ಏಪ್ರಿಲ್​ನಿಂದ ಸೆಪ್ಟೆಂಬರ್​ವರೆಗೆ ಶೇ. 60ರಷ್ಟು ದೇಶಿಯ ಚಿನ್ನ ಸಂಗ್ರಹ; ಆರ್​ಬಿಐ

ಈ ವರ್ಷ 510.46 ಮೆಟ್ರಿಕ್​​ ಟನ್​ ಚಿನ್ನ ಸಂಗ್ರಹವಾಗಿದ್ದು, ಏಪ್ರಿಲ್​ ಮತ್ತು ಸೆಪ್ಟೆಂಬರ್​ ಮಧ್ಯದಲ್ಲಿ ದೇಶಿಯವಾಗಿ ಚಿನ್ನ 102 ಟನ್​ ಹೆಚ್ಚಾಗಿದ್ದು, ಮಾರ್ಚ್​ ಅಂತ್ಯದಲ್ಲಿ 408 ಮೆಟ್ರಿಕ್​ ಟನ್​ ಸಂಗ್ರಹವಾಗಿತ್ತು.

ನವದೆಹಲಿ: ಭೌಗೋಳಿಕ ರಾಜಕೀಯ ಘಟನೆಗಳ ನಡುವೆ ಚಿನ್ನದ ಬೆಲೆ ಗಗನಮುಖಿಯಾಗುತ್ತಲೇ ಇದೆ. ಈ ನಡುವೆ ಭಾರತೀಯ ರಿಸರ್ವ್​​ ಬ್ಯಾಂಕ್​ ಸೆಪ್ಟೆಂಬರ್​​ 30ರ ವರೆಗೆ 854.73 ಮೆಟ್ರಿಕ್​ ಟನ್​ ಚಿನ್ನವನ್ನು ಹೊಂದಿದ್ದು, ಇದರಲ್ಲಿ 510 ಮೆಟ್ರಿಕ್​ ಟನ್​ ದೇಶಿಯವಾಗಿದೆ.

ಈ ವರ್ಷ 510.46 ಮೆಟ್ರಿಕ್​​ ಟನ್​ ಚಿನ್ನ ಸಂಗ್ರಹವಾಗಿದ್ದು, ಏಪ್ರಿಲ್​ ಮತ್ತು ಸೆಪ್ಟೆಂಬರ್​ ಮಧ್ಯದಲ್ಲಿ ದೇಶಿಯವಾಗಿ ಚಿನ್ನ 102 ಟನ್​ ಹೆಚ್ಚಾಗಿದ್ದು, ಮಾರ್ಚ್​ ಅಂತ್ಯದಲ್ಲಿ 408 ಮೆಟ್ರಿಕ್​ ಟನ್​ ಸಂಗ್ರಹವಾಗಿತ್ತು.

324.01 ಮೆಟ್ರಿಕ್​ ಟನ್​ ಚಿನ್ನವನ್ನು ಸುರಕ್ಷತೆ ದೃಷ್ಟಿಯಿಂದ ಬ್ಯಾಂಕ್​ ಆಫ್​ ಇಂಗ್ಲೆಂಡ್​ ಮತ್ತು ಬ್ಯಾಂಕ್​ ಅಫ್​ ಇಂಟರ್​ನ್ಯಾಷನಲ್​ ಸೆಟಲ್ಮೆಂಟ್​​ (ಬಿಐಎಸ್​)ನಲ್ಲಿ ಇರಿಸಲಾಗಿದೆ. 20.26 ಮೆಟ್ರಿಕ್​ ಟನ್​ ಚಿನ್ನವನ್ನು ಠೇವಣಿ ರೂಪದಲ್ಲಿ ಇರಲಿಸಲಾಗಿದೆ ಎಂದು ಆರ್​ಬಿಐ ಪ್ರಕಾರ, ವಿದೇಶಿ ವಿನಿಮಯ ಮೀಸಲು ನಿರ್ವಹಣೆ ಏಪ್ರಿಲ್​- ಸೆಪ್ಟೆಂಬರ್​ 2024 ಅರ್ಥವರ್ಷದ ವರದಿ ತಿಳಿಸಿದೆ.

