'ಹೆಲ್ ಅಂಡ್ ಹೆವೆನ್' ಕಾನ್ಸೆಪ್ಟ್ ಮೂಲಕ ಆರಂಭವಾಗಿರುವ ''ಬಿಗ್ ಬಾಸ್ ಕನ್ನಡ''ದ ಮನೆಯಲ್ಲಿ ಮೊದಲ ದಿನಗಳಲ್ಲೇ ನರಕ ಸೃಷ್ಟಿಯಾಗುವಂತೆ ತೋರಿದೆ. ನಗುಮೊಗದಲ್ಲಿ ಮನೆಯೊಳಗೆ ಬಲಿಗಾಲಿಟ್ಟ ಸ್ಪರ್ಧಿಗಳ ನಡುವೆ ವಾದ ವಿವಾದ ಶುರುವಾಗಿಬಿಟ್ಟಿದೆ. ಅದಕ್ಕೀಗ ಎಲಿಮಿನೇಶನ್ಗೆ ನಾಮಿನೇಶನ್ ರೌಂಡ್ ತುಪ್ಪ ಸುರಿದಂತೆ ಕಾಣುತ್ತಿದೆ.
''ಮೊದಲ ನಾಮಿನೇಶನ್ ತಾಪ ಸ್ವರ್ಗಕ್ಕೂ ವ್ಯಾಪಿಸಿದ್ಯಾ?'' ಎಂಬ ಶೀರ್ಷಿಕೆಯಡಿ ಕಲರ್ಸ್ ಕನ್ನಡ ಇಂದಿನ ಸಂಚಿಕೆಯ ಪ್ರೋಮೋ ಅನಾವರಣಗೊಳಿಸಿದೆ. ''ಬಿಗ್ ಬಾಸ್ ಕನ್ನಡ ಸೀಸನ್ 11. ಸೋಮ-ಶುಕ್ರ 9:30ಕ್ಕೆ'' ಎಂದು ಬರೆದುಕೊಂಡಿದೆ. ಈ ವಿಡಿಯೋ ನೋಡಿದ್ರೆ ಇಂದಿನ ಸಂಚಿಕೆಯಲ್ಲಿ ವಾದ ವಿವಾದ ಜೋರಾಗುವಂತೆ ತೋರುತ್ತಿದೆ. ಸಂಪೂರ್ಣ ಸಂಚಿಕೆ ರಾತ್ರಿ 9:30ಕ್ಕೆ ಪ್ರಸಾರವಾಗಲಿದೆ.
ಸೀಸನ್ 11 ಶುಭಾರಂಭ ಮಾಡಿದೆ. ಅದರಂತೆ ನಾಮಿನೇಶನ್ ಪ್ರಕ್ರಿಯೆಯೂ ನಡೆಯಬೇಕಲ್ಲವೇ?. ಆ ನಾಮಿನೇಶನ್ ಸೀನ್ ಅನ್ನು ಇಂದಿನ ಸಂಚಿಕೆಯಲ್ಲಿ ಕಾಣಬಹುದಾಗಿದೆ. ಸಂಚಿಕೆಯಲ್ಲಿ ಜಗಳ, ವಾದ ವಿವಾದ ಇರಲಿದೆ ಎಂಬ ಸುಳಿವನ್ನು ಪ್ರೋಮೋ ಬಿಟ್ಟುಕೊಟ್ಟಿದೆ.
