ಸೂಪರ್​ ಫೀಚರ್​ಗಳೊಂದಿಗೆ ಮಾರುಕಟ್ಟೆಗೆ ಕಾಲಿಡಲಿದೆ ವಿವೋ ಎಕ್ಸ್​200 ಸಿರೀಸ್

ಈ ತಿಂಗಳ ಕೊನೆಯಲ್ಲಿ ಅಥವಾ ಡಿಸೆಂಬರ್​ ಮೊದಲನೇ ವಾರದಲ್ಲಿ ವಿವೋ ಎಕ್ಸ್​200 ಸಿರೀಸ್​ ಮಾರುಕಟ್ಟೆಗೆ ಲಗ್ಗೆಯಿಡುವ ನಿರೀಕ್ಷೆಯಿದೆ. ಇದರ ಬೆಲೆ ಮತ್ತು ವೈಶಿಷ್ಟ್ಯಗಳ ಬಗ್ಗೆ ಮಾಹಿತಿ ಇಲ್ಲಿದೆ.

Vivo X200 Series Global Launch:ಪ್ರಮುಖ ಸ್ಮಾರ್ಟ್​ಫೋನ್​ ಕಂಪನಿ ವಿವೋ ತನ್ನ ಹ್ಯಾಂಡ್​ಸೆಟ್​ ಅನ್ನು ಚೀನಾದಲ್ಲಿ ಪ್ರಾರಂಭಿಸಿದ ತಿಂಗಳ ಬಳಿಕ ವಿವೋ ಎಕ್ಸ್​200 ಸಿರೀಸ್ ಅನ್ನು ಅಂತಾರಾಷ್ಟ್ರೀಯ ಮಾರುಕಟ್ಟೆಗೆ ಪರಿಚಯಿಸುವ ಬಗ್ಗೆ ಸುಳಿವು ನೀಡಿದೆ. ಇದು ಮಲೇಷಿಯಾ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗುವ ಸಾಧ್ಯತೆಯಿದೆ.

ಈ ವಿವೋ ಎಕ್ಸ್​200 ಸಿರೀಸ್​ನಲ್ಲಿ ಮೂರು ಮಾಡೆಲ್​ ಮೊಬೈಲ್​ಗಳನ್ನು ಒಳಗೊಂಡಿದೆ. ಇದರಲ್ಲಿ ಜೀಸ್​ ಆಫ್ಟಿಕ್ಸ್​ ಕೋ-ಇಂಜನಿರ್ಡ್​ ಕ್ಯಾಮೆರಾ ಸಿಸ್ಟಮ್​ ಇವೆ. ವಿವೋ ಎಕ್ಸ್​200 ಲೈನ್​ಅಪ್​ ಈ ತಿಂಗಳ ಕೊನೆಯಲ್ಲಿ ಅಥವಾ ಡಿಸೆಂಬರ್​ ಮೊದಲ ವಾರ ಭಾರತದಲ್ಲಿ ಲಾಂಚ್​ ಆಗುವ ಸಾಧ್ಯತೆಯಿದೆ. ಇದರ ಬೆಲೆ ಮತ್ತು ವೈಶಿಷ್ಟ್ಯಗಳ ಕುರಿತಾದ ಮಾಹಿತಿ ಇಲ್ಲಿದೆ..

ವಿವೋ ಎಕ್ಸ್​200 ಸಿರೀಸ್​ ಮಾಡೆಲ್​ಗಳು:

• Vivo X200
• Vivo X200 Pro
• Vivo X200 Pro Mini

ವಿವೋ ತನ್ನ ಮಲೇಷಿಯಾ ಫೇಸ್​ಬುಕ್​ ಪೇಜ್​ನಲ್ಲಿ ವಿವೋ ಎಕ್ಸ್​200 ಸಿರೀಸ್​ ಅನ್ನು ಶುಕ್ರವಾರ ಪರಿಚಯಿಸಿದೆ. ಆದ್ರೆ ಮಲೇಷಿಯಾದಲ್ಲಿ ಈ ಸಿರೀಸ್​ ಯಾವಾಗ ಪ್ರಾರಂಭಿಸುತ್ತದೆ ಎಂಬುದರ ಬಗ್ಗೆ ಮಾಹಿತಿ ಬಹಿರಂಗಪಡಿಸಿಲ್ಲ. ಇನ್ನು ಟೀಸರ್​ ಪೋಸ್ಟ್​ನಲ್ಲಿ ಈ ಸ್ಮಾರ್ಟ್​ಫೋನ್​ನ ಡಿಸೈನ್​ ಕುರಿತು ಮಾಹಿತಿ ನೀಡಿದೆ. ಇದು ವಿವೋ ಎಕ್ಸ್​200, ವಿವೋ ಎಕ್ಸ್​200 ಮಿನಿ ಮಾಡೆಲ್​ಗಳು ಟೈಟಾನಿಯಂ ಮತ್ತು ಟೈಟಾನಿಯಂ ಗ್ರೀನ್​ ಕಲರ್​ ಆಪ್ಷನ್​ಗಳು ಇವೆ.

ವಿವೋ ಎಕ್ಸ್​200 ಸಿರೀಸ್​ ವಿಶೇಷತೆಗಳು: ಅಕ್ಟೋಬರ್​ನಲ್ಲಿ ಚೈನಾದಲ್ಲಿ ವಿವೋ ಎಕ್ಸ್​200 ಸಿರೀಸ್​ 12ಜಿಬಿ+256ಜಿಬಿ ಸ್ಟೋರೇಜ್​ ವೆರಿಯಂಟ್​ ಸಿಎನ್​ವೈ 4,300 (ಸುಮಾರು 51 ಸಾವಿರ) ಆರಂಭಿಕ ದರದಲ್ಲಿ ಲಾಚ್​ ಆಯಿತು. ವಿವೋ ಎಕ್ಸ್​200 ಲೈನ್​ಅಪ್​ನಲ್ಲಿನ ಎಲ್ಲ ಮಾಡೆಲ್​ಗಳು MediaTek Dimensity 9400 ಪ್ರೊಸೆಸರ್​ ಅನ್ನು ಒಳಗೊಂಡಿದೆ.

ಇವು 50 ಮೆಗಾಪಿಕ್ಸಲ್​ ಪ್ರೈಮರಿ ಕ್ಯಾಮೆರಾ ಜೊತೆ Zeiss-ಬ್ರಾಂಡೆಡ್​ ಟ್ರಿಪುಲ್​ ರಿಯರ್​ ಕ್ಯಾಮೆರಾ ಸೆಟಪ್​ ಅನ್ನು ಒಳಗೊಂಡಿದೆ. ಅವುಗಳು OriginOS 5 ಮೇಲೆ ರನ್​ ಆಗುತ್ತವೆ. ಇದರಲ್ಲಿ ವನಿಲ್ಲಾ ವಿವೋ ಎಕ್ಸ್​200 5800mAh ಬ್ಯಾಟರಿ 90W ವೈರ್ಡ್​ ಚಾರ್ಜಿಂಗ್​ಗೆ ಸಪೋರ್ಟ್​ ಮಾಡುತ್ತದೆ.

ಮೊತ್ತೊಂದೆಡೆ ವಿವೋ ಎಕ್ಸ್​200 ಪ್ರೋ, ಎಕ್ಸ್​200 ಪ್ರೋ ಮಿನಿ ಕ್ರಮವಾಗಿ 6,000mAh, 5,800mAh ಬ್ಯಾಟರಿಯನ್ನು ಒಳಗೊಂಡಿದೆ. ಇವು 90W ವೈರ್ಡ್​ ಚಾರ್ಜಿಂಗ್​ಗೆ ಸಪೋರ್ಟ್ ಮಾಡುತ್ತವೆ. ವಿವೋ ಎಕ್ಸ್​200 ಸಿರೀಸ್​ಗಳು ನವೆಂಬರ್​ ಕೊನೆಯಲ್ಲಿ ಅಥವಾ ಡಿಸೆಂಬರ್​ ಮೊದಲ ವಾರದಲ್ಲಿ ಭಾರತದಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ.

ಓದಿ:ಹ್ಯಾಕರ್​ಗಳ ಕಾಟವೇ? ನಿಮ್ಮ ಮೊಬೈಲ್​ ಫೋನ್​ ಸುಮ್ನೆ ಸ್ವಿಚ್​ ಮಾಡಿ ಅಂತಾರೆ ತಜ್ಞರು