ಬೈಕ್​ ಲವರ್ಸ್​ಗೆ ಖುಷಿ ಸುದ್ದಿ​: ಮಾರುಕಟ್ಟೆಗೆ ಬರಲಿವೆ ಹೀರೋ ಮೋಟೋಕಾರ್ಪ್​ನ 4 ವಾಹನಗಳು​

Hero MotoCorp: ಹೀರೋ ಮೋಟೋಕಾರ್ಪ್​ನಿಂದ ಬೈಕ್​ ಲವರ್ಸ್​ಗೆ ಗುಡ್​ ನ್ಯೂಸ್ ಬಂದಿದೆ. ಕಂಪನಿ ಹೊಸ ನಾಲ್ಕು ದ್ವಿಚಕ್ರ ವಾಹನಗಳನ್ನು ಮಾರುಕಟ್ಟೆಗೆ ಪರಿಚಯಿಸಲಿದೆ.

Hero MotoCorp:ಪ್ರಮುಖ ದ್ವಿಚಕ್ರ ವಾಹನ ತಯಾರಕ ಸಂಸ್ಥೆಯಾದ ಹೀರೋ ಮೋಟೋಕಾರ್ಪ್‌ನಿಂದ ನಾಲ್ಕು ಹೊಸ ದ್ವಿಚಕ್ರ ವಾಹನಗಳು ಶೀಘ್ರದಲ್ಲೇ ಮಾರುಕಟ್ಟೆಗೆ ಬರಲಿವೆ. ಇವುಗಳಲ್ಲಿ ಎಲೆಕ್ಟ್ರಿಕ್ ಸ್ಕೂಟಿಯೂ ಸೇರಿದೆ. ಇಟಲಿಯ ಮಿಲನ್‌ನಲ್ಲಿ ನಡೆದ ಅಂತಾರಾಷ್ಟ್ರೀಯ ಮೋಟಾರ್‌ಸೈಕಲ್ ಮತ್ತು ಆ್ಯಕ್ಸಸರಿಸ್​ ಪ್ರದರ್ಶನದಲ್ಲಿ ಕಂಪನಿ ತನ್ನ ಬೈಕ್​ಗಳನ್ನು ಪರಿಚಯಿಸಿದೆ.

ಮೋಟೋಕಾರ್ಪ್‌ನ ಹೊಸ ದ್ವಿಚಕ್ರ ವಾಹನಗಳು:

• ಎಕ್ಸ್ಟ್ರೀಮ್ 250R
• ಕರಿಜ್ಮಾ XMR 250
• ಎಕ್ಸ್​ಪಲ್ಸ್​ 210
• ಹೀರೋ ವಿಡಾ Z

Hero Extreme 250R ಮತ್ತು Karizma XMR 250 ಬೈಕ್‌ಗಳು ಒಂದೇ ಎಂಜಿನ್‌ನೊಂದಿಗೆ ಬರುತ್ತವೆ. ಇವುಗಳಲ್ಲಿ 250ಸಿಸಿ ಸಿಂಗಲ್ ಸಿಲಿಂಡರ್, ಡಿಒಎಚ್​ಸಿ, 4 ವಾಲ್ವ್ ಲಿಕ್ವಿಡ್ ಕೂಲ್ಡ್ ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ 30hp, 25Nm ಗರಿಷ್ಠ ಟಾರ್ಕ್ ಉತ್ಪಾದಿಸುತ್ತದೆ. ಇದು 0-60 kmph ನಿಂದ 3.25 ಸೆಕೆಂಡುಗಳಲ್ಲಿ ವೇಗ ಪಡೆಯುತ್ತದೆ. ಕೆಲವೇ ತಿಂಗಳಲ್ಲಿ ಕಂಪನಿ ಇವುಗಳನ್ನು ಮಾರುಕಟ್ಟೆಗೆ ತರಲಿದೆ.

