ಹೈದರಾಬಾದ್: ಬಾಲಿವುಡ್ ನಟಿ ಆಲಿಯಾಭಟ್ ತಮ್ಮ ಬಹು ನಿರೀಕ್ಷೆಯ ಸಿನಿಮಾದ ಕುರಿತು ಹೊಸ ಮಾಹಿತಿಯನ್ನು ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದಾರೆ. ಯಶ್ ರಾಜ್ ಫಿಲ್ಮ್ಸ್ ಬ್ಯಾನರ್ನಲ್ಲಿ ಮೂಡಿ ಬರುತ್ತಿರುವ ಈ ಚಿತ್ರ ಪತ್ತೆದಾರಿ ಕಥೆ ಹೊಂದಿದೆ. ಚಿತ್ರಕ್ಕೆ 'ಆಲ್ಫಾ' ಎಂದು ಹೆಸರಿಡಲಾಗಿದೆ. ಚಿತ್ರದಲ್ಲಿ ಆಲಿಯಾಗೆ ನಟಿ ಶಾರ್ವರಿ ಕೂಡ ಜೊತೆಯಾಗಿದ್ದಾರೆ. ಈ ಕುರಿತು ಆಲಿಯಾ ಮತ್ತು ಶಾರ್ವರಿ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಹಂಚಿಕೊಂಡಿದ್ದಾರೆ. ಚಿತ್ರದ ಟೈಟಲ್ ಟೀಸರ್ನಲ್ಲಿ ಆಲಿಯಾ ಧ್ವನಿ ಕೇಳ ಬಹುದಾಗಿದೆ.
ಗ್ರೀಕ್ ವರ್ಣಮಾಲೆಯ ಮೊದಲ ಅಕ್ಷರ, ಹಾಗೇ ನಮ್ಮ ಯೋಜನೆಯ ಮುಖ್ಯ ಉದ್ದೇಶ. ಎಲ್ಲರಿಗಿಂತ ಮೊದಲು, ಎಲ್ಲರಿಗಿಂತ ವೇಗ, ಎಲ್ಲರಿಗಿಂತ ಶೂರರು. ಎಚ್ಚರದಿಂದ ನೋಡಿದರೆ, ಎಲ್ಲ ನಗರಗಳಲ್ಲೂ ಒಂದು ಕಾಡಿದೆ. ಆ ಕಾಡನ್ನು ಆಳುವುದು ಆಲ್ಫಾ ಎಂದು ಚಿತ್ರದ ಟೈಟಲ್ ಅನಾವರಣಗೊಂಡಿದೆ. ಚಿತ್ರದ ಟೀಸರ್ ಅಂತ್ಯದಲ್ಲಿ ಚಿತ್ರ ಇದೀಗ ಶೂಟಿಂಗ್ ಪ್ರಾರಂಭಿಸಲಿದೆ ಎಂದು ತೋರಿಸಲಿದೆ.
ಯಶ್ ರಾಜ್ ಫಿಲ್ಮ್ಸ್ ಸ್ಪೈ ಯುನಿವರ್ಸ್ನಲ್ಲಿ ಟೀಸರ್ ಹಂಚಿಕೊಂಡಿರುವ ನಟಿ ಆಲಿಯಾ, ಇದು ಆಲ್ಫಾ ಸಮಯ ಹುಡುಗಿಯರೇ ಎಂದು ಅಡಿ ಬರಹ ಬರೆದಿದ್ದಾರೆ. ಸಿನಿಮಾದ ಚಿತ್ರೀಕರಣಕ್ಕೆ ಮುನ್ನವೇ ಚಿತ್ರ ಇದೀಗ ಸದ್ದು ಮಾಡುತ್ತಿದೆ. ಮಹಿಳಾ ಗೂಢಚಾರಿಣಿ ಪ್ರಧಾನ ಪಾತ್ರದಲ್ಲಿ ಹೊಂದಿರುವ ಕಥೆಯನ್ನು ಚಿತ್ರ ಹೊಂದಿದೆ. ಆಲಿಯಾ ಮತ್ತು ಶಾರ್ವರಿ ಪ್ರಮುಖ ಪಾತ್ರದಲ್ಲಿ ಸೂಪರ್ ಏಜೆಂಟ್ ಆಗಿ ಚಿತ್ರದಲ್ಲಿ ಕಾಣಿಸಲಿದ್ದಾರೆ.