ന്യൂഡല്‍ഹി: രാജ്യാന്തര അവയവ റാക്കറ്റിനെ പിടികൂടി ഡല്‍ഹി പൊലീസ്. ഒരു ഡോക്‌ടറടക്കം ഏഴ് പേരാണ് പിടിയിലായത്. അവയവക്കടത്തിലെ മുഖ്യ സൂത്രധാരന്‍ ഒരു ബംഗ്ലാദേശിയാണെന്ന് ഡല്‍ഹി ക്രൈംബ്രാഞ്ചിലെ ഡെപ്യൂട്ടി കമ്മിഷണര്‍ അമിത് ഗോയല്‍ പറഞ്ഞു.
അവയവ ദാതാവും സ്വീകര്‍ത്താവും ബംഗ്ലാദേശില്‍ നിന്നുള്ളവരാണ്. രോഗികളെയും അവയവ ദാതാക്കളെയും ഏര്‍പ്പാടാക്കുന്ന റസല്‍ എന്നൊരാളാണ് അറസ്റ്റിലായത്. അവയവങ്ങള്‍ മാറ്റി വയ്ക്കുന്ന വനിത ഡോക്‌ടറെയും അറസ്റ്റ് ചെയ്‌തു.