണ് കേശദാനത്തിന്‍റെ വിവരം അറിയിക്കുന്നത്. പിന്നീട് സ്‌കൂളിന്‍റെ പൂര്‍ണ്ണ പിന്തുണയും കാശിനാഥന് ലഭിച്ചു.