ಹೈದರಾಬಾದ್: ಗ್ಲೋಬಲ್ ಐಕಾನ್ ಪ್ರಿಯಾಂಕಾ ಚೋಪ್ರಾ ತಮ್ಮ ಜೀವನದ ಅತ್ಯುತ್ತಮ ಕ್ಷಣಗಳನ್ನು ಕಳೆಯುತ್ತಿದ್ದಾರೆ. ಕುಟುಂಬದೊಂದಿಗೆ ತಮ್ಮ ಅಮೂಲ್ಯ ಸಮಯವನ್ನು ಕಳೆಯುತ್ತಿರುವ ನಟಿ ಆಗ್ಗಿಂದಾಗೆ ಈ ಕುರಿತು ಇನ್ಸ್ಟಾಗ್ರಾಂನಲ್ಲಿ ಫೋಟೋಗಳನ್ನು ಹಂಚಿಕೊಳ್ಳುತ್ತಾರೆ. ಅದರಲ್ಲೂ ಮುದ್ದು ಮಗಳ ಕುರಿತು ಆಗ್ಗಿಂದಾಗೆ ಅಪ್ಡೇಟ್ ಅನ್ನು ನೀಡುವ ಮೂಲಕ ಅಭಿಮಾನಿಗಳಿಗೆ ಸಂತಸ ಮೂಡಿಸುತ್ತಾರೆ. ಇದೀಗ ಮತ್ತೊಮ್ಮೆ ಕುಟುಂಬ, ಮಗಳು, ಗಂಡನ ಫೋಟೋವನ್ನು ಹಂಚಿಕೊಂಡು ಸುದ್ದಿಯಾಗಿದ್ದಾರೆ.
ಪ್ರಿಯಾಂಕಾ ಚೋಪ್ರಾ ಹಂಚಿಕೊಂಡ ಫೋಟೋ ಸದ್ಯ ತಮ್ಮ ಎಲ್ಎ ನಿವಾಸದಿಂದ ಹೊರಬಿದ್ದಿರುವ ನಟಿ ಆ ವಿಚಾರವನ್ನು ಪಕ್ಕಕ್ಕೆ ತಳ್ಳಿ ಹೊಸ ಮನೆ ಸೇರಿದಂತೆ ಮತ್ತಷ್ಟು ಹೊಸ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಮಗಳು ಮಾಲ್ತಿ ಬಾಲ್ ಪೂಲ್ ಮತ್ತು ಆಕ್ಟಿವಿಟಿ ಸೆಂಟ್ರಲ್ನಲ್ಲಿನ ಆಟದ ಚಿತ್ರವನ್ನು ಹಂಚಿಕೊಂಡಿದ್ದಾರೆ. ಅಷ್ಟೇ ಅಲ್ಲದೆ ಅಮೆರಿಕನ್ ಸಿಂಗರ್ ನಿಕ್ ಜೋನಸ್ ಮ್ಯೂಸಿಕ್ ಶೋ ಜೊತೆಗೆ ತಮ್ಮ ಸಾಹಸ ಪ್ರವಾಸದ ಚಿತ್ರವನ್ನು ಪೋಸ್ಟ್ ಮಾಡಿದ್ದಾರೆ.
ಮುಂಬೈನಲ್ಲಿ ಸಂಗೀತ ಕಾರ್ಯಕ್ರಮಕ್ಕೆ ಆಗಮಿಸಿದ್ದ ನಿಕ್ ಫೋಟೋವನ್ನು ಹಂಚಿಕೊಂಡಿರುವ ನಟಿ, ಇದೇ ವೇಳೆ ತಾಯಿ ಮಗಳು ಹೇಗೆ ತಮ್ಮ ಸಮಯವನ್ನು ಕಳೆಯುತ್ತಿದ್ದೇವೆ ಎಂಬ ಚಿತ್ರವನ್ನೂ ಅಭಿಮಾನಿಗಳಿಗಾಗಿ ಪೋಸ್ಟ್ ಮಾಡಿದ್ದಾರೆ.
