ഹൈദരാബാദ്: നടൻ വിനായകന്‍ ഹൈദരാബാദ് പൊലീസ് കസ്റ്റഡിയില്‍. ഹൈദരാബാദ് വിമാനത്താവളത്തിലുണ്ടായ വാക്കുതർക്കത്തെത്തുടർന്നാണ് നടപടി. ഡൊമസ്റ്റിക് ട്രാന്‍സ്‌ഫര്‍ ഏരിയയില്‍ വിനായകന്‍ ബഹളമുണ്ടാക്കി എന്നാണ് പൊലീസ് പറയുന്നത്. വിഷയത്തില്‍ ഇടപെട്ട സിഐഎസ്എഫ് ഉദ്യോഗസ്ഥരുമായി വാക്കേറ്റവും ഉന്തും തള്ളും ഉണ്ടായി. ഇതോടെ സിഐഎസ്എഫ് കസ്റ്റഡിയിലെടുത്ത വിനായകനെ പൊലീസിന് കൈമാറുകയായിരുന്നു.
എന്നാല്‍ വിമാനത്താവളത്തിലെ സിഐഎസ്എഫ് ഉദ്യോഗസ്ഥര്‍ തന്നെ കൈകാര്യം ചെയ്‌തുവെന്നാണ് വിനായകന്‍ ആരോപിക്കുന്നത്. കസ്റ്റഡി എന്തിനെന്ന് അറിയില്ലെന്ന് നടന്‍ പറഞ്ഞു. സിസിടിവി ദൃശ്യങ്ങള്‍ തെളിവായുണ്ടെന്നും വിനായകന്‍ കൂട്ടിച്ചേര്‍ത്തു.
ഇടിവി ഭാരത് കേരളം ഇനി വാട്‌സ്‌ആപ്പിലും