ಛತ್ತೀಸ್​ಗಢ ಸರ್ಕಾರದಿಂದ ನಟಿ ಸನ್ನಿ ಲಿಯೋನ್​​ಗೆ ಮಾಸಿಕ ಪಿಂಚಣಿ ಸಂದಾಯ: ಅರೆ, ಹೌದೇ?

ಛತ್ತೀಸ್​ಗಢದಲ್ಲಿ ನಟಿ ಸನ್ನಿ ಲಿಯೋನ್​ ಹೆಸರಿನಲ್ಲಿ ಮಾಸಿಕ ಪಿಂಚಣಿ ಪಡೆದುಕೊಂಡ ಪ್ರಕರಣ ಬೆಳಕಿಗೆ ಬಂದಿದೆ.

ರಾಯ್‌ಪುರ(ಛತ್ತೀಸ್​ಗಢ):ಪಡ್ಡೆ ಹುಡುಗರ ಮನಸು ಕದ್ದ ಚೆಲುವೆ, ನಟಿ ಸನ್ನಿ ಲಿಯೋನ್​​ ಅವರ ಹೆಸರಿನಲ್ಲಿ ಛತ್ತೀಸ್​ಗಢ ಸರ್ಕಾರದ 'ಮಹಿಳಾ ವಂದನಾ ಯೋಜನೆ'ಯಡಿ ಮಾಸಿಕವಾಗಿ ನೀಡಲಾಗುವ 1 ಸಾವಿರ ರೂಪಾಯಿ ಹಣವನ್ನು ಅಕ್ರಮವಾಗಿ ಪಡೆದುಕೊಳ್ಳುತ್ತಿರುವ ಪ್ರಕರಣ ಬಯಲಾಗಿದೆ.

ಈ ಅಕ್ರಮವನ್ನು ಕಾಂಗ್ರೆಸ್​ ಬಯಲಿಗೆ ತಂದಿದ್ದು, ಈ ಬಗ್ಗೆ ತನಿಖೆಗೆ ಆಗ್ರಹಿಸಿದೆ. ಯುವ ಕಾಂಗ್ರೆಸ್ ಅಧ್ಯಕ್ಷ ಜೈವರ್ಧನ್ ಬಾಘೆಲ್ ಅವರು ಭಾನುವಾರ ತಮ್ಮ ಫೇಸ್‌ಬುಕ್‌ನಲ್ಲಿ ಈ ಬಗ್ಗೆ ಪೋಸ್ಟ್ ಹಂಚಿಕೊಂಡಿದ್ದು, ಮಹಿಳೆಯರಿಗಾಗಿ ಇರುವ ಮಹತರಿ ವಂದನಾ ಯೋಜನೆಯಲ್ಲಿ ಭ್ರಷ್ಟಾಚಾರ ನಡೆಸಲಾಗಿದೆ. ನಟಿ ಸನ್ನಿ ಲಿಯೋನ್​ ಹೆಸರಿನಲ್ಲಿ ಖಾತೆ ತೆರೆದು ಹಣ ಪಡೆಯಲಾಗಿದೆ ಎಂದು ಆರೋಪಿಸಿದ್ದಾರೆ.

ಕಾಂಗ್ರೆಸ್​ ಹಂಚಿಕೊಂಡ ದಾಖಲೆ (X handle)

ಛತ್ತೀಸ್‌ಗಢ ಸರ್ಕಾರವು ಪ್ರತಿ ತಿಂಗಳು ಸನ್ನಿ ಲಿಯೋನ್‌ಗೆ 1,000 ರೂಪಾಯಿಗಳನ್ನು ನೀಡುತ್ತಿದೆ. ಈ ಪ್ರಕರಣವು ಸರ್ಕಾರದ ಭ್ರಷ್ಟಾಚಾರವನ್ನು ಬಹಿರಂಗಪಡಿಸುತ್ತದೆ ಎಂದು ದೂರಿದ್ದಾರೆ. ಜೊತೆಗೆ, ಸನ್ನಿ ಲಿಯೋನ್ ಹೆಸರಿನ ಖಾತೆ ಮತ್ತು ಅದಕ್ಕೆ ಪ್ರತಿ ತಿಂಗಳು ವರ್ಗಾವಣೆಯಾದ ಮೊತ್ತವುಳ್ಳ ದಾಖಲೆಯ ಫೋಟೋವನ್ನೂ ಹಂಚಿಕೊಂಡಿದ್ದಾರೆ.

