ಐಆರ್​ಸಿಟಿಸಿಯಿಂದ ಸೂಪರ್ ಟೂರ್: ಕಣ್ತುಂಬಿಕೊಳ್ಳಿ ಖಜುರಾಹೊದ ಪುರಾತನ ಸೌಂದರ್ಯ & ಗ್ವಾಲಿಯರ್‌ನ ಭವ್ಯತೆ

IRCTC Magnificent Madhya Pradesh Tour: ಮಧ್ಯಪ್ರದೇಶದ ವಿವಿಧ ಸುಂದರ ಪ್ರವಾಸಿ ತಾಣಗಳನ್ನು ಕಣ್ತುಂಬಿಕೊಳ್ಳಲು ನಿಮಗಾಗಿ IRCTC ಆರು ದಿನಗಳ ಸೂಪರ್ ಟೂರ್​ ಪ್ಯಾಕೇಜ್​ನ್ನು ಘೋಷಣೆ ಮಾಡಿದೆ.

IRCTC Magnificent Madhya Pradesh Tour: ದೇಶದ ಅತ್ಯುತ್ತಮ ಹಲವು ಐತಿಹಾಸಿಕ ಪ್ರವಾಸಿ ಸ್ಥಳಗಳು ಮಧ್ಯಪ್ರದೇಶದಲ್ಲಿವೆ. ಆಧ್ಯಾತ್ಮಿಕ, ಪುರಾತನ, ವಿಶ್ವ ಪರಂಪರೆಯ, ಆಧ್ಯಾತ್ಮಿಕ, ನೈಸರ್ಗಿಕ ಮತ್ತು ವನ್ಯಜೀವಿ ಅಭಯಾರಣ್ಯಗಳು ಈ ರಾಜ್ಯದಲ್ಲಿವೆ. ಈ ಎಲ್ಲಾ ತಾಣಗಳನ್ನು ಒಂದೇ ಪ್ರವಾಸದಲ್ಲಿ ವೀಕ್ಷಿಸುವುದು ತುಂಬಾ ಕಷ್ಟ. ಇಂಡಿಯನ್ ರೈಲ್ವೆ ಕೇಟರಿಂಗ್ ಮತ್ತು ಟೂರಿಸಂ ಕಾರ್ಪೊರೇಷನ್, ನಿಮಗಾಗಿ ಮೂರು ಪ್ರಮುಖ ನಗರಗಳಿಗೆ ಭೇಟಿ ನೀಡುವುದಕ್ಕಾಗಿ ಸೂಪರ್ ಟೂರ್​ ಪ್ಯಾಕೇಜ್ ತಂದಿದೆ.

IRCTC 'ಮ್ಯಾಗ್ನಿಫಿಸೆಂಟ್ ಮಧ್ಯಪ್ರದೇಶ' (Magnificent Madhya Pradesh) ಎಂಬ ಹೆಸರಿನಲ್ಲಿ ಪ್ರವಾಸದ ಪ್ಯಾಕೇಜ್​ನ್ನು ಘೋಷಿಸಿದೆ. ಪ್ರವಾಸದಲ್ಲಿ 5 ರಾತ್ರಿಗಳು ಮತ್ತು 6 ಹಗಲು ಒಳಗೊಂಡಿರುತ್ತದೆ. ನೀವು ಈ ಒಂದೇ ಪ್ರವಾಸದಲ್ಲಿ ಗ್ವಾಲಿಯರ್, ಖಜುರಾಹೊ ಮತ್ತು ಓರ್ಚಾದಲ್ಲಿರುವ ದೇವಾಲಯಗಳು ಹಾಗೂ ಪ್ರವಾಸಿ ಸ್ಥಳಗಳನ್ನು ವೀಕ್ಷಿಸಬಹುದು.

ಗ್ವಾಲಿಯರ್ ಕೋಟೆ (IRCTC)

ಪ್ರವಾಸದ ವಿವರಗಳು ಇಲ್ಲಿವೆ ನೋಡಿ:

