ಪಾರ್ಸೆಲ್​ ಮೂಲಕ ಮೃತ ಭ್ರೂಣ ಸಾಗಣೆ ಕಂಡು ಬೆಚ್ಚಿದ ಲಕ್ನೋ ಏರ್​​ಪೋರ್ಟ್​ ಅಧಿಕಾರಿಗಳು

ಲಕ್ನೋನಲ್ಲಿನ ಚೌದರಿ ಚರಣ್​ ಸಿಂಗ್​ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಈ ರೀತಿಯ ಆಘಾತಕಾರಿ ಘಟನೆಯೊಂದು ಬೆಳಕಿಗೆ ಬಂದಿದೆ.

ಲಕ್ನೋ (ಉತ್ತರ ಪ್ರದೇಶ): ಮೃತ ಭ್ರೂಣವನ್ನು ಪಾರ್ಸೆಲ್​ ಮೂಲಕ ಸಾಗಣೆ ಮಾಡಲು ಯತ್ನಿಸಿರುವ ದುಷ್ಕೃತ್ಯ ಕಂಡು ವಿಮಾನ ನಿಲ್ದಾಣದ ಕಾರ್ಗೋ ಅಧಿಕಾರಿಗಳು ಬೆಚ್ಚಿಬಿದ್ದಿದ್ದಾರೆ. ಲಕ್ನೋನಲ್ಲಿನ ಚೌದರಿ ಚರಣ್​ ಸಿಂಗ್​ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಈ ರೀತಿಯ ಆಘಾತಕಾರಿ ಘಟನೆಯೊಂದು ಬೆಳಕಿಗೆ ಬಂದಿದೆ.

ಏನಿದು ಘಟನೆ: ಮಂಗಳವಾರ ಇಲ್ಲಿನ ವಿಮಾನ ನಿಲ್ದಾಣಕ್ಕೆ ಶಿವಭರಣ್​ ಯಾದವ್​ ಎಂಬ ಡೆಲಿವರಿ ಏಜೆಂಟ್​ ಪಾರ್ಸೆಲ್​ ಅನ್ನು ಕಾರ್ಗೋ ಲಕ್ನೋದಿಂದ ಮುಂಬೈಗೆ ಪಾರ್ಸೆಲ್​ ಬುಕ್​ ಮಾಡಿದ್ದಾರೆ. ಲಕ್ನೋದಿಂದ ಮುಂಬೈಗೆ ಪಾರ್ಸೆಲ್​ ಬುಕ್​ ಆಗಿತ್ತು. ಲಗೇಜ್​ ತಪಾಸಣೆ ನಡೆಸಿದಾಗ ಪ್ಲಾಸ್ಟಿಕ್​ ಬಾಕ್ಸ್​ನಲ್ಲಿ ಮೃತ ಮಗುವಿನ ಭ್ರೂಣ ಪತ್ತೆಯಾಗಿದೆ. ಭ್ರೂಣವನ್ನು ನೋಡಿದ ಅಧಿಕಾರಿಗಳು ಗಾಬರಿಕೊಂಡು ಸಿಐಎಸ್​ಎಫ್​ಗೆ ಕರೆ ಮಾಡಿದ್ದಾರೆ. ಈ ವೇಳೆ ತಕ್ಷಣಕ್ಕೆ ಪಾರ್ಸೆಲ್​ ಮಾಡಲು ಮುಂದಾಗಿದ್ದ ವ್ಯಕ್ತಿಯನ್ನು ವಶಕ್ಕೆ ಪಡೆಯಲಾಗಿದೆ. ಸುಮಾರು ಒಂದು ತಿಂಗಳ ಭ್ರೂಣ ಇದಾಗಿದೆ ಎಂದು ತಿಳಿದು ಬಂದಿದೆ. ಕೊರಿಯರ್​ ಕಂಪನಿ ಉದ್ಯೋಗಿ ಈ ಕುರಿತು ಯಾವುದೇ ಹೆಚ್ಚಿನ ಮಾಹಿತಿ ನೀಡಿಲ್ಲ.

