കേരളം

kerala

ETV Bharat / entertainment

ബോക്‌സോഫിസില്‍ ടര്‍ബോ ജോസിന്‍റെ 'ക്വിന്‍റല്‍ ഇടി'; ആദ്യ ദിന ആഗോള കലക്ഷൻ 17 കോടിയ്‌ക്ക് മുകളില്‍ - TURBO MOVIE FIRST DAY COLLECTION - TURBO MOVIE FIRST DAY COLLECTION

'ടർബോ'യുടെ ലോകമെമ്പാടുമുള്ള ആദ്യ ദിന കലക്ഷൻ റിപ്പോർട്ട് പുറത്ത്. 17.3 കോടി രൂപയാണ് ആദ്യ ദിനത്തില്‍ 'ടർബോ' സ്വന്തമാക്കിയത്. കേരളത്തിൽ നിന്ന് മാത്രം 6.2 കോടി രൂപ.

MAMMOOTTY  TURBO BOX OFFICE COLLECTION  ടർബോ കളക്ഷൻ
ടർബോ പോസ്‌റ്റർ (ETV Bharat)

By ETV Bharat Kerala Team

Published : May 25, 2024, 3:23 PM IST

മെഗാസ്റ്റാർ മമ്മൂട്ടി നായകനായെത്തിയ മാസ് ആക്ഷൻ കോമഡി ചിത്രം 'ടർബോ'യുടെ ലോകമെമ്പാടുമുള്ള ആദ്യ ദിന കലക്ഷൻ റിപ്പോർട്ട് പുറത്ത്. ആഗോള തലത്തിൽ ജോസേട്ടായി തരംഗം സ്വന്തമാക്കിയത് 17.3 കോടി രൂപ. എഴുപതോളം രാജ്യങ്ങളിലാണ് ചിത്രം റിലീസ് ചെയ്‌തത്. സൗദി അറേബ്യയിൽ ഏറ്റവും കൂടുതല്‍ ആദ്യദിന കലക്ഷൻ നേടുന്ന മലയാള ചിത്രമെന്ന റെക്കോർഡും ടർബോ സ്വന്തമാക്കി.

കേരളത്തിൽ നിന്ന് മാത്രം ആദ്യ ദിനത്തില്‍ ചിത്രം വാരിക്കൂട്ടിയത് 6.2 കോടി രൂപയാണ്. ഈ വർഷത്തെ ഏറ്റവും ഉയർന്ന കലക്ഷനാണ് ഇതോടെ ടർബോ സ്വന്തമാക്കിയിരിക്കുന്നത്. ആദ്യ ഷോ കഴിഞ്ഞയുടൻ പ്രേക്ഷകരില്‍ നിന്നും സിനിമയ്ക്ക് ലഭിക്കുന്നത് വലിയ പ്രതികരണമാണ്. അതുകൊണ്ടുതന്നെ രണ്ടാം ദിനം 156 എക്‌സ്‌ട്രാ ഷോകളാണ് ടർബോയ്ക്കായി ചാർട്ട് ചെയ്‌തിരിക്കുന്നത്.

ഇതുവരെ കാണാത്ത മമ്മൂട്ടിയുടെ പുതിയ ഗെറ്റപ്പും മാസ് ആക്ഷനും കോമഡിയും കൊണ്ടാണ് ടർബോ തീയേറ്ററുകളിൽ തീ പടർത്തിയത്. ടർബോ ജോസിന്‍റെ 'ക്വിന്‍റല്‍' ഇടി കണ്ട് കോരിത്തരിച്ചിരിക്കുകയാണ് പ്രേക്ഷകർ. മമ്മൂട്ടി കമ്പനിയുടെ ബാനറിൽ പുറത്തെറങ്ങുന്ന ചിത്രത്തിന്‍റെ സംവിധാനം വൈശാഖാണ് നിര്‍വഹിക്കുന്നത്.

മിഥുൻ മാനുവൽ തോമസിന്‍റെതാണ് തിരക്കഥ. ജീപ്പ് ഡ്രൈവറായ ജോസിന്‍റെ കഥയാണ് ചിത്രം പറയുന്നത്. ജോസ് എന്ന കഥാപാത്രമായി മമ്മൂട്ടി എത്തുന്ന ചിത്രത്തിലെ മറ്റ് സുപ്രധാന വേഷങ്ങൾ കന്നഡ താരം രാജ് ബി ഷെട്ടിയും തെലുഗു നടൻ സുനിലുമാണ് അവതരിപ്പിക്കുന്നത്. വിയറ്റ്നാം ഫൈറ്റേർസാണ് ആക്ഷൻ രംഗങ്ങൾ കൈകാര്യം ചെയ്യുന്നത്.

രണ്ട് മണിക്കൂർ 32 മിനിറ്റാണ് ചിത്രത്തിന്‍റെ ദൈർഘ്യം. ചിത്രത്തിന്‍റെ ഡിസ്ട്രിബ്യൂഷൻ വേഫറർ ഫിലിംസും ഓവർസീസ് ഡിസ്ട്രിബ്യൂഷൻ ട്രൂത്ത് ഗ്ലോബൽ ഫിലിംസുമാണ്. 'പോക്കിരിരാജ', 'മധുരരാജ' എന്നീ ചിത്രങ്ങൾക്ക് ശേഷം വൈശാഖും മമ്മൂട്ടിയും വീണ്ടും ഒന്നിക്കുന്ന സിനിമ എന്ന പ്രത്യേകതയും 'ടർബോ'യ്ക്കുണ്ട്.

ALSO READ: ജൂനിയർ എൻടിആറിൻ്റെ അടുത്ത ചിത്രത്തിൽ നായിക രശ്‌മിക മന്ദാന?; പ്രതീക്ഷയോടെ ആരാധകര്‍

ABOUT THE AUTHOR

...view details