ഹൈദരാബാദ്:വാലന്റൈന്സ് ഡേ ദിനത്തിലും കടുത്ത മത്സരവുമായി എയര്ടെലും ജിയോയും. വാലന്റൈന്സ് ഡേയായ ഇന്ന് എയര്ടെല് എക്സ് സ്ട്രീം ഉപയോക്താക്കള് അടക്കമുള്ളവരോട് ജിയോ ഫൈബറിലേക്ക് മാറാന് ജിയോ ആവശ്യപ്പെട്ടു. 'സ്വിച്ച് ടു ലവ്' എന്നാണ് ജിയോ ഉപഭോക്താക്കളോട് പറഞ്ഞത് (Jio AirFiber).
ടെലികോം കമ്പനിയായ എയര്ടെല് ജിയോയുടെ വെല്ലുവിളി ഏറ്റെടുക്കുകയും ഇതിന് മറുപടി നല്കുകയും ചെയ്തു. 'സബ് കുച്ച് ട്രൈ കരോ, ഫീര് സാഹി ചുനോ' എന്നെഴുതിയ ഒരു ഫോട്ടോയും എയര്ടെല് എക്സില് പോസ്റ്റ് ചെയ്തു. വീടുകള് എവിടെയുണ്ടോ അവിടെയെല്ലാം ജിയോ എയര്ഫൈബറുകളുണ്ടെന്നും ജിയോ ഉപഭോക്താക്കളോട് പറഞ്ഞു (LinkedIn). മികച്ച സേവനങ്ങള് ലഭിക്കാന് ആഗ്രഹിക്കുന്നവരാണെങ്കില് ജിയോയുടെ സേവനങ്ങള് തെരഞ്ഞെടുക്കൂവെന്നും ജിയോ പറഞ്ഞു (Valentine's Day).
വാലന്റൈന്സ് ഡേയില് ഇതാദ്യമായല്ല ജിയോ പുതിയ ഉപഭോക്താക്കളെ ക്ഷണിക്കുന്നത്. വര്ഷം തോറും ഫെബ്രുവരി 14ന് ജിയോ ഇത്തരത്തില് ഉപഭോക്താക്കള്ക്കായി പോസ്റ്റുകള് പങ്കുവയ്ക്കാറുണ്ട് (Instagram). അതേസമയം റിലയന്സ് ഇന്ഡസ്ട്രീസ് ലിമിറ്റഡും (RIL) വാലന്റൈന്സ് ഡേ ക്ഷണങ്ങളുമായി സോഷ്യല് മീഡിയയിലൂടെ രംഗത്തെത്തി. യൂട്യൂബ്, ഇൻസ്റ്റാഗ്രാം, ലിങ്ക്ഡ്ഇൻ, ഫേസ്ബുക്ക് തുടങ്ങിയ വിവിധ പ്ലാറ്റ്ഫോമുകളിൽ ലൈക്ക് ചെയ്തും പിന്തുടർന്നും സബ്സ്ക്രൈബ് ചെയ്തും സ്നേഹം പ്രകടിപ്പിക്കാൻ ഉപയോക്താക്കളോട് ആര്ഐഎല് ആവശ്യപ്പെട്ടു (Reliance Industries Limited(RIL).