ಇದೇ ವೇಳೆ, ಅವರು ತಾವು ಸದ್ಯ ವಾಸಿಸುತ್ತಿರುವ ಮನೆಯ ಝಲಕ್ ಅನ್ನು ತೋರಿಸಲು ಮರೆತಿಲ್ಲ. ಮಳೆಗಾಲದ ಮಳೆಯನ್ನು ತಮ್ಮ ಕೋಣೆಯ ಕಿಟಕಿಯಿಂದಲೇ ಆಶ್ವಾದಿಸುತ್ತಿರುವ ಬಗ್ಗೆ ನಟಿ ಸ್ಟೋರಿಯಲ್ಲಿ ಫೋಟೋ ಹಂಚಿಕೊಂಡಿದ್ದಾರೆ. ತಮ್ಮ ಲಾಸ್ ಏಂಜಲೀಸ್ನ ಐಷಾರಾಮಿ ನಿವಾಸದಲ್ಲಿ ಅನೇಕ ಸಮಸ್ಯೆಗಳ ಕಾರಣದಿಂದ ಅದನ್ನು ತೊರೆದಿದ್ದಾರೆ. 2019ರಲ್ಲಿ 20 ಮಿಲಿಯನ್ ಡಾಲರ್ ತೆತ್ತು ಖರೀದಿಸಿದ ಈ ನಿವಾಸದಲ್ಲಿ ಏಳು ಬೆಡ್ ರೂಂ, 9 ಬಾತ್ರೂಂ ಮತ್ತು ಚೆಫ್ ಕಿಚನ್, ತಾಪಮಾನ ನಿಯಂತ್ರಣ ವೈನ್ ರೂಂ, ಒಳಾಂಗಣ ಬ್ಯಾಸ್ಕೆಟ್ ಬಾಲ್ ಕೋರ್ಟ್, ಒಳಗಾಂಣ ಬೌಲಿಂಗ್ ಕೊಠಡಿ, ಹೋಂ ಥಿಯೇಟರ್, ಎಂಟರ್ಟೈನಮೆಂಟ್ ಲೌಂಜ್ ಮತ್ತು ಬೆಚ್ಚಗಿನ ಶವರ್ ಹೊಂದಿದ ಸ್ಪಾ ಸೇರಿದಂತೆ ಹಲವು ಸೌಕರ್ಯಗಳು ಈ ಮನೆಯಲ್ಲಿದ್ದವು.
ಇನ್ನು ಕೆಲಸದ ವಿಷಯಕ್ಕೆ ಬಂದರೆ ನಟಿ ಪ್ರಿಯಾಂಕ ಇತ್ತೀಚೆಗೆ 'ಲವ್ ಎಗೈನ್' ಮತ್ತು ಆನ್ಲೈನ್ ಸಿರೀಸ್ 'ಸಿಟಾಡೆಲ್'ನಲ್ಲಿ ಕಾಣಿಸಿಕೊಂಡಿದ್ದರು. ಫಾರ್ಹಾನ್ ಖಾನ್ ಅವರ 'ಜೀ ಲೇ ಜಾರಾ' ಚಿತ್ರದಲ್ಲಿ ಅವರು ನಟಿಸಲಿದ್ದಾರೆ. ಈ ಚಿತ್ರದಲ್ಲಿ ಆಲಿಯಾ ಭಟ್ ಮತ್ತು ಕತ್ರಿನಾ ಕೈಫ್ ಕೂಡ ಬಣ್ಣ ಹಚ್ಚಿದ್ದಾರೆ. ಈ ಚಿತ್ರದ ಶೆಡ್ಯೂಲ್ ಸಮಸ್ಯೆಯಿಂದ ಚಿತ್ರ ಸೆಟ್ಟೇರುವುದು ತಡವಾಗಿದೆ ಎಂದು ಚಿತ್ರ ನಿರ್ದೇಶಕರು ಇತ್ತೀಚಿಗೆ ಸಂದರ್ಶನವೊಂದರಲ್ಲಿ ತಿಳಿಸಿದ್ದರು.
ಇದನ್ನೂ ಓದಿ:'ಲೆಜೆಂಡ್ಸ್': '12th ಫೇಲ್' ಸಿನಿಮಾ ಬಗ್ಗೆ ಕರೀನಾ ಗುಣಗಾನ
