ಹೈದರಾಬಾದ್: ಪಾಕಿಸ್ತಾನ ಮತ್ತು ಇಂಗ್ಲೆಂಡ್ ನಡುವಿನ ಟೆಸ್ಟ್ ಸರಣಿಯ ಮೂರನೇ ಹಾಗೂ ನಿರ್ಣಾಯಕ ಪಂದ್ಯ ರಾವಲ್ಪಿಂಡಿ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆಯುತ್ತಿದೆ. ಈ ಸರಣಿಯಲ್ಲಿ ಪ್ರಸ್ತುತ ಉಭಯ ತಂಡಗಳು 1-1ರಲ್ಲಿ ಸಮಬಲ ಸಾಧಿಸಿವೆ. ಸರಣಿಯ ಕೊನೆಯ ಪಂದ್ಯದಲ್ಲಿ ಟಾಸ್ ಗೆದ್ದ ಇಂಗ್ಲೆಂಡ್ ಮೊದಲು ಬ್ಯಾಟಿಂಗ್ ಮಾಡಲು ನಿರ್ಧರಿಸಿತು. ಸ್ಪಿನ್ನರ್ ಸ್ನೇಹಿ ಪಿಚ್ ಆಗಿರುವ ಕಾರಣ ಎರಡೂ ತಂಡಗಳು ಆಡುವ 11ರಲ್ಲಿ ಸ್ಪಿನ್ನರ್ಗಳಿ ಸ್ಥಾನ ನೀಡಿವೆ. ಮತ್ತೊಂದೆಡೆ ಇದೇ ಪಂದ್ಯದಲ್ಲಿ ಪಾಕಿಸ್ತಾನ ಕ್ರಿಕೆಟ್ ಇತಿಹಾಸದಲ್ಲೇ ಮೊದಲ ಬಾರಿಗೆ ಅಪರೂಪದ ಪ್ರಯೋಗ ಮಾಡಿ ಸಕ್ಸಸ್ ಆಗಿದೆ.
ಪಾಕಿಸ್ತಾನ ಕ್ರಿಕೆಟ್ನಲ್ಲಿ ಇದೇ ಮೊದಲು:ಪಾಕಿಸ್ತಾನ ವೇಗದ ಬೌಲರ್‌ಗಳಿಂದ ಕೂಡಿರುವ ತಂಡ ಎಂದೇ ಕರೆಯಲಾಗುತ್ತದೆ. ಆದರೆ ಇಂಗ್ಲೆಂಡ್ ತಂಡವನ್ನು ಸೋಲಿಸಿ ಸರಣಿ ಗೆಲ್ಲಲು ಯೋಜನೆ ರೂಪಿಸಿರುವ ಪಾಕ್ ಇದೆ ಮೊದಲ ಬಾರಿಗೆ ಟೆಸ್ಟ್ನಲ್ಲಿ ಇಬ್ಬರು ಸ್ಪಿನ್ನರ್ಗಳೊಂದಿಗೆ ಓವರ್ ಆರಂಭಿಸಿತು. ಆಫ್ ಸ್ಪಿನ್ನರ್ ಸಾಜಿದ್ ಖಾನ್ ಮೊದಲ ಓವರ್ ಬೌಲಿಂಗ್ ಮಾಡಿದರೇ, ನಂತರ ನೋಮನ್ ಅಲಿ ಎಸೆದ ಎರಡನೇ ಓವರ್ ಬೌಲ್ ಮಾಡಿದರು.
ಪಾಕಿಸ್ತಾನ ಕ್ರಿಕೆಟ್ ಇತಿಹಾಸದಲ್ಲಿ ಸ್ಪಿನ್ನರ್‌ಗಳಿಂದ ಪಂದ್ಯವನ್ನು ಪ್ರಾರಂಭಿಸಿದ್ದು ಇದೇ ಮೊದಲಬಾರಿ ಆಗಿದೆ. ಟೆಸ್ಟ್ ಪಂದ್ಯದ ಮೊದಲ ಇನ್ನಿಂಗ್ಸ್ನಲ್ಲಿ ಇಬ್ಬರು ಎರಡು ಓವರ್ ಸ್ಪಿನ್ನರ್‌ಗಳು ಬೌಲಿಂಗ್ ಮಾಡಿದ್ದು ಒಟ್ಟಾರೆ ಇದು ನಾಲ್ಕನೇ ಬಾರಿ ಆಗಿದೆ. 2019ರಲ್ಲಿ ಚಿತ್ತಗಾಂಗ್‌ನಲ್ಲಿ ಅಫ್ಘಾನಿಸ್ತಾನದ ವಿರುದ್ಧ ಬಾಂಗ್ಲಾದೇಶ ಕೊನೆಯ ಬಾರಿಗೆ ತೈಜುಲ್ ಇಸ್ಲಾಂ ಮತ್ತು ಶಕೀಬ್ ಅಲ್ ಹಸನ್ ಇಬ್ಬರು ಸ್ಪಿನ್ನರ್ನೊಂದಿಗೆ ಆರಂಭಿಕ 2 ಓವರ್ ಬೌಲಿಂಗ್ ಮಾಡಿತ್ತು. ಈ ಪ್ರಯೋಗವನ್ನು ಮೊದಲು ಮಾಡಿದ್ದು ಭಾರತ. 1964ರಲ್ಲಿ ಟೆಸ್ಟ್ ಇಂಗ್ಲೆಂಡ್ ವಿರುದ್ಧ ಟೆಸ್ಟ್ನಲ್ಲಿ ಭಾರತ ಸ್ಪಿನ್ನರ್ಗಳಾದ ಮೋಟಗನಹಳ್ಳಿ ಜಯಸಿಂಹ ಮತ್ತು ಸಲೀಂ ಅಜೀಜ್ ದುರಾನಿ ಮೂಲಕ ಮೊದಲ ಎರಡು ಓವರ್‌ಗಳನ್ನು ಸ್ಪಿನ್ ಬೌಲಿಂಗ್ ಮಾಡಿ ಪಂದ್ಯವನ್ನು ಆರಂಭಿಸಿತ್ತು.
ಭಾರತದ 60 ವರ್ಷಗಳ ಈ ಹಳೆಯ ಈ ಪ್ಲಾನ್ ಅನ್ನು ಇದೀಗ ಇಂಗ್ಲೆಂಡ್ ವಿರುದ್ಧದ ಮೂರನೇ ಟೆಸ್ಟ್ನಲ್ಲಿ ಅನುಸರಿಸಿದ ಪಾಕ್ ಯಶಸ್ವಿಯಾಗಿದೆ. ಸ್ಪಿನ್ನರ್ ದಾಳಿಗೆ ಸಿಲುಕಿದ ಇಂಗ್ಲೆಂಡ್ 110 ರನ್ ಗಳಿಗೆ 5 ವಿಕೆಟ್ ಕಳೆದುಕೊಂಡಿತು. ಮೊದಲ ಇನ್ನಿಂಗ್ಸ್ನಲ್ಲಿ 267 ರನ್ಗಳಿಗೆ ಆಲೌಟ್ ಆಗಿದೆ.
ಇದನ್ನೂ ಓದಿ:w,w,w,w,w,w,w ; ವಾರೆವ್ಹಾ! 7 ವಿಕೆಟ್ ಪಡೆದ ವಾಷಿಂಗ್ಟನ್ ಸುಂದರ್: 259ಕ್ಕೆ ಕಿವೀಸ್ ಆಲೌಟ್!!
