എറണാകുളം: രാജ്യത്ത് വാണിജ്യാവശ്യത്തിനുള്ള പാചകവാതക സിലണ്ടറിന്‍റെ വില വീണ്ടും വർധിച്ചു. 19 കിലോ സിലിണ്ടറിന് 61 രൂപ 50 പൈസയാണ് വർധിപ്പിച്ചത്. കഴിഞ്ഞ നാല് മാസത്തിനിടെ വാണിജ്യാവശ്യത്തിനുള്ള എൽപിജി സിലിണ്ടറിന് 157.5 രൂപയാണ് കൂടിയത്. അതേസമയം ഗാർഹിക സിലിണ്ടർ വിലയിൽ മാറ്റം സംഭവിച്ചിട്ടില്ല.
ഇന്ന് (നവംബർ 1) മുതലാണ് പുതിയ നിരക്ക് പ്രാബല്യത്തിൽ വരുന്നത്. കൊച്ചിയിൽ വാണിജ്യാവശ്യത്തിലുള്ള എൽപിജി സിലിണ്ടറിന്‍റെ വില 1810 രൂപ 50 പൈസയാണ്. നേരത്തെ അത് 1749 രൂപയായിരുന്നു. ഐഒസിഎൽ കണക്കുകൾ പ്രകാരം ഡൽഹിയിൽ 19 കിലോ വാണിജ്യ എൽപിജി സിലിണ്ടറിന്‍റെ വില ഇന്ന് മുതൽ 1802 രൂപയായി.