1ನೇ ದಿನ:ಮೊದಲ ದಿನದ ಬೆಳಿಗ್ಗೆ ಹೈದರಾಬಾದ್‌ನಿಂದ ವಿಮಾನ ಪ್ರಯಾಣ ಆರಂಭವಾಗುತ್ತದೆ. ಮಧ್ಯಾಹ್ನದ ವೇಳೆಗೆ ಖಜುರಾಹೊ ತಲುಪಿ ಹೋಟೆಲ್‌ಗೆ ಚೆಕ್ ಇನ್ ಮಾಡಬೇಕಾಗುತ್ತದೆ. ಬಳಿಕ ಖಜುರಾಹೊದಲ್ಲಿರುವ ಹಲವಾರು ದೇವಾಲಯಗಳನ್ನು ವೀಕ್ಷಿಸಲಾಗುವುದು. ಮತ್ತೆ ಹೋಟೆಲ್‌ಗೆ ಹಿಂತಿರುಗಲಾಗುವುದು. ಅಲ್ಲಿ ಊಟ ಮಾಡಿ, ರಾತ್ರಿ ಉಳಿದುಕೊಳ್ಳಲಾಗುವುದು.

2ನೇ ದಿನ:ಎರಡನೇ ದಿನ ಬೆಳಿಗ್ಗೆ ಉಪಹಾರದ ಸೇವಿಸಿದ ನೀವು ಖಜುರಾಹೊದ ವಿವಿಧ ದೇವಾಲಯಗಳಿಗೆ ಭೇಟಿ ಕೊಡಬೇಕಾಗುತ್ತದೆ. ಸಂಜೆ ಸಮಯದಲ್ಲಿ ಖಜುರಾಹೊ ನೃತ್ಯ ಉತ್ಸವಕ್ಕೆ ಭೇಟಿ ನೀಡಲಾಗುವುದು. ಊಟ ಮಾಡಿದ ಬಳಿಕ ಇಲ್ಲಿರುವ ಹೋಟೆಲ್​ನಲ್ಲಿಯೇ ತಂಗಲಾಗುವುದು.

ಖಜುರಾಹೊ ನೃತ್ಯ ಉತ್ಸವ (IRCTC)

3ನೇ ದಿನ:ಮೂರನೇ ದಿನ ಬೆಳಿಗ್ಗೆ ಉಪಹಾರದ ಸೇವಿಸಿದ ನಂತರ ನೀವು ಹೋಟೆಲ್​ನಿಂದ ಚೆಕ್ ಔಟ್ ಮಾಡಿ ಓರ್ಚಾಗೆ ಹೊರಡಲಾಗುವುದು. ಅಲ್ಲಿನ ಹೋಟೆಲ್‌ಗೆ ಭೇಟಿ ನೀಡಿದ ಬಳಿಕ, ಓರ್ಚಾ ಕೋಟೆ ಸಂಕೀರ್ಣ ಹಾಗೂ ಅದರ ಸುತ್ತಮುತ್ತಲಿನ ಪ್ರದೇಶಗಳಿಗೆ ಭೇಟಿ ಕೊಡಲಾಗುವುದು. ಹೋಟೆಲ್‌ಗೆ ಹಿಂತಿರುಗಿ ರಾತ್ರಿ ಅಲ್ಲಿಯೇ ತಂಗಲಾಗುವುದು.

4ನೇ ದಿನ:ನಾಲ್ಕನೇ ದಿನ ಉಪಾಹಾರ ಸೇವಿಸಿದ ನಂತರ, ನೀವು ಓರ್ಚಾದಿಂದ ಗ್ವಾಲಿಯರ್‌ಗೆ ಪ್ರಯಾಣ ಮಾಡಲಿದ್ದೀರಿ. ಹೋಟೆಲ್‌ನಲ್ಲಿ ಚೆಕ್ ಇನ್ ಮಾಡಿದ ಬಳಿಕ ನೀವು ಗ್ವಾಲಿಯರ್ ಕೋಟೆ ಹಾಗೂ ಸೂರ್ಯ ದೇವಾಲಯ ವೀಕ್ಷಣೆ ಮಾಡುತ್ತೀರಿ. ನೀವು ಆ ರಾತ್ರಿ ಅಲ್ಲಿಯೇ ಉಳಿಯಬೇಕಾಗುತ್ತದೆ.

ಚೌಸತ್ ಯೋಗಿನಿ ದೇವಸ್ಥಾನ (IRCTC)

5ನೇ ದಿನ:ಐದನೇ ದಿನ ಉಪಹಾರದ ನಂತರ, ಚೌಸತ್ ಯೋಗಿನಿ ದೇವಸ್ಥಾನಕ್ಕೆ ಭೇಟಿ ನೀಡಲಾಗುವುದು. ಮಧ್ಯಾಹ್ನ ಊಟ ಮಾಡಿದ ನಂತರ, ಜೈ ವಿಲಾಸ ಅರಮನೆ ವೀಕ್ಷಿಸಲಾಗುವುದು. ಆ ರಾತ್ರಿ ಇಲ್ಲಿಯೇ ಉಳಿಯಲಾಗುವುದು.

