ಹೈದರಾಬಾದ್: ಕೇವಲ ಕೈಗಾರಿಕೋದ್ಯಮಿಯಾಗಿರದೇ ಸಹೃದಯಿ ವ್ಯಕ್ತಿಯಾಗಿ ಎಲ್ಲರ ಮನಸ್ಸು ಗೆದ್ದಿದ್ದ ರತನ್ ಟಾಟಾ ಇನ್ನೂ ನೆನಪು ಮಾತ್ರ. ಅವರ ಅಗಲಿಕೆ ದೇಶ ಕಂಬನಿ ಮಿಡಿಯುತ್ತಿದೆ. ಸಿನಿ ಉದ್ಯಮದ ಜನರು ಅವರಿಗೆ ಗೌರವಪೂರ್ವಕ ನಮನ ಸಲ್ಲಿಸಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಅವರ ಸಾವಿಗೆ ಸಂತಾಪ ಸೂಚಿಸಿ ಕಂಬನಿ ಮಿಡಿದ ಅನೇಕ ಮಂದಿ ನಿಜವಾದ ನಾಯಕತ್ವ, ಮೌಲ್ಯಕ್ಕೆ ನೀವು ಆದರ್ಶ ಎಂದಿದ್ದು, ದೇಶಕ್ಕೆ ನೀಡಿದ ನಿಮ್ಮ ಕೊಡುಗೆ ಚಿರಸ್ಮರಣಿಯ ಎಂದಿದ್ದಾರೆ.
ಸಮಗ್ರತೆ ಮತ್ತು ಘನತೆ ಎತ್ತಿ ಹಿಡಿದ ಧೀಮಂತ:ಬಾಲಿವುಡ್ ನಟಿ ಅನುಷ್ಕಾ ಶರ್ಮ ಇನ್ಸ್ಟಾಗ್ರಾಂನಲ್ಲಿ ಕಂಬನಿ ಮಿಡಿದಿದ್ದು, ರತನ್ ಟಾಟಾ ಅವರ ಸುದ್ದಿ ಆಳವಾದ ನೋವು ಉಂಟು ಮಾಡಿದೆ. ಸಮಗ್ರತೆ ಮತ್ತು ಘನತೆಯ ಮೌಲ್ಯಗಳನ್ನು ಎತ್ತಿಹಿಡಿದ ನೀವು ನಿಜವಾಗಿಯೂ ಭಾರತದ ಐಕಾನ್ ಮತ್ತು ತಾಜ್ ಆಗಿದ್ದೀರಾ. ನಿಮ್ಮ ಆತ್ಮಕ್ಕೆ ಶಾಂತಿ ಸಿಗಲಿ ಎಂದಿದ್ದಾರೆ.
ನಟಿ ಪ್ರಿಯಾಂಕ ಚೋಪ್ರಾ ಎಕ್ಸ್ ತಾಣದಲ್ಲಿ ಸಾವಿಗೆ ಸಂತಾಪ ಸೂಚಿಸಿದ್ದು, ನಿಮ್ಮ ಸಹೃದಯದಿಂದ ಅನೇಕ ಲಕ್ಷಾಂತರ ಜನರನ್ನು ಸ್ಪರ್ಶಿಸಿದ್ದೀರಿ. ನಿಮ್ಮ ನಾಯಕತ್ವ ಮತ್ತು ಉದಾರತೆಯ ಪರಂಪರೆಯು ಪೀಳಿಗೆಗಳಿಗೆ ಸ್ಪೂರ್ತಿಯಾಗಿ ಮುಂದುವರೆಯಲಿದೆ.
ನಟ ಸಲ್ಮಾನ್ ಖಾನ್: ರತನ್ ಟಾಟಾ ಅವರ ಸಾವಿನ ಸುದ್ದಿ ಆಳವಾದ ನೋವು ಉಂಟು ಮಾಡಿದೆ.
ಎಸ್ಎಸ್ ರಾಜಮೌಳಿ: ಲೆಜೆಂಡ್ಗಳು ಹುಟ್ಟಿ, ಶಾಶ್ವತವಾಗಿ ಬದುಕುತ್ತಾರೆ. ಟಾಟಾ ಉತ್ಪನ್ನ ಬಳಕೆ ಮಾಡದ ದಿನವನ್ನೂ ಊಹಿಸಲು ಅಸಾಧ್ಯ. ರತನ್ ಟಾಟಾ ಪರಂಪರೆ ನಿತ್ಯದ ಜೀವನದೊಂದಿಗೆ ಬೆಸೆದಿದೆ. ಪಂಚಭೂತಗಳ ಜೊತೆಯಲ್ಲಿ ಯಾರಾದರೂ ಕಾಲದ ಪರೀಕ್ಷೆ ನಿಂತರೆ ಅದು ಅವರೇ. ಭಾರತಕ್ಕಾಗಿ ನೀವು ಮಾಡಿದ ಎಲ್ಲಾ ಕಾರ್ಯಕ್ಕೆ ಮತ್ತು ಅಸಂಖ್ಯಾತ ಜನರ ಜೀವನ ಮೇಲೆ ಪ್ರಭಾವ ಬೀರಿದ್ದಕ್ಕೆ ಧನ್ಯವಾದಗಳು. ತಲೆಮಾರುಗಳವರೆಗೆ ನಿಮ್ಮ ಹೆಗ್ಗೆರುತು ಇರಲಿದೆ. ನಿಮಗೆ ನಮನ, ಸದಾ ನಿಮ್ಮ ಅಭಿಮಾನಿ ಜೈ ಹಿಂದ್.