ಮೌಲ್ಯದ ಪರಿಭಾಷೆಯಲ್ಲಿ (ಅಮೆರಿಕನ್​ ಡಾಲರ್​) ಒಟ್ಟು ವಿದೇಶಿ ವಿನಿಮಯ ಮೀಸಲುಗಳಲ್ಲಿ ಚಿನ್ನದ ಪಾಲು ಮಾರ್ಚ್ 2024 ರ ಅಂತ್ಯದ ವೇಳೆಗೆ ಶೇ 8.15 ರಿಂದ ಸೆಪ್ಟೆಂಬರ್ ಅಂತ್ಯದ ವೇಳೆಗೆ ಶೇ 9.32 ಏರಿಕೆ ಕಂಡಿದೆ.

ಅರ್ಧ ವರ್ಷದ ಈ ವರದಿಯು ವಿದೇಶಿ ಮೀಸಲು ಮಾರ್ಚ್​ನಲ್ಲಿ 646.42 ಬಿಲಿಯನ್​ ಡಾಲರ್​ ಇದ್ದು, ಸೆಪ್ಟೆಂಬರ್​ಗೆ 705.78 ಬಿಲಿಯನ್​ ಡಾಲರ್​ಗೆ ಏರಿಕೆ ಕಂಡಿದೆ.

ಉಳಿಕೆ ಪಾವತಿ ಆಧಾರದ ಮೇಲೆ ವಿದೇಶಿ ವಿನಿಮಯ ಮೀಸಲು 2023ರ ಏಪ್ರಿಲ್​- ಜೂನ್​ನಲ್ಲಿ 24.4 ಬಿಲಿಯನ್​ ಡಾಲರ್​ ಇದ್ದು, 2024 ಏಪ್ರಿಲ್​- ಜೂನ್​ಗೆ ಹೋಲಿಕೆ ಮಾಡಿದಾಗ 5.2 ಬಿಲಿಯನ್​ ಡಾಲರ್​ ಇದೆ. ವಿದೇಶಿ ವಿನಿಮಯ ಮೀಸಲುಗಳು 2024ರ ಏಪ್ರಿಲ್ ಜೂನ್ ಅವಧಿಯಲ್ಲಿ 5.6 ಬಿಲಿಯನ್​ ಡಾಲರ್​ ಹೆಚ್ಚಾಗಿವೆ ಎಂದು ಆರ್​ಬಿಐ ದತ್ತಾಂಶ ವರದಿ ಮಾಡಿದೆ.

ಭಾರತೀಯ ರಿಸರ್ವ್​ ಬ್ಯಾಂಕ್​ನ ರಿಸರ್ವ್ ಬ್ಯಾಂಕಿನ ನಿವ್ವಳ ಫಾರ್ವರ್ಡ್ ಆಸ್ತಿ (ಪಾವತಿಸುವ) ಆಸ್ತಿ ಸೆಪ್ಟೆಂಬರ್​ ಅಂತ್ಯದಲ್ಲಿ 14.58 ಬಿಲಿಯನ್​ ಡಾಲರ್​ಗೆ ನಿಂತಿದೆ. 2023ರ ಜೂನ್​ ಅಂತ್ಯದ ನಡುವೆ ಮತ್ತು 2024 ಜೂನ್​ ಅಂತ್ಯದಲ್ಲಿ ಬಾಹ್ಯ ಆಸ್ತಿ 108.4 ಬಿಲಿಯನ್​ ಮತ್ತು ಬಾಹ್ಯ ಹೊಣೆಗಾರಿಕೆಯು 97.7 ಬಿಲಿಯನ್​ ಡಾಲರ್​ ಹೆಚ್ಚಾಗಿದೆ.

ಇದನ್ನೂ ಓದಿ:ಸತತ ಏರಿಕೆ ಬಳಿಕ ಬಂಗಾರದ ಬೆಲೆಯಲ್ಲಿ ಕೊಂಚ ಇಳಿಕೆ: ಇಂದಿನ ಲೆಕ್ಕಾಚಾರ ಹೀಗಿದೆ !