ಶಾಕಿಂಗ್​..! ನಟಿ ನೂರ್​ ಮಾಲಾಬಿಕಾ ಶವವಾಗಿ ಪತ್ತೆ; ಸಾವಿನ ಸುತ್ತ ಅನುಮಾನದ ಹುತ್ತ - ACTRESS NOOR MALABIKA FOUND DEAD

ಚಿತ್ರರಂಗಕ್ಕೆ ಸಂಬಂಧಿಸಿದಂತೆ ಆಘಾತಕಾರಿ ಸುದ್ದಿಯೊಂದು ಹೊರಬಿದ್ದಿದೆ. ಖ್ಯಾತ ವೆಬ್​ ಸಿರೀಸ್​ ನಟಿ ನೂರ್​ ಮಾಲಾಬಿಕಾ ದಾಸ್​ ಅವರು ಶವವಾಗಿ ಪತ್ತೆಯಾಗಿದ್ದು, ಸಾವಿನ ಬಗ್ಗೆ ಹಲವು ಅನುಮಾನಗಳು ವ್ಯಕ್ತವಾಗಿವೆ.

ಮುಂಬೈ (ಮಹಾರಾಷ್ಟ್ರ):ಬಾಲಿವುಡ್​ ನಟಿ ಕಾಜೋಲ್​ ಅಭಿನಯದ ವೆಬ್​ ಸಿರೀಸ್​ 'The Trial' ನಲ್ಲಿ ಸಹ ನಟಿಯಾಗಿ ಪಾತ್ರ ನಿರ್ವಹಿಸಿದ್ದ, ಮಾಜಿ ಗಗನಸಖಿ ನೂರ್​ ಮಾಲಾಬಿಕಾ ದಾಸ್​ ಅವರು ಶವವಾಗಿ ಪತ್ತೆಯಾಗಿದ್ದು, ಬಾಲಿವುಡ್​ ಚಿತ್ರಂಗಕ್ಕೆ ಆಘಾತವನ್ನುಂಟು ಮಾಡಿದೆ. ಅನುಮಾನಾಸ್ಪದವಾಗಿ 31 ವರ್ಷ ವಯಸ್ಸಿನ ನಟಿ ಮಾಲಾಬಿಕಾ ಅವರ ಮೃತದೇಹ ಪತ್ತೆಯಾಗಿದ್ದು, ಸಾವಿನ ಸುತ್ತ ಅನುಮಾನಗಳು ವ್ಯಕ್ತವಾಗಿವೆ.

ಒಶಿವಾರಾ ಮನೆಯಲ್ಲಿ ಕೊಳೆತ ಸ್ಥಿತಿಯಲ್ಲಿ ನಟಿಯ ಮೃತದೇಹ ಪತ್ತೆಯಾಗಿದೆ. ಆತ್ಮಹತ್ಯೆ ಶಂಕೆ ಕೂಡ ವ್ಯಕ್ತವಾಗಿದೆ. ಆದ್ರೆ ಸಾವಿಗೆ ನಿಖರ ಕಾರಣ ಗೊತ್ತಾಗಿಲ್ಲ. ವಿಷಯ ತಿಳಿದು ಸ್ಥಳಕ್ಕಾಗಮಿಸಿದ ಪೊಲೀಸರು ಪರಿಶೀಲನೆ ಬಳಿಕ ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆ ರವಾನಿಸಿದರು.

2023 ರಲ್ಲಿ 'ದಿ ಟ್ರೈಲ್' ಎಂಬ ವೆಬ್​ ಸಿರೀಸ್​ನಲ್ಲಿ ನಟಿಸಿದ್ದ ಬಾಲಿವುಡ್​ ನಟಿ ನೂರ್​ ಮಾಲಾಬಿಕಾ ದಾಸ್​ ತಾವು ವಾಸವಾಗಿದ್ದ ಫ್ಲ್ಯಾಟ್​ನಲ್ಲಿ ಆತ್ಮಹತ್ಯೆ ಮಾಡಿಕೊಂಡಿರುವ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾರೆ ಎಂದು ಪೊಲೀಸರು ಸೋಮವಾರ ಮಾಹಿತಿ ನೀಡಿದ್ದಾರೆ.

ನಟಿ ವಾಸವಾಗಿದ್ದ ಅಪಾರ್ಟ್​ನಿಂದ ದುರ್ವಾಸನೆ ಬರುತ್ತಿರುವುದರ ಬಗ್ಗೆ ಸ್ಥಳೀಯರು ಮಾಹಿತಿ ನೀಡಿದ್ದರು ಎಂದು ಅಧಿಕಾರಿ ಹೇಳಿದರು.

ಪೊಲೀಸರು ಸ್ಥಳಕ್ಕಾಗಮಿಸಿ ಮನೆಯ ಬಾಗಿಲು ಮುರಿದು ಒಳಹೋಗಿ ನೋಡಿದಾಗ ನಟಿಯ ಮೃತದೇಹ ಆತ್ಮಹತ್ಯೆಗೆ ಶರಣಾಗಿರುವ ಸ್ಥಿತಿಯಲ್ಲಿ ಕಂಡುಬಂದಿದೆ. ಮನೆಯೊಳಗೆ ಒಂದು ಟೇಬಲ್​ ಮತ್ತು ಹಗ್ಗ ಸಹ ಪತ್ತೆಯಾಗಿದೆ. ನಟಿ ಮಾನಸಿಕ ಖಿನ್ನತೆಯಿಂದ ಬಳಲುತ್ತಿದ್ದರು ಮತ್ತು ಇದಕ್ಕಾಗಿ ಔಷಧಿ ತೆಗೆದುಕೊಳ್ಳುತ್ತಿದ್ದರು ಎಂಬ ಮಾಹಿತಿ ಸಿಕ್ಕಿದೆ ಎಂದು ಪೊಲೀಸ್​ ಅಧಿಕಾರಿ ತಿಳಿಸಿದ್ದಾರೆ.

ನಟಿ ವಾಸವಾಗಿದ್ದ ಫ್ಲ್ಯಾಟ್​ನಲ್ಲಿ ಯಾವುದೇ ಡೆತ್​ನೋಟ್​ ಸಿಕ್ಕಿಲ್ಲ. ಇದೊಂದು ಅಸಹಜ ಸಾವು ಪ್ರಕರಣವೆಂದು ಕೇಸ್​ ದಾಖಲಿಸಿಕೊಂಡಿರುವುದಾಗಿ ಅವರು ಮಾಹಿತಿ ನೀಡಿದರು.

ಇದನ್ನೂ ಓದಿ:ಚಿತ್ರೀಕರಣ ಮುಗಿಸಿ ಬರ್ತಿದ್ದಾಗ ರಸ್ತೆಯಲ್ಲಿ ಖಳನಟನಂತೆ ಎದುರಾದ ಯಮ! ನಿಶ್ಚಿತಾರ್ಥದ ದಿನವೇ ಯುವನಟ ದುರ್ಮರಣ! - Actor Died In Accident