ಇತರ ವೈಶಿಷ್ಟ್ಯಗಳು:

• ವರ್ಗ-ಡಿ ಎಲ್ಇಡಿ ಪ್ರೊಜೆಕ್ಟರ್ ಹೆಡ್ಲೈಟ್​ಗಳು
• ಲ್ಯಾಪ್ ಟೈಮರ್
• ಡ್ರಾಗ್​ ರೇಸ್ ಟೈಮರ್
• ಎಬಿಎಸ್ ಮೋಡ್ಸ್
• ಮ್ಯೂಸಿಕ್​ ಕಂಟ್ರೋಲ್ಸ್​
• ಟರ್ನ್-ಬೈ-ಟರ್ನ್ ನ್ಯಾವಿಗೇಷನ್

Hero XPulse 210:EICMA ಸಮಾರಂಭದಲ್ಲಿ (EICMA 2024) Hero MotoCorp ಅನಾವರಣಗೊಳಿಸಿದ ಮತ್ತೊಂದು ಬೈಕ್ Hero Expulse 210. ಇದು 210cc ಸಿಂಗಲ್ ಸಿಲಿಂಡರ್ ಕೂಲ್ಡ್ ಎಂಜಿನ್‌ನೊಂದಿಗೆ ಬರಲಿದೆ. ಇದು 24.6hp, 20.7Nm ಗರಿಷ್ಠ ಟಾರ್ಕ್ ಉತ್ಪಾದಿಸುತ್ತದೆ. ಆರು ಸ್ಪೀಡ್ ಗೇರ್ ಬಾಕ್ಸ್ ಹೊಂದಿದೆ. ಈ ಬೈಕ್‌ನ ವಿನ್ಯಾಸ ಎಕ್ಸ್‌ಪಲ್ಸ್ 200 ಅನ್ನು ಹೋಲುತ್ತದೆ.

XPulse 210 ನಲ್ಲಿನ ಇತರ ವೈಶಿಷ್ಟ್ಯಗಳು:

• ಸ್ವಿಚ್​ಬುಲ್​ ಎಬಿಎಸ್​
• 4.2 ಇಂಚಿನ ಟಿಎಫ್​ಟಿ ಸ್ಕ್ರೀನ್​
• ಬ್ಲೂಟೂತ್​ ಕನೆಕ್ಟಿವಿಟಿ

Hero Vida Z:ಹೀರೋ ಮೋಟೋಕಾರ್ಪ್​ನಿಂದ ಅನಾವರಣಗೊಂಡ ಪೈಕಿ ಒಂದು ಎಲೆಕ್ಟ್ರಿಕ್ ಸ್ಕೂಟಿಯೂ ಇದೆ. ಇದನ್ನು ಹೀರೋ ವಿಡಾ Z ಎಂದು ಪರಿಚಯಿಸಲಾಗಿದೆ. ಇದರ ಲೇಟೆಸ್ಟ್ ಲುಕ್ ಅನಾವರಣಗೊಂಡಿದೆ. ಈ ಸ್ಕೂಟರ್‌ನ ಬ್ಯಾಟರಿ ಸಾಮರ್ಥ್ಯ 2.2kWh ಮತ್ತು 4.4kWh ನಡುವೆ ಇರಬಹುದೆಂದು ನಿರೀಕ್ಷಿಸಲಾಗಿದೆ. ಕಂಪನಿಯು ಈ ಎಲೆಕ್ಟ್ರಿಕ್ ಸ್ಕೂಟಿಯನ್ನು ವೆಹಿಕಲ್​ ಹೆಲ್ತ್​, ಥೆಫ್ಟ್​ ಕಂಟ್ರೋಲ್​ ಮತ್ತು ಜಿಯೋಫೆನ್ಸಿಂಗ್‌ನಂತಹ ವೈಶಿಷ್ಟ್ಯಗಳೊಂದಿಗೆ ತರಲಿದೆ.

ಇದನ್ನೂ ಓದಿ:ಭಾರತದ ಮಾರುಕಟ್ಟೆಗೆ ಕಾಲಿಟ್ಟ ಹೊಸ ಸ್ಕೋಡಾ ಕೈಲಾಕ್; ಇದರ ಬೆಲೆ, ವೈಶಿಷ್ಟ್ಯ ಹೀಗಿದೆ