കുറഞ്ഞ ചെലവിൽ കൂടുകൽ പോഷകം; അറിയാം വാഴപ്പഴത്തിന്‍റെ ഗുണങ്ങൾ - Benefits Of Banana Eating

നമ്മുടെ നാട്ടിൽ ഏറ്റവും സുലഭമായ പഴമാണ് വാഴപ്പഴം. പലരും വാഴപ്പഴം കഴിക്കാൻ ചിലപ്പോൾ താത്പര്യപ്പെടാറില്ല. വിലകൂടിയ മറ്റ പഴങ്ങൾ വാങ്ങണമെന്ന് കരുതിയാൽ അതിന് ചിലപ്പോൾ സാധിക്കാതെയും വരും. എന്നാല്‍ ധാരാളം പോഷകങ്ങൾ അടങ്ങിയ വാഴപ്പഴം കുറഞ്ഞ ചെലവിലാണ് വിപണിയിൽ ലഭ്യമാകുന്നത്. വാഴപ്പഴത്തിന്‍റെ ഗുണങ്ങണൾ എന്തൊക്കെയെന്ന് അറിയാം.

നല്ല ആരോഗ്യം നിലനിര്‍ത്താന്‍ ഏറ്റവും സഹായിക്കുന്ന ഭക്ഷണമാണ് പഴങ്ങൾ. പഴങ്ങൾ കഴിക്കുന്നതിലൂടെ പ്രധാനപ്പെട്ട പോഷകങ്ങളായ പൊട്ടാസ്യം, സോഡിയം, പ്രോട്ടീൻ തുടങ്ങിയവയുെ മറ്റ് ചില അവശ്യ വിറ്റാമിനുകളും നമുക്ക് ധാരാളമായി ലഭിക്കുന്നു. പല പഴങ്ങൾക്കും വിപണിയിൽ വില വളരെ കൂടുതലാണ്. ഇക്കാരണത്താൽ തന്നെ പഴങ്ങൾ വാങ്ങാനും കഴിക്കാനും പലരും മടിക്കാറുണ്ട്. എന്നാൽ മറ്റു പഴങ്ങൾക്ക് പിപണിയിൽ വില കുതിച്ചുയരുമ്പോഴും ചെറിയ വിലയിൽ വലിയ പോക്ഷകങ്ങൾ തരുന്ന പഴമായ വാഴപ്പഴത്തിന് വില കുറവാണ്.

ശരീരത്തിന് ആവശ്യമായ വിറ്റാമിനുകളായ എ, സി, വിറ്റാമിൻ ബി 6, പൊട്ടാസ്യം, സോഡിയം, ഇരുമ്പ്, വിവിധ ആൻ്റിഓക്‌സിഡൻ്റുകൾ, ഫൈറ്റോ ന്യൂട്രിയൻ്റുകൾ തുടങ്ങിയവ വാഴപ്പഴത്തിൽ ധാരളമായി അടങ്ങിയിട്ടുണ്ട്. എല്ലാ സീസണിലും ലഭ്യമാകുന്നതുകൊണ്ട് തന്നെ ദിവസവും കഴിക്കാൻ സാധിക്കുകയും ചെയ്യും. വാഴപ്പഴത്തിന്‍റെ പ്രധാന ഗുണങ്ങളന്തെല്ലാമാണെന്ന് നോക്കാം.

വാഴപ്പഴത്തിൽ കാണപ്പെടുന്ന പോഷകങ്ങൾ:നമ്മുടെ ശരീരത്തിന് ആവശ്യമായ കലോറികൾ, കൊഴുപ്പ്, പ്രോട്ടീൻ, കാർബോഹൈഡ്രേറ്റ്, ഫൈബർ, വിറ്റാമിൻ സി, റൈബോഫ്ലേവിൻ, ഫോളേറ്റ്, നിയാസിൻ, കോപ്പർ, പൊട്ടാസ്യം, മഗ്നീഷ്യം എന്നിവ വാഴപ്പഴത്തിൽ അടങ്ങിയിരിക്കുന്നു. ഏത്തപ്പഴം കഴിക്കുന്നത് പ്രമേഹം ഭേദമാക്കാനും പ്രതിരോധശേഷി വർദ്ധിപ്പിക്കാനും എല്ലുകളെ ശക്തിപ്പെടുത്താനും സഹായിക്കുന്നു.

