ന്യൂഡൽഹി:ഇന്ന് രാജ്യം 78-ാം സ്വാതന്ത്ര്യദിനം ആഘോഷിക്കാൻ ഒരുങ്ങുമ്പോൾ ഇന്ത്യ-പാക് വിഭജനത്തെക്കുറിച്ചുള്ള ചോദ്യവുമായി ആത്മീയ നേതാവ് സദ്ഗുരു ജഗ്ഗി വാസുദേവ്. ഒരു ദശലക്ഷത്തിലധികം ആളുകളുടെ മരണത്തിനും ഏഴ് ദശലക്ഷത്തിലധികം ആളുകളുടെ കുടിയേറ്റത്തിനും ഇടയാക്കിയ വിഭജനം എന്തിന് നടത്തിയെന്നായിരുന്നു അദ്ദേഹത്തിന്റെ ചോദ്യം. തന്റെ എക്സിൽ പോസ്റ്റ് ചെയ്ത വീഡിയോയിലാണ് അദ്ദേഹം ഈ ചോദ്യം ഉന്നയിച്ചത്.
'ഇന്ത്യ-പാക് വിഭജനം നടത്തിയത് എന്തിന്?' വരും തലമുറയ്ക്ക് നമ്മൾ ഉത്തരം നൽകേണ്ടി വരുമെന്ന് സദ്ഗുരു - SADHGURU ABOUT INDIA PAK PARTITION
Published : Aug 15, 2024, 7:11 AM IST
ഇന്ത്യ പാക് വിഭജനം നടത്തിയത് എന്തുകൊണ്ടെന്നും ഇതിന് വരും തലമുറയ്ക്ക് നമ്മൾ ഉത്തരം നൽകേണ്ടി വരുമെന്നും സദ്ഗുരു ജഗ്ഗി വാസുദേവ്.
Partition image & Sadhguru (ETV Bharat- File)
ഈ ചോദ്യത്തിന് വരും തലമുറയോട് ഉത്തരം പറയേണ്ടി വരുമെന്നും വിഭജനത്തിൻ്റെ ഇരകളായവർക്ക് ആദരാഞ്ജലികൾ അർപ്പിക്കുന്നതായും സദ്ഗുരു പറഞ്ഞു. ഇത് മതപരമായ ചോദ്യമല്ല, മറിച്ച് മനുഷ്യത്വത്തിൻ്റെ ചോദ്യമാണെന്നും അദ്ദേഹം പറഞ്ഞു. "നിങ്ങൾക്ക് മനുഷ്യത്വം ബാക്കിയുണ്ടെങ്കിൽ, വരും തലമുറയ്ക്ക് വേണ്ടി ഈ ചോദ്യത്തിന് ഉത്തരം കണ്ടെത്തണം. ഈ ചോദ്യത്തെ അഭിമുഖീകരിക്കാനും അതിനുള്ള ഉത്തരം കണ്ടെത്താനുമുള്ള ധൈര്യം നമ്മുടെ രാജ്യത്തിനില്ല." അദ്ദേഹം പറഞ്ഞു.