ಕಂಗನಾ ರಣಾವತ್​​ಗೆ ಕಪಾಳಮೋಕ್ಷ ಮಾಡಿದ ಸಿಐಎಸ್‌ಎಫ್ ಮಹಿಳಾ ಯೋಧೆ ಕುಲ್ವಿಂದರ್ ಕೌರ್ ಯಾರು ಗೊತ್ತಾ? - Slap to Kangana Ranaut

''ರೈತರ ಚಳವಳಿಯ ಸಂದರ್ಭದಲ್ಲಿ ನನ್ನ ತಾಯಿ ಅಲ್ಲಿಯೇ ಇದ್ದರು ಮತ್ತು ನಾನು ಚಳವಳಿಯನ್ನು ಬೆಂಬಲಿಸುತ್ತೇನೆ'' ಎಂದು ಆರೋಪಿ ಮಹಿಳಾ ಯೋಧೆ ಹೇಳಿದರು. ಜೊತೆಗೆ ಕಂಗನಾ ರಣಾವತ್​​ ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ್ದಾರೆ.

ಹೈದರಾಬಾದ್:ಬಾಲಿವುಡ್ ಕ್ವೀನ್ ಕಂಗನಾ ರಣಾವತ್​ ಜೊತೆ ಚಂಡೀಗಢ ವಿಮಾನ ನಿಲ್ದಾಣದಲ್ಲಿ ಅನುಚಿತವಾಗಿ ವರ್ತಿಸಿದ ಪ್ರಕರಣ ಬೆಳಕಿಗೆ ಬಂದಿದೆ. ಭದ್ರತಾ ತಪಾಸಣೆಯ ನಂತರ ಗುರುವಾರ ಚಂಡೀಗಢ ವಿಮಾನ ನಿಲ್ದಾಣಕ್ಕೆ ಕಂಗನಾ ತಲುಪಿದ್ದರು. ಸಿಐಎಸ್‌ಎಫ್ ಮಹಿಳಾ ಯೋಧೆ ನಟಿ ಕಂಗನಾಗೆ ಕಪಾಳಮೋಕ್ಷ ಮಾಡಿ ನಿಂದಿಸಿದ್ದಾಳೆ. ಈ ಘಟನೆಯ ನಂತರ ಭಾರಿ ಕೋಲಾಹಲ ಸೃಷ್ಟಿಯಾಗಿತ್ತು.

ಕೂಡಲೇ ಮಹಿಳಾ ಯೋಧೆ ಕುಲ್ವಿಂದರ್ ಕೌರ್ ಅವರನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಲಾಯಿತು. ಆ ಬಳಿಕ ಕ್ರಮ ಕೈಗೊಂಡು ಸಿಐಎಸ್‌ಎಫ್ ಮಹಿಳಾ ಯೋಧೆಯನ್ನು ಅಮಾನತು ಮಾಡಿ ಎಫ್‌ಐಆರ್‌ ದಾಖಲಿಸಲಾಗಿದೆ. ಈ ಯುವತಿ ಯಾರು ಮತ್ತು ಆಕೆ ಯಾಕೆ ಇಂತಹ ಕೃತ್ಯ ಎಸಗಿದಳು ಎಂಬುದನ್ನು ನೋಡುವುದಾದರೆ,

ಮಾಹಿತಿ ಪ್ರಕಾರ ಕಂಗನಾ ರಣಾವತ್​ಗೆ ಕಪಾಳಮೋಕ್ಷ ಮಾಡಿದ 35 ವರ್ಷದ ಮಹಿಳಾ ಯೋಧೆ ಹೆಸರು ಕುಲ್ವಿಂದರ್ ಕೌರ್ ಆಗಿದ್ದು, ಆಕೆ ಸುಮಾರು 15 ವರ್ಷಗಳಿಂದ ಸಿಐಎಸ್​ಎಫ್​ನಲ್ಲಿ ಕೆಲಸ ಮಾಡುತ್ತಿದ್ದಾಳೆ. ಮಹಿಳಾ ಸೈನಿಕನ ಪತಿಯೂ ಸಿಐಎಸ್‌ಎಫ್‌ನಲ್ಲಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಕುಲ್ವಿಂದರ್ ಕೌರ್ ಪಂಜಾಬ್‌ನ ಕಪುರ್ತಲಾ ನಿವಾಸಿ ಆಗಿದ್ದಾರೆ. ಆದರೆ, ಅವರ ಸಹೋದರ ರೈತ ನಾಯಕ. ಪ್ರಸ್ತುತ, ಕುಲ್ವಿಂದರ್ ಕೌರ್ ಅವರನ್ನು ಚಂಡೀಗಢ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಭದ್ರತೆಯಲ್ಲಿ ನಿಯೋಜಿಸಲಾಗಿದೆ.

