ഹൈദരാബാദ്:നടിയും മോഡലുമായ പൂനം പാണ്ഡെ മരിച്ചെന്ന വ്യാജവാർത്തയ്‌ക്ക് പിന്നാലെ പ്രതികരണവുമായി എത്തിയിരിക്കുകയാണ് വ്യവസായിയും താരത്തിന്‍റെ മുൻ ഭർത്താവുമായ സാം ബോംബെ.അടുത്തിടെ നടിയുടെ മുൻ ഭർത്താവായ സാം ബോംബെ നൽകിയ ഒരു അഭിമുഖത്തിലാണ് താരം ജീവിച്ചിരിപ്പുണ്ടെന്നതിൽ സന്തോഷമുണ്ടെന്ന് പറഞ്ഞത് ( Poonam Pandey's fake death).
പൂനം തന്‍റെ മരണം വ്യാജമാക്കിയതിൽ ആശ്ചര്യമുണ്ടോ എന്ന ചോദ്യത്തിന് 'ഇല്ല എന്നായിരുന്നു അദ്ദേഹത്തിന്‍റെ മറുപടി. കൂടാതെ അവൾ അങ്ങനെ ചെയ്‌തതിൽ എനിക്ക് സന്തോഷമുണ്ടെന്നും അവൾ ജീവിച്ചിരിപ്പുണ്ടെന്നും എനിക്ക് അത് മതിയെന്നും അൽഹംദുല്ലിലാഹ് എന്നുമായിരുന്നു സാമിന്‍റെ പ്രതികരണം.
സെർവിക്കൽ കാൻസർ ബാധിച്ചു മരിച്ചെന്ന വ്യാജവാർത്തയായിരുന്നു താരത്തിന്‍റെ മാനേജർ കഴിഞ്ഞ ദിവസം സാമൂഹ്യമാധ്യമത്തിലൂടെ പുറത്തുവിട്ടത്. എന്നാൽ സെർവിക്കൽ കാൻസറിനെക്കുറിച്ച് അവബോധം സൃഷ്‌ടിക്കാനായുളള കാമ്പയിന്‍റെ ഭാഗമായി ആസൂത്രണം ചെയ്‌തതായിരുന്നുവെന്നാണ് താരം തന്‍റെ ഇൻസ്‌റ്റഗ്രാം അക്കൗണ്ടിലൂടെ നേരിട്ട് അറിയിച്ചത്.
ഞങ്ങളുടെ പ്രിയപ്പെട്ട പൂനത്തെ ഗർഭാശയ ക്യാൻസർ ബാധിച്ച് നഷ്‌ടപ്പെട്ടുവെന്ന് നിങ്ങളെ അറിയിക്കുന്നതിൽ അഗാധമായ സങ്കടമുണ്ട് എന്നായിരുന്നു വെള്ളിയാഴ്‌ച പൂനത്തിൻ്റെ ടീം താരത്തിന്‍റെ ഔദ്യോഗിക ഇൻസ്‌റ്റഗ്രാം അക്കൗണ്ടിലൂടെ പോസ്‌റ്റ്‌ ചെയ്‌തത്.
സെർവിക്കൽ കാൻസർ ബാധിച്ച് പൂനം മരിച്ചുവെന്ന് അവളുടെ മാനേജർ ഒന്നിലധികം സൈറ്റുകളിൽ സ്ഥിരീകരിച്ചപ്പോൾ മാധ്യമങ്ങളും സോഷ്യൽ മീഡിയയിലെ പലരും ഒന്നടങ്കം വിശ്വസിച്ചിരുന്നെന്നും എന്നാൽ ഈ വാർത്തയിൽ തനിക്ക് സംശയമുണ്ടെന്നായിരുന്നുമാണ് സാം വെളിപ്പെടുത്തിയത്.
'വാർത്ത ലഭിച്ചപ്പോൾ, എന്‍റെ ഹൃദയത്തിൽ ഒന്നും തോന്നിയില്ല, ഒരു നഷ്‌ടബോധവും ഉണ്ടായിരുന്നില്ല. എന്തുകൊണ്ടാണ് എനിക്ക് ഒന്നും തോന്നാത്തത്? കാരണം നിങ്ങൾ കണക്റ്റുചെയ്യുമ്പോൾ, നിങ്ങൾക്ക് എല്ലാം അനുഭവിക്കാൻ കഴിയും. ഞാൻ എല്ലാ ദിവസവും പൂനം പാണ്ഡെയെ കുറിച്ച് ചിന്തിക്കുന്നു. എല്ലാ ദിവസവും ഞാൻ അവൾക്കുവേണ്ടി പ്രാർത്ഥിക്കുന്നു, എന്തെങ്കിലും തെറ്റ് സംഭവിച്ചാൽ എനിക്കറിയാം' സാം പറഞ്ഞു.
പൂനത്തിൻ്റെ മുൻ ഭർത്താവ് എന്ന് വിളിക്കുന്നത് സാം തിരുത്തുകയും ഞങ്ങൾ ഇതുവരെ വിവാഹമോചിതരായിട്ടില്ലെന്നും സാം വ്യക്തമാക്കി. പൂനത്തിൻ്റെ ഉദ്ദേശശുദ്ധിയെ സാം സംശയിക്കുന്നില്ലെന്നും അവൾക്ക് ഒരുപാട് കാര്യങ്ങൾ വാഗ്‌ദാനം ചെയ്യാനുണ്ടെന്നും അദ്ദേഹം പറഞ്ഞു.
ഞാൻ പറയുന്നത് ശ്രദ്ധിക്കുക, ആരെങ്കിലും അവരുടെ സെലിബ്രിറ്റിയോ പ്രതിച്ഛായയോ പരിഗണിക്കാതെ ഒരു പ്രശ്‌നത്തെക്കുറിച്ച് അവബോധം വളർത്തിയാൽ നമുക്ക് അതിനെ ബഹുമാനിക്കാം. പൂനം പാണ്ഡെ കാലാതീതമാണ്. അവൾ ഏറ്റവും കൂടുതൽ സംസാരിക്കുന്ന ഇന്ത്യൻ വനിതയാണ്. അവൾ വർഷങ്ങളോളം ഓർമ്മിക്കപ്പെടുമെന്നും അദ്ദേഹം കൂട്ടിച്ചേർത്തു.
ശരിയായ ഉദ്ദേശ്യത്തോടെ 4 മാസം മുമ്പ് ഞങ്ങൾ കാമ്പെയിന് പിന്നിൽ പ്രവർത്തിക്കാൻ തുടങ്ങുകയും ഈ കാമ്പെയ്‌നിനൊപ്പം നിലകൊള്ളുകയും ചെയ്‌തു. കാമ്പെയ്‌നിൻ്റെ പിന്നിലെ തലച്ചോറ് ഷ്ബാംഗാണ്. ഒരു ഫാർമസ്യൂട്ടിക്കൽ കമ്പനിയും നിയമത്തിൽ ഉൾപ്പെട്ടിട്ടില്ലാത്തതിനാൽ ഇതെല്ലാം ഒരു മഹത്തായ ലക്ഷ്യത്തിനായി ചെയ്‌തതാണെന്ന്‌ പറഞ്ഞായിരുന്നു താരം തന്‍റെ ഇൻസ്‌റ്റഗ്രാമിലൂടെ ഈ വ്യാജവാർത്തയ്‌ക്ക് പിന്നാലെ പോസ്‌റ്റിട്ടത്.
