മുംബൈ: പ്രധാനമന്ത്രി നരേന്ദ്ര മോദിയെയും ബിജെപിയെയും വിമർശിച്ച് ശിവസേന താക്കറെ വിഭാഗം എംപി സഞ്ജയ് റാവത്ത്. ലോക്‌സഭ സ്‌പീക്കർ സ്ഥാനത്തേക്ക് ടിഡിപി സ്ഥാനാര്‍ത്ഥിയെ നിര്‍ത്തിയാല്‍ പിന്തുണയ്‌ക്കാന്‍ തയ്യാറാണെന്നും അദ്ദേഹം പറഞ്ഞു.
'ശിവസേനയുടെ കാര്യത്തിൽ ഭരണഘടനാ വിരുദ്ധമായ തീരുമാനമാണ് രാഹുൽ നർവേക്കർ കൈക്കൊണ്ടത്. ലോക്‌സഭ സ്‌പീക്കർ സ്ഥാനം ബിജെപിക്ക് പോയാൽ അവർ ചന്ദ്രബാബു നായിഡു, നിതീഷ് കുമാർ, ചിരാഗ് പസ്വാൻ എന്നിവരുടെ പാർട്ടിയെ തകർക്കും. ആരുടെ കൂടെയാണോ ഭക്ഷണം കഴിക്കാന്‍ ഇരുന്നത് അവരെ കൊല്ലുന്നത് ബിജെപിയുടെ പാരമ്പര്യമാണ്'.