ಆರೋಪಿ ಮಹಿಳಾ ಯೋಧೆ ಅಮಾನತು:ಈ ಘಟನೆ ಬಳಿಕ ಕ್ರಮ ಕೈಗೊಂಡಿರುವ ಸಿಐಎಸ್‌ಎಫ್, ಮಹಿಳಾ ಯೋಧೆ ಕುಲ್ವಿಂದರ್ ಕೌರ್ ಅವರನ್ನು ಅಮಾನತು ಮಾಡಲಾಗಿದ್ದು, ಜೊತೆಗೆ ಆಕೆ ವಿರುದ್ಧ ಎಫ್‌ಐಆರ್ ಕೂಡ ದಾಖಲಿಸಲಾಗಿದೆ. ರೈತರ ಆಂದೋಲನಕ್ಕೆ ಸಂಬಂಧಿಸಿದಂತೆ ಕಂಗನಾ ವಿರುದ್ಧ ಆರೋಪಿ ಯೋಧೆ ತುಂಬಾ ಕೋಪಗೊಂಡಿರುವ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ಭಾರಿ ವೈರಲ್ ಆಗುತ್ತಿದೆ.

ಬಿಜೆಪಿ ಸಂಸದೆ ಕಂಗನಾ ಹೇಳಿದ್ದಿಷ್ಟು:ಈ ಸಂಪೂರ್ಣ ವಿಷಯದ ಬಗ್ಗೆ ಮಂಡಿಯ ಬಿಜೆಪಿ ಸಂಸದೆ ಕಂಗನಾ ರಣಾವತ್​ ಪ್ರಕ್ರಿಯಿಸಿ, ''ನಾನು ಸಂಪೂರ್ಣವಾಗಿ ಸುರಕ್ಷಿತವಾಗಿದ್ದೇನೆ. ಚಂಡೀಗಢ ವಿಮಾನ ನಿಲ್ದಾಣ ಭದ್ರತಾ ತಪಾಸಣೆಯ ಮೂಲಕ ನಾನು ಮುಂದೆ ಸಾಗುತ್ತಿದ್ದಾಗ ಮಹಿಳಾ ಯೋಧೆಯೊಬ್ಬರು ನನ್ನ ಎದುರಿಗೆ ಬಂದು ಕಪಾಳ ಮೋಕ್ಷ ಮಾಡಿದ್ದಾರೆ. ನಾನು ಯಾಕೆ ಹೀಗೆ ಮಾಡಿದೆ ಎಂದು ಆಕೆಯನ್ನು ಕೇಳಿದೆ, ನಾನು ರೈತರ ಚಳವಳಿಯನ್ನು ಬೆಂಬಲಿಸುತ್ತೇನೆ. ಮತ್ತು ನಿಮ್ಮ ಮೇಲೆ ಕೋಪಗೊಂಡಿದ್ದೇನೆ ಎಂದರು'' ಎಂದು ಕಂಗನಾ ಹೇಳಿದರು.

ಇದನ್ನೂ ಓದಿ:ಮಾನಹಾನಿ ಕೇಸ್​​​​​​​ ಸಂಬಂಧ ವಿಚಾರಣೆಗೆ ಹಾಜರಾಗಲು ಬೆಂಗಳೂರಿಗೆ ಬಂದ ರಾಹುಲ್​ ಗಾಂಧಿ - Rahul Gandhi to appear before court today