Samsung Galaxy S25: ಬಹುನಿರೀಕ್ಷಿತ 'Samsung Galaxy S25' ಸೀರಿಸ್ ಶೀಘ್ರದಲ್ಲೇ ಮಾರುಕಟ್ಟೆಗೆ ಲಗ್ಗೆಯಿಡಲಿದೆ. ಅಂದರೆ, ಮುಂದಿನ ವರ್ಷ ಜನವರಿಯಲ್ಲಿ ಬಿಡುಗಡೆಯಾಗುವ ಸಾಧ್ಯತೆಯಿದೆ. ಈ ಸ್ಮಾರ್ಟ್ಫೋನ್ಗಳನ್ನು ಅಮೆರಿಕದಲ್ಲಿ ನಡೆಯುವ 'ಗ್ಯಾಲಕ್ಸಿ ಅನ್ಪ್ಯಾಕ್ಡ್' ಸಮಾರಂಭದಲ್ಲಿ ಬಿಡುಗಡೆ ಮಾಡಲಾಗುವುದು ಎಂದು ವರದಿಯಾಗಿದೆ. ಆದರೆ, ಸ್ಯಾಮ್ಸಂಗ್ ಯಾವುದೇ ಅಧಿಕೃತ ಹೇಳಿಕೆ ನೀಡಿಲ್ಲ.
ದಿ ಫೈನಾನ್ಶಿಯಲ್ ನ್ಯೂಸ್ (ಕೊರಿಯನ್) ವರದಿ ಪ್ರಕಾರ, 'ಸ್ಯಾಮ್ಸಂಗ್ ಗ್ಯಾಲಕ್ಸಿ ಎಸ್25' ಸೀರಿಸ್ ಫೋನ್‌ಗಳು ಜನವರಿ 23, 2025ರಂದು ಬಿಡುಗಡೆಯಾಗಲಿದೆ. ಮುಂಬರುವ ಸಾಲಿನಲ್ಲಿ ನಿಯಮಿತವಾದ 'Galaxy S25', 'Galaxy S25+', 'Galaxy S25 Ultra' ಮಾದರಿಗಳು ಮತ್ತು ಬಹು ದಿನಗಳಿಂದ ವದಂತಿಯಲ್ಲಿರುವ 'Galaxy S25 Slim' ಮಾಡೆಲ್ ಅನ್ನು ಸಹ ಸಮಾರಂಭದಲ್ಲಿ ಪರಿಚಯಿಸಬಹುದು ಎಂದು ತಿಳಿದು ಬಂದಿದೆ.
ಹೆಚ್ಚುವರಿಯಾಗಿ ಟಿಪ್‌ಸ್ಟರ್ ಮ್ಯಾಕ್ಸ್‌ಜಾಂಬೋರ್ ಈ ಲಾಂಚ್ ಟೈಮ್‌ಲೈನ್ ಅನ್ನು ಸ್ಕೆಪ್ಟಿಕ್ 'ಎಕ್ಸ್' ಪೋಸ್ಟ್‌ನಲ್ಲಿ ದೃಢಪಡಿಸಿದ್ದಾರೆ. ಜನವರಿ 22ರಂದು ಸ್ಯಾಮ್ಸಂಗ್ ಗ್ಯಾಲಕ್ಸಿ ಅನ್ಪ್ಯಾಕ್ಡ್ ಈವೆಂಟ್ ನಡೆಸಬಹುದು ಎಂದು ಅವರು ಹೇಳಿದ್ದಾರೆ. Q3 ಗಳಿಕೆಯ ಕರೆ ಸಮಯದಲ್ಲಿ Samsung Electronics 'Galaxy S25' ಸರಣಿಯನ್ನು ಮುಂದಿನ ವರ್ಷದ ಮೊದಲಾರ್ಧದಲ್ಲಿ ಅನಾವರಣಗೊಳಿಸಲಾಗುವುದು ಎಂದು ಬಹಿರಂಗಪಡಿಸಿತು. ಆದರೂ ಕಂಪನಿ, ಬಿಡುಗಡೆ ದಿನಾಂಕವನ್ನು ಪ್ರಕಟಿಸಿಲ್ಲ.