ಬೆಂಗಳೂರು:ಕರ್ನಾಟಕದಲ್ಲಿ ಕಳೆದ ಕೆಲವು ದಿನಗಳಿಂದ ತೀವ್ರ ನೀರಿನ ಕೊರತೆ ಉಂಟಾಗಿದೆ. ಅದರಲ್ಲೂ ರಾಜಧಾನಿ ಬೆಂಗಳೂರಿನಲ್ಲಿ ಪರಿಸ್ಥಿತಿ ಗಂಭೀರವಾಗಿದ್ದು, ಜನರ ಸಮಸ್ಯೆ ಅಷ್ಟಿಷ್ಟಲ್ಲ. ಈ ಸಮಸ್ಯೆಯಿಂದ ಮುಕ್ತಿ ಹೊಂದಲು ನಗರದ ವೈದ್ಯೆ ದಿವ್ಯಾ ಶರ್ಮಾ ಎಂಬುವರು ಕೆಲ ಸಲಹೆಗಳನ್ನು ನೀಡಿದ್ದಾರೆ..
ದೈನಂದಿನ ಜೀವನದಲ್ಲಿ ಯಾವುದೇ ರಾಜಿ ಇಲ್ಲದೆ ನೀರಿನ ಬಳಕೆಯಲ್ಲಿ ಸಣ್ಣ ಬದಲಾವಣೆಗಳನ್ನು ಮಾಡಲಾಗಿದೆ. ಅವು ಕಾರ್ಯರೂಪಕ್ಕೆ ಬರುತ್ತಿದ್ದಂತೆ, ದಿನಕ್ಕೆ 600 ಲೀಟರ್ ನೀರನ್ನು ಉಳಿಸಲು ಸಾಧ್ಯವಾಗಿದೆ. ಇದನ್ನು ಅವರು ಸಾಮಾಜಿಕ ಜಾಲತಾಣದಲ್ಲಿ ತಿಳಿಸಿದ್ದಾರೆ. ಮತ್ತು ಆ ಸಲಹೆಗಳು ಏನೆಂದು ಅವರ ಮಾತಿನಲ್ಲೇ ತಿಳಿಯೋಣ ಬನ್ನಿ.
ನಮ್ಮ ಮನೆಯಲ್ಲಿ ನಾಲ್ವರು ಸದಸ್ಯರಿದ್ದು, ಸಣ್ಣ ಬದಲಾವಣೆಗಳೊಂದಿಗೆ ನಾವು ಪ್ರತಿದಿನ ಸ್ವಲ್ಪ ನೀರನ್ನು ಉಳಿಸಲುಪ್ರ ಯತ್ನಿಸದ್ದೇವೆ ಎನ್ನುತ್ತಾರೆ ವೈದ್ಯೆ ದಿವ್ಯಾ ಶರ್ಮಾ.
- ನಾವು ಓವರ್ಹೆಡ್ ಶವರ್ಗಳನ್ನು ತೆಗೆದುಹಾಕಿದ್ದೇವೆ. ಸ್ನಾನಕ್ಕೆ ನಿಮಿಷಕ್ಕೆ 13 ಲೀಟರ್ ನೀರನ್ನು ಬಳಸುತ್ತೇವೆ. ಅಂದರೆ 5 ನಿಮಿಷಗಳ ಸ್ನಾನಕ್ಕೆ 65 ಲೀಟರ್. ಅದೇ ಬಕೆಟ್ ಆಗಿದ್ದರೆ, ನೀವು 20 ಲೀಟರ್ನೊಂದಿಗೆ ಸ್ನಾನವನ್ನು ಮುಗಿಸಬಹುದು. ಈ ಮೂಲಕ ಒಬ್ಬರಿಗೆ 45 ಲೀಟರ್ನಂತೆ 180 ಲೀಟರ್ ಉಳಿಸಿದ್ದೇವೆ ಎನ್ನುತ್ತಾರೆ ಶರ್ಮಾ.
- ನಾವು ಟ್ಯಾಪ್‌ಗಳಿಗೆ ಏರೇಟರ್‌ಗಳನ್ನು ಸ್ಥಾಪಿಸಿದ್ದೇವೆ (ಇದರಿಂದ ನೀರು ಜೋರಾಗಿ ಬೀಳುವ ಬದಲಿಗೆ ಸಣ್ಣದಾಗಿ ಬರುತ್ತವೆ). ಈ ಕಾರಣದಿಂದಾಗಿ, ದಿನಕ್ಕೆ ಭಕ್ಷ್ಯಗಳನ್ನು ಸ್ವಚ್ಛಗೊಳಿಸಲು 90 ಲೀಟರ್ ನೀರು ಸಾಕು. ಇದಕ್ಕೂ ಮೊದಲು 450 ಲೀಟರ್ ಬಳಸುತ್ತಿದ್ದೆವು. ಅಂದರೆ ನಾವು ಸುಮಾರು 360 ಲೀಟರ್ ಉಳಿಸಲು ಸಾಧ್ಯವಾಯಿತು ಎನ್ನುತ್ತಾರೆ ವೈದ್ಯೆ.
- ನಾವು ಪ್ಯೂರಿಫಯರ್ನಿಂದ ಬಂದ ನೀರನ್ನು ಸಂಗ್ರಹಿಸಿ ಮನೆಯನ್ನು ಸ್ವಚ್ಛಗೊಳಿಸಲು ಮತ್ತು ಗಾರ್ಡನ್ಗೆ ಬಳಸುತ್ತೇವೆ. ಇದರಿಂದ 30 ಲೀಟರ್ ಉಳಿತಾಯವಾಗಿದೆ.
- ನಾವು ಕಾರನ್ನು ತೊಳೆಯುವುದನ್ನೇ ನಿಲ್ಲಿಸಿದ್ದೇವೆ. ಧೂಳನ್ನು ಒರೆಸಿದ ನಂತರ.. ಪ್ರತಿದಿನ ಒದ್ದೆ ಬಟ್ಟೆಯಿಂದ ಸ್ವಚ್ಛಗೊಳಿಸುತ್ತಿದ್ದೆವು. ಈ ರೀತಿ ಇನ್ನೂ 30 ಲೀಟರ್ ನೀರು ಉಳಿಸಿದ್ದೇವೆ.