6ನೇ ದಿನ:ಆರನೇ ದಿನ ಬೆಳಿಗ್ಗೆ ಉಪಹಾರ ಸೇವಿಸಿ ವಿಶ್ರಾಂತಿ ಪಡೆದುಕೊಳ್ಳಿ. ಮಧ್ಯಾಹ್ನದ ನಂತರ, ಗ್ವಾಲಿಯರ್ ವಿಮಾನ ನಿಲ್ದಾಣಕ್ಕೆ ಹೋಗಲಾಗುವುದು, ಅಲ್ಲಿಂದ ಹೈದರಾಬಾದ್‌ಗೆ ಮರಳಲಾಗುವುದು. ಮತ್ತೆ ಹೈದರಾಬಾದ್‌ ತಲುಪಿದ ನಂತರ ಪ್ರವಾಸ ಪೂರ್ಣವಾಗಲಿದೆ.

ಟೂರ್​ ಪ್ಯಾಕೇಜ್​ ಶುಲ್ಕದ ವಿವರ:

• ಕಂಫರ್ಟ್‌ನಲ್ಲಿ ಸಿಂಗಲ್​ ಸೀಟ್ ಹಂಚಿಕೆ (ವ್ಯಕ್ತಿಯೊಬ್ಬರಿಗೆ)​- ₹41,800
• ಡಬಲ್ ಸಿಂಗಲ್​ ಸೀಟ್ ಹಂಚಿಕೆ (ವ್ಯಕ್ತಿಯೊಬ್ಬರಿಗೆ)​- ₹34,600
• ಟ್ರಿಪಲ್ ಸೀಟ್​ ಹಂಚಿಕೆ- ₹33,000
• 5 ರಿಂದ 11 ವರ್ಷ ವಯಸ್ಸಿನ ಮಕ್ಕಳಿಗೆ ಹಾಸಿಗೆ ಸಹಿತ ₹29,850 ಹಾಗೂ ಹಾಸಿಗೆ ರಹಿತ ₹26,800
• 2 ರಿಂದ 4 ವರ್ಷ ವಯಸ್ಸಿನ ಮಕ್ಕಳಿಗೆ ಹಾಸಿಗೆ ಸಹಿತ, ಕೊಠಡಿ ಇಲ್ಲದಿದ್ದರೆ ₹21,700 ಶುಲ್ಕ ವಿಧಿಸಲಾಗುತ್ತದೆ.

ಪ್ಯಾಕೇಜ್​ನಲ್ಲಿ ಏನಿದೆ?

• ವಿಮಾನ ಟಿಕೆಟ್‌ಗಳು
• ಹೋಟೆಲ್ ವಸತಿ
• 5 ಉಪಾಹಾರ, 5 ರಾತ್ರಿ ಊಟ, 1 ಮಧ್ಯಾಹ್ನ ಊಟ
• ಪ್ರಯಾಣ ವಿಮೆ
• ಸ್ಥಳೀಯ ಸಾರಿಗೆಗಾಗಿ ಪ್ಯಾಕೇಜ್ ಅವಲಂಬಿಸಿರುವ ವಾಹನ
• ಈ ಟೂರ್​ ಪ್ಯಾಕೇಜ್ ಪ್ರಸ್ತುತ ಫೆಬ್ರವರಿ 19 ರಂದು ಲಭ್ಯವಿದೆ.​
• ಈ ಪ್ರವಾಸದ ಪ್ಯಾಕೇಜ್ ಬಗ್ಗೆ ಸಂಪೂರ್ಣ ವಿವರಗಳನ್ನು ತಿಳಿಯಲು ಹಾಗೂ ಬುಕ್​ ಮಾಡಲು ಲಿಂಕ್ ಕ್ಲಿಕ್ ಮಾಡಿ.

ಇದನ್ನೂ ಓದಿ:ಮಹಾ ಕುಂಭಮೇಳ, ವಾರಣಾಸಿ & ಅಯೋಧ್ಯೆಕ್ಕೆ ಕಡಿಮೆ ದರದಲ್ಲಿ IRCTC ಸೂಪರ್ ಟೂರ್​ ಪ್ಯಾಕೇಜ್