നടന്‍ ബാലയുടെ വിവാഹമായിരുന്ന കഴിഞ്ഞ ദിവസങ്ങളിലൊക്കെ സോഷ്യല്‍ മീഡിയയിലെ ഏറ്റവും വലിയ ചര്‍ച്ച. ബന്ധുവായ കോകിലയെയാണ് ബാല വിവാഹം ചെയ്‌തത്. ചെറുപ്പം മുതല്‍ തനിക്ക് ബാലയെ ഇഷ്‌ടമായിരുന്നുവെന്ന് കോകില മാധ്യമങ്ങളോട് പറഞ്ഞിരുന്നു. ആ ആഗ്രഹമാണ് എറണാകുളം കലൂര്‍ പാവക്കുളം ക്ഷേത്രത്തില്‍ സഫലമായത്. കോകില തന്നോടുള്ള ഇഷ്‌ടം അവളുടെ ഡയറില്‍ എഴുതിയിരുന്നു. അത് കണ്ടിട്ടാണ് വിവാഹത്തിന് സമ്മതം മൂളിയതെന്ന് ബാലയും പറഞ്ഞിരുന്നു. ഇരുവരും തമ്മിലുള്ള വിവാഹ ചിത്രങ്ങളും വീഡീയോയും നിമിഷ നേരം കൊണ്ടാണ് വൈറലായത്.
ഇപ്പോഴിതാ വിവാഹച്ചടങ്ങിന് ശേഷം നടന്ന വിരുന്നും സല്‍ക്കാരത്തിന്‍റെയുമൊക്കെ വീഡിയോയാണ് ശ്രദ്ധ നേടുന്നത്. ഇരുവരും ഒന്നിച്ച് കേക്ക് മുറിക്കുന്നതും കോകിലയ്‌ക്ക് ബാല സ്‌നേഹ ചുംബനം നല്‍കുന്നതുമായ വീഡിയോയാണ് സോഷ്യല്‍ മീഡിയ ഏറ്റെടുത്തത്. ക്ഷണിക്കപ്പെട്ട അതിഥികളുടെ സാന്നിദ്ധ്യത്തിലായിരുന്നു ഇത്. കേക്ക് കൊടുക്കുമ്പോള്‍ കുസൃതി കാട്ടിയും പ്രിയസഖിയെ ചേര്‍ത്ത് പിടിച്ച് ചുംബിക്കുന്നതുമെല്ലാം വീഡിയോയില്‍ കാണാം. അതേസമയം കോകിലയെ ബാല പൊന്നുപോലെ നോക്കുമെന്നാണ് ആരാധകരുടെ കമന്‍റ്.
"ചെറുപ്പം മുതലേ മാമനെ ഒരുപാട് ഇഷ്‌ടമായിരുന്നു. ഞാന്‍ പഠിച്ചതും വളര്‍ന്നതുമെല്ലാം ചെന്നൈയിലാണ്. ഇവിടെ കേരളത്തില്‍ വന്നതിന് ശേഷമാണ് അദ്ദേഹത്തെ കുറിച്ച് കൂടുതല്‍ അറിയാന്‍ കഴിഞ്ഞത്. മാമനെ കുറിച്ച് മാത്രമൊരു ഡയറി എഴുതി വീട്ടില്‍ സൂക്ഷിച്ചിട്ടുണ്ടെന്ന്" കോകില പറഞ്ഞു.