ಐವಿಎಫ್​ ಇಂದಿರಾ ನಗರದ ಪ್ರಕ್ರಿಯೆ ವೇಳೆ ನಡೆದ ಈ ಗರ್ಭಪಾತಕ್ಕೆ ಕಾರಣ ಏನು ಎಂಬುದನ್ನು ಅರಿಯಲು ಅವರು ಮುಂಬೈಗೆ ಕೊರಿಯರ್​ ಮೂಲಕ ಕಳುಹಿಸಿದ್ದಾರೆ. ಆದರೆ, ತಪ್ಪಾಗಿ ಅದು ಲಕ್ನೋ ವಿಮಾನ ನಿಲ್ದಾಣಕ್ಕೆ ಬಂದಿದೆ.

ತಪಾಸಣೆ ವೇಳೆ ಸಿಐಎಸ್​ಎಫ್​ ಅಧಿಕಾರಿಗಳಿಗೆ ಮಾತನಾಡಿದ ಯಾದವ್​, ತಾನು ಲಕ್ನೋದಲ್ಲಿನ ಇಂದಿರಾ ನಗರ್​​ ಐವಿಎಫ್​ ಕೇಂದ್ರದಿಂದ ಮುಂಬೈನ ಕೊಪರ್​ ಖೈರಾನೆಯಲ್ಲಿನ ರೂಪಾ ಸೊಲಿಟೈರೆಗೆ ಪಾರ್ಸೆಲ್​ ಕಳುಹಿಸಲು ಮುಂದಾಗಿರುವುದಾಗಿ ತಿಳಿಸಿದ್ದಾರೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ಇದು ಗರ್ಭಪಾತದ ಪ್ರಕರಣವಾಗಿದೆ. ಗರ್ಭಪಾತಕ್ಕೆ ಕಾರಣ ಏನು ಎಂಬ ಕುರಿತು ತಿಳಿಯಲು ಪಾರ್ಸೆಲ್ ಅನ್ನು ಮುಂಬೈಗೆ ಪರೀಕ್ಷೆಗಾಗಿ ಕಳುಹಿಸಲಾಗುತ್ತಿದೆ. ಇಂತಹ ಪಾರ್ಸೆಲ್‌ಗಳನ್ನು ರವಾನಿಸಲು ಅಗತ್ಯವಾದ ದಾಖಲೆಗಳು ಈ ವೇಳೆ ಕಂಡು ಬಂದಿಲ್ಲ ಎಂದು ವಿಮಾನ ನಿಲ್ದಾಣದ ಉಸ್ತುವಾರಿಗಳು ಈಟಿವಿ ಭಾರತ್​​ಗೆ ತಿಳಿಸಿದರು.

ಈ ಪಾರ್ಸೆಲ್​ ರವಾನೆಗೆ ಬೇಕಾದ ಅಗತ್ಯ ದಾಖಲೆಗಳ ಕೊರತೆ ಹಿನ್ನೆಲೆ ಪಾರ್ಸೆಲ್​ ಸಾಗಿಸುತ್ತಿದ್ದ ವ್ಯಕ್ತಿಯನ್ನು ಬಂಧಿಸಲಾಗಿದೆ. ಯಾದವ್​ನನ್ನು ಪರೀಕ್ಷೆಗೆ ಒಳಪಡಿಸಲಾಗತ್ತಿದ್ದು, ತನಿಖೆ ಮುಂದುವರೆದಿದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದರು.

ಇದನ್ನೂ ಓದಿ: ಕ್ರೀಮ್ ರೋಲ್‌ನಲ್ಲಿ ಕಬ್ಬಿಣದ ರಾಡ್: ಬೇಕರಿ ನಿರ್ವಾಹಕನ ವಿರುದ್ಧ ದಾಖಲಾಯ್ತು ದೂರು