ಜುನಾಗಢ(ಗುಜರಾತ್): ಮಾವಿನ ಸೀಸನ್ ತಡವಾಗಿ ಬಂದರೂ ಈಗ ನಿಧಾನವಾಗಿ ಅರಳುತ್ತಿದೆ. ಇಂದು ಜುನಾಗಢದ ಸ್ಥಳೀಯ ಚಿಲ್ಲರೆ ಮಾರುಕಟ್ಟೆಯಲ್ಲಿ ದಕ್ಷಿಣ ಭಾರತದ ರತ್ನಗಿಯ ಅಫೂಸ್, ಬಾದಾಮಿ ತೋತಾಪುರಿ, ರಾಜಪುರಿ ಮತ್ತು ಸ್ಥಳೀಯ ಗಿರ್ ಮತ್ತು ಸ್ಥಳೀಯ ಮಾವಿನಕಾಯಿಗಳೊಂದಿಗೆ ಕೇಸರಿಯೂ ಮಾರಾಟವಾಗುತ್ತಿದೆ.
ಈ ಬಾರಿ ಮಾರುಕಟ್ಟೆಯಲ್ಲಿ ಮೊದಲ ಬಾರಿಗೆ, ಕೇಸರಿ ಜೊತೆಗೆ ಇತರ ಸ್ಥಳೀಯ ತಳಿಗಳ ಮಾವಿನ ಹಣ್ಣುಗಳು ಭಾರಿ ಪ್ರಮಾಣದಲ್ಲೇ ಕಂಡುಬರುತ್ತಿವೆ. ಆದರೆ, ಕಳೆದ ವರ್ಷಕ್ಕೆ ಹೋಲಿಸಿದರೆ, ಈ ವರ್ಷ ಜುನಾಗಢದ ಸ್ಥಳೀಯ ಚಿಲ್ಲರೆ ವ್ಯಾಪಾರಿಗಳಿಗೆ ಸ್ವಲ್ಪ ಸಿಹಿ ಸುದ್ದಿಯೂ ಇದೆ. ಇನ್ನು ಗ್ರಾಹಕರಿಗೆ ಕೊಂಚ ಸಮಾಧಾನದ ಸುದ್ದಿಯೂ ಇದೆ. ಮಾರುಕಟ್ಟೆಯಲ್ಲಿ ಕೇಸರ್ ಮಾವಿನ ಹಣ್ಣಿನ ಬೆಲೆ ಕೆಜಿಗೆ 150 ರೂ. ಗೆ ಮಾರಾಟ ಮಾಡಲಾಗುತ್ತಿದೆ.
ಮಾರುಕಟ್ಟೆಯಲ್ಲಿ ಇನ್ನಿತರ ಹಣ್ಣುಗಳ ದರ ಹೇಗಿದೆ?:ಸಾಮಾನ್ಯವಾಗಿ ಮಾವಿನ ಹಂಗಾಮಿನಲ್ಲಿ ಸೌರಾಷ್ಟ್ರ ಮಾರುಕಟ್ಟೆಯಲ್ಲಿ ಕೇಸರ್ ತಳಿಯ ಮಾವು ಮೇಲುಗೈ ಸಾಧಿಸುತ್ತಿರುತ್ತದೆ, ಆದರೆ ಈ ಬಾರಿ ಚಿತ್ರಣ ಕೊಂಚ ಬದಲಾಗಿದೆ. ಇಂದು ಜುನಾಗಢದ ಸ್ಥಳೀಯ ಮಾರುಕಟ್ಟೆಯಲ್ಲಿ ಕೇಸರ್ ಮಾವಿನ ಬೆಲೆ ಕೆಜಿಗೆ 150 ರೂ. ಮಾರಾಟವಾಗುತ್ತಿದೆ. ಆದರೆ, ಮಹಾರಾಷ್ಟ್ರದ ರತ್ನಗಿರಿಯ ಮಾವು ಕೆಜಿಗೆ 80 ರೂ.ಗಳಂತೆ ಮಾರಾಟವಾಗುತ್ತಿದೆ. ಈ ಮೂಲಕ ಜುನಾಗಢದ ಚಿಲ್ಲರೆ ಮಾರುಕಟ್ಟೆಯಲ್ಲಿ ಸ್ಥಾನವನ್ನು ಗಳಿಸುವಲ್ಲಿ ಯಶಸ್ವಿಯಾಗಿದೆ.