ಶ್ರದ್ಧಾ ಕಪೂರ್, ಬಾಲಿವುಡ್ನ ಬಹುಬೇಡಿಕೆ ನಟಿಯಲ್ಲೊಬ್ಬರು. 'ಸ್ತ್ರೀ 2' ನಟಿಯ ಮುಂದಿನ ಬಹುನಿರೀಕ್ಷಿತ ಚಿತ್ರ. ಹಾರರ್ - ಕಾಮಿಡಿ ಸಿನಿಮಾದ ಟ್ರೇಲರ್ ಕಳೆದ ದಿನ, ಗುರುವಾರದಂದು ಅದ್ಧೂರಿಯಾಗಿ ನಡೆದಿದೆ. ಮುಂಬೈನಲ್ಲಿ ನಡೆದ ಅದ್ಧೂರಿ ಈವೆಂಟ್ನಲ್ಲಿ ಬಾಲಿವುಡ್ ಬೆಡಗಿ ಶ್ರದ್ಧಾ ಕಪೂರ್ ಮಿಂಚು ಹರಿಸಿದ್ದಾರೆ. ಕೆಂಪು ಸೀರೆಯುಟ್ಟು ಬಂದ ಬೆಡಗಿ ಬೆರಗುಗೊಳಿಸುವ ನೋಟ ಬೀರಿ ಪ್ರೇಕ್ಷಕರನ್ನು ಮಂತ್ರಮುಗ್ಧಗೊಳಿಸಿದ್ದು ಮಾತ್ರವಲ್ಲದೇ ತಮ್ಮ ವೈಯಕ್ತಿಕ ಜೀವನದ ಸುತ್ತಲಿರುವ ಊಹಾಪೋಹಗಳಿಗೂ ಪ್ರತಿಕ್ರಿಯಿಸಿದ್ದಾರೆ. ಮದುವೆ ಬಗ್ಗೆ ಮಾತನಾಡಿ ನೆಟ್ಟಿಗರ ಗಮನ ಸೆಳೆದಿದ್ದಾರೆ.
ಸ್ಕ್ರಿಪ್ಟ್ರೈಟರ್ ರಾಹುಲ್ ಮೋದಿ ಜೊತೆ ನಟಿ ಶ್ರದ್ಧಾ ಕಪೂರ್ ರಿಲೇಶನ್ಶಿಪ್ನಲ್ಲಿದ್ದಾರೆ ಎಂಬ ವದಂತಿಗಳಿವೆ. ಹಲವು ಈವೆಂಟ್ಗಳಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದಾಗ್ಯೂ, ಈವರೆಗೆ ವದಂತಿಗಳಿಗೆ ಪ್ರತಿಕ್ರಿಯಿಸಿಲ್ಲ. ಈ ಈವೆಂಟ್ನಲ್ಲಿ ರಾಹುಲ್ ಮೋದಿ ಅವರೊಂದಿಗಿನ ಸಂಬಂಧದ ಬಗ್ಗೆ ಪರೋಕ್ಷವಾಗಿ ಪ್ರಶ್ನಿಸಲಾಯಿತು. ಸಖತ್ ಸ್ಮಾರ್ಟ್ ಆಗಿ ಉತ್ತರಿಸಿದ ಶ್ರದ್ಧಾ, "ವೋ ಸ್ತ್ರೀ ಹೈ, ಉಸ್ಸೆ ಜಬ್ ದುಲ್ಹನ್ ಬನ್ನಾ ಹೈ ವೋ ಬನೇಗಿ" (ಅವಳು ಸ್ತ್ರೀ. ಅವಳಿಗೆ ಯಾವಾಗ ಮದುಮಗಳಾಗಬೇಕು ಎನಿಸುತ್ತದೋ ಆಗ ಆಗುತ್ತಾಳೆ) ಎಂದು ತಿಳಿಸಿದರು. ಶ್ರದ್ಧಾ ಅವರ ಈ ಕಾನ್ಫಿಡೆಂಟ್ ಸ್ಟೇಟ್ಮೆಂಟ್ ಪ್ರೇಕ್ಷಕರ ಚಪ್ಪಾಳೆಗೆ ಪಾತ್ರವಾಯಿತು.
ಜೂನ್‌ನಲ್ಲಿ ಶ್ರದ್ಧಾ, ರಾಹುಲ್ ಮೋದಿ ಅವರೊಂದಿಗಿನ ಫೋಟೋವನ್ನು ಹಂಚಿಕೊಳ್ಳುವ ಮೂಲಕ ತಮ್ಮ ಸಂಬಂಧವನ್ನು ಬಹುತೇಕ ದೃಢಪಡಿಸಿದರು. ಅದಾಗ್ಯೂ, ಸ್ಪಷ್ಟ - ಅಧಿಕೃತ ಹೇಳಿಕೆಗಳಿಗೆ ಕಾಯಲಾಗುತ್ತಿದೆ. ಫೋಟೋದಲ್ಲಿ ಈ ಜೋಡಿ ಮ್ಯಾಚಿಂಗ್ ವೈಟ್ ಡ್ರೆಸ್ನಲ್ಲಿ ಕಂಗೊಳಿಸಿದ್ದಾರೆ. ಫೋಟೋ ಶೇರ್ ಮಾಡಿದ ಚೆಲುವೆ, "ದಿಲ್ ರಖ್ ಲೇ, ನೀಂದ್ ತೋ ವಾಪಸ್ ದೆ ದೆ ಯಾರ್ " (ನನ್ನ ದಿಲ್ ಇಟ್ಟುಕೊಳ್ಳಿ, ಆದ್ರೆ ನನ್ನ ನಿದ್ರೆಯನ್ನು ಮರಳಿಸಿ) ಎಂದು ಸ್ಮೈಲಿ, ರೆಡ್ ಹಾರ್ಟ್ ಎಮೋಜಿಗಳೊಂದಿಗೆ ಬರೆದುಕೊಂಡಿದ್ದರು. ಜೊತೆಗೆ ರಾಹುಲ್ ಮೋದಿ ಇನ್ಸ್ಟಾ ಐಡಿಗೆ ಟ್ಯಾಗ್ ಮಾಡಿದ್ದರು. ಪೋಸ್ಟ್ ಇಷ್ಕ್ ಚಿತ್ರದ "ನೀಂದ್ ಚುರಾಯೀ ಮೇರಿ" ಹಾಡನ್ನು ಸಹ ಒಳಗೊಂಡಿತ್ತು. ರೊಮ್ಯಾಂಟಿಕ್ ಪೋಸ್ಟ್ ಸಾಕಷ್ಟು ಮೆಚ್ಚುಗೆಗಳನ್ನು ಪಡೆದುಕೊಂಡಿತ್ತು.