പ്രമേഹത്തെ നിയന്ത്രിക്കുന്നു:ആയുർവേദ വിദഗ്‌ദനും മൊറാദാബാദിലെ രാജ്ഷാഹി ഹെൽത്ത്‌കെയർ ചെയർമാനുമായ ഡോ. സലിം സെയ്‌ദിയുടെ അഭിപ്രായത്തിൽ, ഫൈബർ, അന്നജം, വിറ്റാമിനുകൾ, ധാതുക്കൾ, ഫൈറ്റോകെമിക്കലുകൾ, ആൻ്റി ഓക്‌സിഡൻ്റുകൾ തുടങ്ങിയ ബയോ ആക്റ്റീവ് സംയുക്തങ്ങൾ വാഴപ്പഴത്തിൽ ഒരുപാട് അടങ്ങിയിട്ടുണ്ട് ഇത് പ്രമേഹത്തിനെതിരെ പോരാടാൻ സഹായിക്കും. നമ്മുടെ പ്രതിരോധശേഷി ശക്തിപ്പെടുത്താനും ഇത് സഹായകരമാണ്.

എല്ലുകളെ ബലപ്പെടുത്തുന്നു:എല്ലുകളെ കൂടുതല്‍ ബലവത്താക്കാനും വാഴപ്പഴം സഹായിക്കുന്നു. എല്ലുകൾക്ക് ഗുണം ചെയ്യുന്ന മഗ്നീഷ്യം, കാൽസ്യം എന്നിവ വാഴപ്പഴത്തില്‍ ധാരാളമായി അടങ്ങിയിട്ടുണ്ട്. അത് എല്ലുകളെ ശക്തിപ്പെടുത്താൻ സഹായിക്കും.

തടി കുറയ്‌ക്കാന്‍: ശരീരഭാരം കുറയ്ക്കാൻ വാഴപ്പഴം സഹായകമാണെന്ന് ഹെൽത്ത്‌ലൈനിന്‍റെ റിപ്പോർട്ട്. വാഴപ്പഴത്തിൽ അടങ്ങിയിരിക്കുന്ന നാരുകളും വിറ്റാമിനുകളും ശരീരഭാരം കുറയ്ക്കാൻ സഹായിക്കുന്നതായി റിപ്പോർട്ട് അവകാശപ്പെടുന്നു. അത് മാത്രമല്ല, വാഴപ്പഴത്തിൽ കലോറി വളരെ കുറവാണ്. അതിനാൽ വാഴപ്പഴം കഴിക്കുന്നത് പെട്ടെന്ന് വയർ നിറയുകയും കൂടുതൽ നേരം വിശപ്പ് തോന്നാതിരിക്കുകയും ചെയ്യുന്നു.

വൃക്കകൾക്ക് ഗുണകരം: വൃക്കകളുടെ ആരോഗ്യകരമായ പ്രവർത്തനത്തിനും രക്തസമ്മർദ്ദം മെച്ചപ്പെടുത്താനും പ്രധാനപ്പെട്ട പൊട്ടാസ്യവും വാഴപ്പഴത്തിൽ ധാരാളമായി അടങ്ങിയിട്ടുണ്ട്. കിഡ്‌നിയുടെ ആരോഗ്യം നിലനിർത്താൻ പൊട്ടാസ്യം ഏറെ ഗുണം ചെയ്യും. വാഴപ്പഴത്തിൽ അടങ്ങിയിരിക്കുന്ന പൊട്ടാസ്യം വൃക്കയിൽ കല്ലുകൾ ഉണ്ടാകാതിരിക്കാനും സഹായിക്കുന്നു.

ശരീര വേദനയ്‌ക്ക് ശമനം: വാഴപ്പഴം ശരീരത്തിലെ പൊട്ടാസ്യം, മഗ്നീഷ്യം എന്നിവയുടെ കുറവ് നികത്തുന്നു. വ്യായാമ സമയത്ത് ശരീരത്തിൽ നിന്ന് വിയർപ്പിലൂടെ ഇലക്‌ട്രോലൈറ്റുകൾ നഷ്‌ടപ്പെടും. ഇത് പേശിവലിവിനും വേദനയ്ക്കും കാരണമാകും. അതുകൊണ്ട് തന്നെ കായികതാരങ്ങൾക്കും വാഴപ്പഴം ഏറെ ഗുണകരമാണ്.