തിരുവനന്തപുരം:മദ്യപിച്ച് വാഹനമോടിച്ച് അപകടം ഉണ്ടാക്കിയ നടന്‍ ബൈജു സന്തോഷ് അറസ്റ്റില്. മ്യൂസിയം പൊലീസ് കസ്‌റ്റഡിയിലെടുത്ത് അറസ്‌റ്റ് രേഖപ്പെടുത്തിയ ശേഷം നടനെ സ്‌റ്റേഷന്‍ ജാമ്യത്തില്‍ വിട്ടു. കഴിഞ്ഞ ദിവസം അര്‍ധരാത്രി തിരുവനന്തപുരം വെള്ളയമ്പലം ജംഗ്ഷനടുത്താണ് സംഭവം.
ബൈജു ഓടിച്ച കാര്‍ ബൈക്കിലും വൈദ്യുത പോസ്‌റ്റിലും ഇടിച്ചു. നിയന്ത്രണം വിട്ട കാര്‍ സ്‌കൂട്ടറില്‍ ഇടിച്ച ശേഷം വീണ്ടും വേഗത്തില്‍ മുന്നോട്ട് പോയി പോസ്‌റ്റില്‍ ഇടിച്ചു. ബൈജു ഓടിച്ച കാര്‍ കസ്‌റ്റഡിയില്‍ എടുത്തിട്ടുണ്ട്.
Baiju Santhosh Car accident CCTV Footage (ETV Bharat)
അപകടത്തില്‍ സ്‌കൂട്ടര്‍ യാത്രക്കാരന് പരിക്കു പറ്റിയിട്ടുണ്ടെങ്കിലും ഇയാള്‍ പരാതി നല്‍കിയിട്ടില്ല. അപകടത്തില്‍ ബൈജു ഓടിച്ചിരുന്ന ഓഡി കാറിന്‍റെ ടയറിന് കേടുപാടുകള്‍ സംഭവിച്ചിട്ടുണ്ട്.