ಈ ವಾರದ ನಾಮಿನೇಶನ್ ಪ್ರಕ್ರಿಯೆಯ ಎರಡನೇ ಹಂತವನ್ನು ಟಾಸ್ಕ್ ರೂಪದಲ್ಲಿ ಬಿಗ್ ಬಾಸ್ ನೀಡುತ್ತಿದ್ದಾರೆ ಎಂಬ ದನಿಯೊಂದಿಗೆ ಪ್ರೋಮೋ ಪ್ರಾರಂಭವಾಗಿದೆ. ಯಮುನಾ ಅವರ ಹೆಸರು ನಾಮಿನೇಶನ್ನಲ್ಲಿ ಮೊದಲು ಕೇಳಿ ಬಂದಿದೆ. ನಂತರ ಭವ್ಯಾ ಗೌಡ ಅವರ ಹೆಸರು ಎರಡು ಬಾರಿ ಕೇಳಬಂದಿದೆ. ಜೊತೆಗೆ, ಡಾಮಿನೇಟಿಂಗ್ ಎಂದು ಕೂಡಾ ಇತರ ಸ್ಪರ್ಧಿಗಳು ಆರೋಪಿಸಿದ್ದಾರೆ. ನಂತರ ಗೌತಮಿ ಹೆಸರನ್ನು ಇತರ ಇಬ್ಬರು ಸ್ಪರ್ಧಿಗಳು ಹೇಳಿದ್ದಾರೆ. ನರಕ ನಿವಾಸಿಗಳ ಮೇಲೆ ಗೌತಮಿ ಅವರಿಗೆ ಸಾಫ್ಟ್ ಕಾರ್ನರ್ ಇದೆ ಎಂದು ಸಹಸ್ಪರ್ಧಿ ಭವ್ಯಾ ತಿಳಿಸಿದ್ದಾರೆ. ಯಮುನಾ ಕೂಡಾ ಇದೇ ರೀತಿಯ ಕಾರಣಗಳನ್ನು ಕೊಟ್ಟಿದ್ದಾರೆ. ಹಾಗಾಗಿ, ನರಕ ನಿವಾಸಿಗಳೊಂದಿಗೆ ಸ್ವರ್ಗ ನಿವಾಸಿಗಳು ಮಾತನಾಡೋದೇ ತಪ್ಪಾ? ಎಂಬ ಚರ್ಚೆ ಜೋರಾಗೇ ನಡೆದಿದೆ. ಇದು ಸೋಷಿಯಲ್ ಮೀಡಿಯಾದಲ್ಲಿ ಚರ್ಚೆಗೆ ಎಡೆಮಾಡಿಕೊಟ್ಟಿದೆ.
ಇದನ್ನೂ ಓದಿ:3 ದಿನಕ್ಕೆ 300 ಕೋಟಿ ಕಲೆಕ್ಷನ್ ಮಾಡಿದ 'ದೇವರ' ಮೊದಲ ಸೋಮವಾರ ಗಳಿಸಿದ್ದೆಷ್ಟು ಗೊತ್ತಾ? - Devara Collection Day 4
''ಇದಕ್ಕೂ ಮೊದಲು ಬಿಗ್ ಬಾಸ್ ಮನೆಯ ಸ್ವರ್ಗನಿವಾಸಿಗಳಲ್ಲಿ ನಿಮ್ಮಿಷ್ಟದ ಕಂಟೆಂಸ್ಟೆಂಟ್ ಯಾರು?'' ಮತ್ತು ''ಬಿಗ್ ಬಾಸ್ ಮನೆಯ ನರಕ ನಿವಾಸಿಗಳಲ್ಲಿ ಸಖತ್ ಫೈಟ್ ಕೊಡೋರು ಯಾರು?'' ಎಂಬ ಕ್ಯಾಪ್ಷನ್ನೊಂದಿಗೆ ಚಾನಲ್ ಪೋಸ್ಟ್ಗಳನ್ನು ಶೇರ್ ಮಾಡಿದೆ. ಪ್ರತೀ ಸ್ಪರ್ಧಿಗಳು ತಮ್ಮದೇ ಆದ ಅಭಿಮಾನಿಗಳನ್ನು ಸಂಪಾದಿಸಿದ್ದು, ಈ ವಾರ ಯಾರು ನಾಮಿನೇಟ್ ಆಗ್ತಾರೆ?, ಮೊದಲ ವಾರವೇ ಯಾರು ಮನೆಗೆ ಹೋಗ್ತಾರೆ? ಎಂಬುದರ ಬಗ್ಗೆ ಪ್ರೇಕ್ಷಕರು ಕುತೂಹಲ ವ್ಯಕ್ತಪಡಿಸುತ್ತಿದ್ದಾರೆ.
ಇದನ್ನೂ ಓದಿ:ಮೊದಲ ದಿನವೇ ಬಿಗ್ ಬಾಸ್ ಮನೆಯಲ್ಲಿ ದನಿಯೆತ್ತಿದ ಚೈತ್ರಾ ಕುಂದಾಪುರ್ - Bigg Boss Kannada 11
