'ഈ ആരോപണങ്ങള്‍ സിനിമയെ തകര്‍ക്കില്ല, എനിക്ക് അവസരം നിഷേധിക്കപ്പെട്ടില്ല'; ജാസി ഗിഫ്‌റ്റ് - Jassie Gift reacts Hema Committee

ഇപ്പോള്‍ സിനിമ മേഖലയില്‍ നിലനില്‍ക്കുന്ന ആരോപണങ്ങള്‍ സിനിമ മേഖലയെ തകര്‍ക്കില്ലെന്നും, സിനിമയ്‌ക്കെതിരായ ആക്രമണമായി തോന്നുന്നില്ലെന്നും ജാസി ഗിഫ്‌റ്റ്.

ഹേമ കമ്മിറ്റി റിപ്പോര്‍ട്ടിന് പിന്നാലെ മലയാള സിനിമ മേഖലയില്‍ ഉണ്ടായ ആരോപണങ്ങൾ സിനിമ മേഖലയെ തകർക്കുമെന്ന് തോന്നുന്നില്ലെന്ന് ഗായകനും സംഗീത സംവിധായകനുമായ ജാസി ഗിഫ്‌റ്റ്. ഇത് സിനിമ മേഖലയ്‌ക്കെതിരായ ആക്രമണമായി തോന്നുന്നില്ലന്നും ജാസി ഗിഫ്റ്റ് വ്യക്തമാക്കി.

അതേസമയം, സിനിമ മേഖലയിൽ ഉയർന്ന ആരോപണങ്ങളിൽ വേണ്ട തരത്തിൽ അന്വേഷണം നടക്കണമെന്നും ജാസി ഗിഫ്റ്റ് ആവശ്യപ്പെട്ടു. സിനിമയില്‍ അവസരങ്ങള്‍ നിഷേധിക്കപ്പെടുന്നുണ്ടോ എന്നതിനെ കുറിച്ചും ജാസി ഗിഫ്‌റ്റ് പ്രതികരിച്ചു.

'എനിക്ക് പാട്ടിൽ അവസരം നിഷേധിക്കപ്പെടുന്നതായി തോന്നുന്നില്ല. അത്തരം അനുഭവം എനിക്കില്ല. സംഗീത മേഖലയിൽ നിന്ന് എന്നെ മാറ്റി നിർത്തിയതായി തോന്നിയിട്ടില്ല. ഹിറ്റുകൾ കൊടുത്തില്ലെങ്കിൽ അവസരം കുറയുന്നത് സ്വാഭാവികമാണ്.' -ജാസി ഗിഫ്‌റ്റ് പറഞ്ഞു.