ഹൈദരാബാദ് :നിറവയറോടെ ലോക്‌സഭ തെരഞ്ഞെടുപ്പിന് വോട്ട് ചെയ്യാനെത്തിയ ദീപിക പദുക്കോണിന്‍റെ വീഡിയോ വൈറലായതിന് പിന്നാലെ ബോളിവുഡ് താരം കത്രീന കൈഫിന്‍റെ വീഡിയോയും ഇന്‍റര്‍നെറ്റല്‍ ചര്‍ച്ചയാകുന്നു. കത്രീന തന്‍റെ ആദ്യത്തെ കണ്‍മണിക്ക് ജന്മം നല്‍കാന്‍ പോവുകയാണ് എന്ന് ആരാധകർ വിശ്വസിക്കുന്നത്. കത്രീന കൈഫ് ഭർത്താവ് വിക്കി കൗശലിനൊപ്പം ലണ്ടനിൽ കറങ്ങുന്നതിന്‍റെ വീഡിയോ ആണ് വൈറലായത്.
തെരുവിൽ നിന്ന് ചിത്രീകരിച്ച വീഡിയോയിൽ, 2021-ൽ വിവാഹിതരായ താരദമ്പതികൾ ഒരുമിച്ച് നടക്കുന്നത് കാണാം. കത്രീനയുടെ നടത്തത്തിലും ധരിച്ചിരിക്കുന്ന വലിയ കോട്ടിന്‍റെ വ്യത്യാസവുമാണ് ആരാധകര്‍ക്കിടയില്‍ ചര്‍ച്ച വിഷയമായത്. താരം ഗർഭിണിയാണെന്നും മാധ്യമ ശ്രദ്ധ ഒഴിവാക്കാനാണ് ലണ്ടനിലേക്ക് പോയതെന്നുമാണ് അനുമാനം.
ഇത് ആദ്യമായല്ല, കത്രീനയുടെ ഗർഭധാരണം സംബന്ധിച്ച് ഊഹാപോഹങ്ങൾക്ക് ഉയരുന്നത്. ഈ വർഷം ആദ്യം ജാംനഗറിൽ നടന്ന ആനന്ത് അംബാനിയുടെയും രാധിക മർച്ചന്‍റിന്‍റെയും വിവാഹത്തിന് മുമ്പുള്ള ചടങ്ങില്‍ നിന്നുള്ള ഫോട്ടോകൾക്ക് പിന്നാലെ സമാന ചര്‍ച്ചകള്‍ ഉയര്‍ന്നിരുന്നു.