ಬಿಜೆಪಿ ಮೇಲೆ ಕಾಂಗ್ರೆಸ್ ವಾಗ್ದಾಳಿ:ಪ್ರಕರಣ ಹೊರಬಿದ್ದ ಬಳಿಕ ಆಡಳಿತಾರೂಢ ಕಾಂಗ್ರೆಸ್ ವಿರುದ್ಧ ವಾಗ್ದಾಳಿ ನಡೆಸಿರುವ ಕಾಂಗ್ರೆಸ್​, ಮಹತರಿ ವಂದನಾ ಯೋಜನೆಯಲ್ಲಿ ಅಕ್ರಮ ನಡೆದಿದೆ. ಯೋಜನೆಯ 70 ಲಕ್ಷ ಹಣದ ಪೈಕಿ ಪೈಕಿ 50 ಲಕ್ಷಕ್ಕೂ ಹೆಚ್ಚು ಹಣ ಪೋಲಾಗಿದೆ. ಮೃತರಿಗೂ ಹಣ ನೀಡಲಾಗುತ್ತಿದೆ. ಸನ್ನಿ ಲಿಯೋನ್​​​ ಹೆಸರಿನಲ್ಲೂ ಹಣ ಪಡೆದುಕೊಂಡಿರುವುದು ಇದಕ್ಕೆ ಸಾಕ್ಷಿ. ಈ ಬಗ್ಗೆ ಸರಕಾರ ತನಿಖೆ ನಡೆಸಬೇಕು ಎಂದು ಆಗ್ರಹಿಸಿದೆ.

ಕಾಂಗ್ರೆಸ್​ ನೀಡಿದ ದಾಖಲೆಗಳ ಅನುಸಾರ ಸರ್ಕಾರ ತನಿಖೆ ನಡೆಸಿದ್ದು, ಬಸ್ತಾರ್‌ ಜಿಲ್ಲೆಯ ತಾಳೂಗು ಗ್ರಾಮದ ವ್ಯಕ್ತಿಯೊಬ್ಬರು ನಕಲಿ ದಾಖಲೆ ನೀಡಿ ಸನ್ನಿ ಲಿಯೋನ್ ಹೆಸರಿನಲ್ಲಿ ಹಣ ಪಡೆದುಕೊಂಡಿದ್ದನ್ನು ಪತ್ತೆ ಮಾಡಿದೆ. ತಕ್ಷಣವೇ ಆ ಖಾತೆಯನ್ನು ಮುಟ್ಟಗೋಲು ಹಾಕಿಕೊಂಡು, ಹಣ ಎತ್ತುವಳಿ ಮಾಡಲಾಗಿದೆ. ಸರ್ಕಾರಕ್ಕೆ ವಂಚಿಸಿದ ಆರೋಪಿ ವಿರುದ್ಧ ಎಫ್‌ಐಆರ್‌ ದಾಖಲಿಸಲಾಗಿದೆ.

ಇದನ್ನೂ ಓದಿ:ಅಕ್ರಮವಾಗಿ ಐಎಎಸ್​​ ಹುದ್ದೆ ಪಡೆದ ಪೂಜಾ ಖೇಡ್ಕರ್​ಗೆ ನಿರೀಕ್ಷಣಾ ಜಾಮೀನಿಲ್ಲ; ಯಾವುದೇ ಕ್ಷಣದಲ್ಲೂ ಬಂಧನ ಸಾಧ್ಯತೆ